Следчы камітэт пачаў "спецвытворчасць" супраць Людмілы Барэйкі, якая прыдумала лозунг «Стоп таракан»
Спадарыні Людміле 62 гады, яна паходзіць з Глыбокага, але ўжо некалькі год вымушана жыве за мяжой. Следчыя распачалі супраць яе «спецвытворчасць» - юрыдычную працэдуру, паводле якой чалавека, якога няма ў Беларусі, можна судзіць завочна. Жанчыну вінавацяць паводле арт.188 Крымінальнага Кодэкса (Паклёп). Санкцыі артыкула прадугледжваюць абмежаванне або пазбаўленне волі на тэрмін да трох гадоў.
13 сакавіка Следчы камітэт распачаў спецвытворчасць у дачыненні да праваабаронцы і журналіста Ігара Казмерчака
Пра гэта паведаміў Тэлеграм-канал «Специальное производство. Официально». Ігара Казмерчака, які ў 2021 годзе быў вымушаны пакінуць Беларусь, вінавацяць паводле двух артыкулаў Крымінальнага Кодэкса - паводле частак 1 і 2 арт. 361-4, а таксама паводле ч.1 арт.368 Крымінальнага кодэкса. Спецвытворчасць прадугледжвае магчымасць судовага разбору ў адсутнасць падсуднага.
Прызыўнік не з'явіўся на медкамісію і быў асуджаны на 1 год калоніі
Суддзя суда Пастаўскага раёна Наталля Жукава 26 лютага за ўхіленне ад мерапрыемстваў прызыву на вайсковую службу па ч.1 арт. 435 Крымінальнага кодэкса прызначыла пакаранне ў выглядзе пазбаўлення волі на тэрмін 1 год мясцоваму жыхару 19-гадоваму Арцёму Байдаку. Крымінальная справа разгледжана ў выязным судовым пасяджэнні ў Пастаўскім раённым ваенкамаце, куды запрасілі маладых людзей прызыўнога ўзросту.
За сэксуальны гвалт над больш як 160 дзецьмі судзяць выхавацеля дзіцячага садка з Шуміліна
40-гадовы выхавацель дзіцячага сада №1 здзяйсняў супрацьзаконныя дзеянні супраць выхаванцаў установы на працягу амаль 17-ці год. Крымінальная справа распачатая і ў дачыненні да загадчыцы садка, дзе ен працаваў. Па версіі следства, жанчына ігнаравала скаргі бацькоў, якія спрабавалі звярнуць яе ўвагу на падазроныя паводзіны падначаленага. Ці былі такія скаргі, меркаваць цяжка, бо сэксуальнага злачынцу выявілі выпадкова. Маці з хлопчыкам – выхаванцам дзіцячага сада -- выпадкова сустрэлі ў краме педагога, ад якога малы раптам стаў хавацца. Пасля роспытаў дома бацькі звярнуліся ў міліцыю, выхавацеля затрымалі, а дома ў яго знайшлі больш за 400 Гб відэазапісаў дзіцячага порна.
У Расіі за "крымінал" у вышуку як мінімум 15 віцебскіх апазіцыянераў
У МУС Расіі на публічным сэрвісе, з дапамогай якога можна праверыць, ці знаходзіцца чалавек у вышуку на тэрыторыі "саюзнай дзяржавы", з 95994 чалавек лічыцца 3186 грамадзян і ўраджэнцаў Беларусі. Тамсама знаходзяцца як мінімум 15 жыхароў Віцебска і Віцебскай вобласці.
У Оршы для расчысткі снегу задзейнічалі былых крымінальнікаў. На чарзе – асуджаныя па «адміністратыўцы»?
«Аршанская газета» распавяла пра «новую практыку ў выхаваўчай рабоце», якую прымяніла мясцовая крымінальна-выканаўчая інспекцыя. У гэтай установе бяруць на адмысловы ўлік тых, хто вызваліўся пасля адбыцця пакарання за крымінальныя злачынствы. Інспектары сочаць, каб былыя зняволеныя ўладкоўваліся на працу і не парушалі грамадскі парадак. Тых, хто яшчэ не працаўладкаваны, супрацоўнікі КВІ і заклікалі «на добраахвотнай аснове» узяць удзел у расчыстцы снегу каля аршанскага этнаграфічнага музея.
У Полацку затрымалі менеджара Іллю Матэвушава – яго вінавацяць за «распаўсюд экстрэмізму» і абразы памерлага сілавіка
Кадры затрымання 32-гадовага менеджара УП «Полацксантэхэлектрасбыт» размясціў у чарговым саматужным відэароліку віцебскі тэлеграм-канал «Северная столица». Тэлеграм-канал спецыялізуецца на выпуску міліцэйскіх «агітак» і відэароліках з выкарыстаннем так званых пакаяльных відэа, якія трапляюць да «рэжысёраў» непасрэдна ад віцебскіх міліцыянтаў. Відэазапісы, на якіх знаёмыя пазналі Іллю Матэвушава, суправаджаюцца яшчэ і вербальнымі абразамі: затрыманага называюць «паразитом, не меющим ни ума, ни совести, способным на подлые поступки, предательство и низменнось». Пры гэтым допіс утрымлівае вялікую колькасць памылак, што даўно ўжо стала «фірмовым стылем» тэлеграм-канала «Северная столица» і сведчыць пра вельмі невысокі ўзровень адукацыі і культуры аўтараў.
Следчы камітэт пачаў «спецыяльную вытворчасць» у дачыненні да былога пастаўскага прадпрымальніка
Супраць Ігара Парункевіча распачатая крымінальная справа па трох артыкулах КК — аб распальванні варожасці, абразе Лукашэнкі і гвалце або пагрозе прымянення гвалту ў дачыненні да міліцыянта (артыкулы 130, 368 і 364 Крымінальнага Кодэкса). Праз свой Тэлекграм-канал «Специальное производство. Официально» следчы камітэт прапануе Парункевічу з'явіцца ў мінскае абласное ўпраўленне свайго ведамства. Але малады чалавек даўно пакінуў Беларусь, зразумеўшы, што яму не даруюць дапамогу фонду салідарнасці By_Help. Якраз таму супраць яго і распачатая «спецыяльная вытворчасць», калі чалавека прыцягваюць да судовай адказнасці завочна – без асабістай прысутнасці на працэсе.
Былому начальніку наваполацкай міліцыі вынеслі прысуд за гвалт у адносінах да супрацоўніка ДАІ
Судья суду Расонскага раёна Алена Ялавая 16 студзеня прысудзіла былому начальніку Наваполацкага ГАУС Уладзіміру Дуброўскаму 2,5 года «хіміі». Ён абвінавачваўся ў супраціве супрацоўніку міліцыі, спалучаным з ужываннем гвалту па ч. 2 арт. 363 Крымінальнага кодэкса.
За абразу міліцыянтаў суд пакараў жыхара Віцебска пазбаўленнем волі і буйным штрафам
Суддзя суда Першамайскага раёна Віцебска Міхаіл Юрчанка 29 студзеня прызнаў вінаватым Дзмітрыя Палякова ў абразе прадстаўнікоў ўлады ў сувязі з выкананнем імі службовых абавязкаў, і на падставе арт.369 КК прызначыў мужчыну пакаранне ў выглядзе пазбаўлення волі на тэрмін у 1,5 года з адбываннем пакарання ў папраўчым калоніі ва ўмовах агульнага рэжыму са штрафам у памеры 4000 рублёў. Акрамя таго, Зміцер павінен выплаціць кампенсацыю маральнай шкоды на карысць траіх пацярпелых міліцыянтаў на агульную суму 5500 рублёў.