Улады за абразу Лукашэнкі палітвязня асудзілі на два гады калоніі
У Віцебскім раённым судзе 21 чэрвеня асудзілі палітзняволенага Канстанціна Ступнікава паводле ч. 1 арт. 368 (Абраза Лукашэнкі) Крымінальнага кодэкса. Суддзя Міхаіл Зубеня прызначыў Канстанціну два гады пазбаўлення волі ў калоніі ва ўмовах агульнага рэжыму.
Палітвязню Алегу Яфрэменку дадалі яшчэ адзін год зняволення
У судзе Горацкага раёна 25 ліпеня палітвязня ўжо другі раз асудзілі па ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Суддзя Алена Вараб’ёва прызначыла Алегу яшчэ адзін год зняволення. Раней палітвязню ўжо ўзмацнялі рэжым: у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым у Магілёў, а летась дадалі год калоніі за "непадпарадкаванне" адміністрацыі магілёўскай турмы.
Алега Яфрэменку, палітвязня з Віцебска, будуць другі раз судзіць за кратамі. Суд 25 ліпеня
Віцяблянін, якога асудзілі за падсечку міліцыянту падчас мірных маршаў 2020г., цяпер адбывае пакаранне ў Горацкай калоніі №9. У снежні 2020г. суд Першамайскага раёна г. Віцебска пакараў яго чатырма з паловай гадамі пазбаўлення волі ў калоніі агульнага рэжыму. Пазней суд Ленінскага раёна Магілёва прызнаў палітвязня парушальнікам рэжыму ўтрымання і за нібыта непадпарадкаванне адміністрацыі папраўчай установы прысудзіў яшчэ год калоніі. Цяпер яго зноў вінавацяць у сістэматычных парушэннях паводле ч. 1 арт. 411 Крымінальнага Кодэкса – гэта ўжо другая справа, вынікам якой мае стаць пагаршэнне ўмоваў адбыцця пакарання.
Затрыманы былы баец «Азова» з Віцебску, які толькі выйшаў з калоніі
«Пакаяннае відэа» са Станіславам Ганчаровым па мянушцы «Тэрор-машына» было апублікавана на адным тэлеграм-каналаў, блізкіх да ГУБАЗіКа. Затрыманы тлумачыць, што не мае ніякага дачынення да «апазіцыі», і што падставай для затрымання нібыта сталі татуіроўкі – сілавікі ўбачылі ў іх прапаганду нацызму. Паводле Ганчарова, татуіроўкі ён зрабіў у раннім юнацтве, некаторыя з іх ужо «забіў», каб не правакаваць міліцыю, ад астатніх меркаваў пазбавіцца пазней, бо толькі выйшаў з-пад арышту: у 2017г. ён быў асуджаны да 7 гадоў пазбаўлення волі ў калоніі ўзмоцненага рэжыму. І з пакараннем тады было не ўсе так проста.
Улады за каментары ў сацсетках на два гады пазбавілі волі жыхарку Новаполацка
Суддзя суду Наваполацка Сняжана Калінічэнка, 30 траўня вынесла прысуд мясцовай жыхарцы Кацярыне Леў. Улады вінавацілі яе ў абразе прадстаўнікоў улады паводле арт. 369 Крымінальнага кодэкса. За гэта суд пакараў жанчыну пазбаўленнем волі тэрмінам на два гады і штрафам ў 3 700 рублёў. У чаканні суда Кацярына правяла 4 месяцы ў Віцебскім абласным ізалятары.
У Віцебскай вобласці па крымінальных артыкулах ужо асуджаныя 7 дэпутатаў
Неяк растлумачыць гэты рэпутацыйны правал "народных абраннікаў" і якія арганізацыйныя меры плануе прыняць Віцебскі абласны Савет дэпутатаў для аднаўлення "палітычнай рэнаме" дэпутацкага корпуса перад выбарамі 2024 года, пакуль не зразумела.
Палітвязня Андрэя Дзмітрыева накіравалі адбываць пакаранне ў «Віцьбу-3»
Былога кандыдата ў прэзідэнты на выбарах 2020 г., сузаснавальніка і сустаршыню аб'яднання "Говори правду" прызналі вінаватым паводле арт. 342 Крымінальнага кодэкса («Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»). Суд Маскоўскага раёна Мінска пакараў Дзмітрыева пазбаўленнем волі на паўтара гады ў калоніі ва ўмовах агульнага рэжыму.
Беларусы адзначаюць Дзень нараджэння палітзняволенай Яны Пінчук
Сёння, 28 чэрвеня, маладой жанчыне з Віцебску спаўняецца 26 гадоў. У гэты дзень Яна атрымала віншаванні з многіх гарадоў свету. А менавіта з Кішынёва, Рыгі, Навасібірску, Бруселя, Белграда, Варшавы, Мілана, Жэневы і інш. Вось што палітзняволенай напісалі суайчыннікі з Санкт-Пецярбургу.
Палітвязнем прызнаны віцяблянін Зміцер Загалавец
Паводле інфармацыі, атрыманай з праўладных тэлеграм-каналаў, доўгі час 40-гадовы мужчына ў сацыяльных сетках «агітаваў людзей выходзіць на барыкады, пускаць цягнікі пад адхоны, і ладзіць фізічныя расправы над сілавікамі». Палітвязень, з 20 студзеня 2023 года, знаходзіцца ў Віцебскім абласным следчым ізалятары.
Уладзіміра Булаўскага этапавалі ў бабруйскую ПК-2
Віцебскі музыка і арт-менеджар бедзе адбываць пакаранне ў папраўчай калоніі ў Бабруйску. Пра гэта праваабаронцам паведамілі ягоныя сваякі. Сёлета ў траўні суд Першамайскага раёну Віцебска прызнаў Уладзіміра Булаўскага вінаватым паводле арт. 342-2 Крымінальнага Кодэксу (Неаднаразовае парушэнне парадку арганізацыі або правядзення масавых мерапрыемстваў). Суддзя Міхаіл Юрчанка пастанавіў яго пакараць двума гадамі калоніі.