Згодна з матэрыяламі справы абвінавачаны 5 верасня 2023 года ў памяшканні ваенкамата пад асабісты подпіс атрымаў позву з патрабаваннем з'явіцца 6 верасня 2023 года для праходжання медыцынскага агляду. Але Байдак праігнараваў удзел ва ўказаным мерапрыемстве і з'ехаў да маці, якая пражывае ў Мінску, дзе яго пасля затрымалі супрацоўнікі міліцыі.

З улікам пазіцыі пракурора і прадстаўленых ім доказаў суддзя Жукава пастанавіла абвінаваўчы прысуд. На падставе ч.1 арт. 435 КК абвінавачанаму прызначана пакаранне ў выглядзе пазбаўлення волі на тэрмін 1 год.

У адпаведнасці з арт.78 КК суд пастанавіў не прыводзіць у выкананне прызначанае пакаранне, калі на працягу гадавога выпрабавальнага тэрміну малады чалавек не ўчыніць новае злачынства і будзе выконваць ускладзеныя на яго судом абавязкі. У прыватнасці, Арцём павінен паступіць на працу, у вольны ад працы час выканаць грамадска карысныя працы ў аб'ёме 60 гадзін.

Суд таксама абавязаў хлопца заплаціць у даход дзяржавы крымінальна-прававую кампенсацыю ў памеры 2 тыс. рублёў на працягу шасці месяцаў пасля ўступлення прыгавору ў законную сілу.

Дзмітрый Цурпанаў