7 сакавіка судзьдзя Віцебскага абласнога суду Андрэй Прэйс разгледзеў скаргу кіраўніка грамадзкай ініцыятывы “Хайсы” Яна Дзяржаўцава на рашэньне суду Віцебскага раёну. Месяц таму судзьдзя Натальля Трацьцякова абвінаваціла грамадзкага актывіста ў самавольным пахаваньні чалавечых парэшткаў у месцы, не прадугледжаным для такіх мэтаў заканадаўствам (артыкул 23.43 Кодэксу аб адміністрацыйных правапарушэньнях), і аштрафавала яго на пяць базавых велічыняў.

Разгляд адміністрацыйнай справы ў дачыненьні да ініцыятара стварэньня мэмарыялу рэпрэсаваным за часамі Сталіна, кіраўніка грамадзкай ініцыятывы “Хайсы” Яна Дзяржаўцава заняў у судзе Віцебскага раёну два дні. Раней гэтая справа ўжо разьбіралася райсудом, але была вернутая на новы разгляд рашэньнем Віцебскага абласнога суду.

31 студзеня Віцебскім абласным судом разглядаліся адразу дзьве скаргі незалежных журналістаў – Тацяны Смоткінай і Зьмітра Лупача. У выніку разгляду рашэньні раённых судоў, якія падверглі журналістаў штрафам, пакінутыя бязь зьменаў.

Згодна з апублікаваным 30 студзеня рашэньнем Віцебскага гарсавету “Аб бюджэце горада Віцебска на 2018 год”, улады плянуюць папоўніць сёлета гарадзкі бюджэт за кошт штрафаў на суму 1 млн. 829 тысяч рублёў. Гэта больш за 920 тыс. даляраў.

У Кастрычніцкім судзе Віцебску 26 студзеня агучылі прысуд віцебскаму актывісту Пятру Іванову. Суд прызнаў яго вінаватым у зьдзяйсьненьні гвалту ў дачыненьні да службовай асобы падчас выкананьня той службовых абавязкаў (ч.1 арт. 366 КК РБ) і пакараў штрафам памерам 85 базавых велічынь. Іваноў быў вызвалены з-пад варты ў залі суду.

Гэтым разам справу супраць глыбоцкага журналіста распачалі міліцыянты з Пастаўскага РАУС. І Пастаўскі раённы суд пастанавіў пакараць Зьмітра Лупача штрафам у памеры 25 базавых велічынь, або 612 рублёў 50 капеек.

Суд Віцебскага раёну аштрафаваў кіраўніка грамадзянскай ініцыятывы “Хайсы” Яна Дзяржаўцава за самавольнае пахаваньне парэшткаў ахвяраў сталінскіх рэпрэсіяў. Чалавечыя косткі, якія ён нібыта незаконна пахаваў, былі знойдзеныя ў лесе пасьля працы 52-га пошукавага батальёну.

Генадзя Бердзенева судзілі завочна: 1 сьнежня ён ня змог трапіць з Полацку да 9:30 у суд Маскоўскага раёну Менску. Пра штраф памерам 25 базавых велічынь ён даведаўся праз тэлефон.

35 базавых велічынь прысудзіў судзьдзя Глыбоцкага райсуду Андрэй Тарасевіч незалежнаму журналісту з Глыбокага Зьмітру Лупачу. Зьмітра судзілі ў новым будынку Глыбоцкага суду, які адкрылі некалькі дзён таму.

Праваабаронца Валер Місьнікаў аспрэчваў у абласным судзе рашэньне Першамайскага і Чыгуначнага раённых судоў, якія прысудзілі яго да штрафаў па 10 базавых велічыняў кожны. Прычым за адно і тое ж парушэньне (якое на думку судзьдзяў мела месца), але па розных артыкулах адміністрацыйнага кодэксу. Вэрдыкт аблсуду: па адной са справаў рашэньне пакінуць у сіле, па другой – скасаваць і накіраваць на дапрацоўку.