Віцебскія ўлады – супраць сьвяткаваньня Дня Канстытуцыі
Намесьнік старшыні адміністрацыі Чыгуначнага раёну Віцебску Аляксандар Ільмовіч забараніў мітынг, які мусіў адбыцца 15 лютага. Заяўку на мерапрыемства з мэтай адсьвяткаваць Дзень Канстытуцыі падаваў у раённую адміністрацыю праваабаронца Леанід Сьвецік.
100 год БНР. Віцябляне зьвярнуліся па дазвол уладаў на мітынг 25 сакавіка
Грамадзяне плянуюць адзначыць Дзень Волі і 100-годзьдзе БНР у Віцебску на сьвяточным мітынгу-канцэрце. Заяву з просьбай аб дазволе на правядзеньне сьвяточнага мерапрыемства падалі ў адміністрацыю Чыгуначнага раёну Віцебску прадстаўнікі Віцебскай абласной арганізацыі партыі БНФ.
Віцебскі праваабаронца падаў заяўку на мітынг
Згодна з заяўкай, пададзенай праваабаронцам Леанідам Сьвецікам у адміністрацыю Чыгуначнага раёну Віцебску, мітынг мусіць адбыцца 15 сакавіка ў Парку культуры і адпачынку чыгуначнікаў. Заяўленая мэта імпрэзы – публічна адсьвяткаваць Дзень Канстытуцыі Рэспублікі Беларусь, які вызначаны ўказам прэзыдэнта як сьвяточны дзень.
Віцебск: Выбары скончыліся, пытаньні засталіся
18 лютага завяршыўся трохмесячны выбарчы маратон, які дазволіў сфармаваць мясцовыя прадстаўнічыя органы ўлады – Саветы дэпутатаў. Зразумела, гэта значны палітычны вынік, які дасягнуты мясцовай выканаўчай галіной улады. Іншым вынікам мясцовых выбараў можна лічыць відавочны факт, што выбарчая сыстэма ў цяперашнім яе выглядзе падрывае давер да вынікаў галасаваньня і выклікае сумнеў у легітымнасьці дэпутатаў.
“Крытычная “ямачнасьць” адсутнічае”. Віцябляне атрымалі адказ на зварот аб добраўпарадкаваньні Парку чыгуначнікаў
На пачатку лістапада жыхары Віцебску зьвярнуліся да гарадзкіх уладаў з просьбай акультурыць Парк культуры чыгуначнікаў. Прасілі адрамантаваць дарожкі, усталяваць арэлі на дзіцячых пляцоўках, рэканструяваць небясьпечную лаўку на беразе стаўка. 30 лістапада быў атрыманы адказ.
У Віцебску вынесены прысуд праваслаўнаму сьвятару, абвінавачанаму ў сутэнёрстве
Суд Чыгуначнага раёну Віцебску 14 лістапада абвясьціў вырак паводле крымінальнай справы «бацюшкі-сутэнёра» – 39-гадовага сьвятара Мікалая Кірэева зь Ленінградскай вобласьці (Расея), якога затрымалі ў кампаніі жанчын лёгкіх паводзінаў на вакзале ў беларускім горадзе. Яму прызначылі пакараньне ў выглядзе 5 гадоў 6 месяцаў пазбаўленьня волі ў калёніі ўзмоцненага рэжыму з канфіскацыяй маёмасьці.
Віцябляне зьбіраюць подпісы, каб акультурыць Парк культуры чыгуначнікаў
Вычысьціць ад сьмецьця сажалку, пачысьціць прыбіральню, адрамантаваць ходнікі, давесьці да ладу сцэнічныя пляцоўкі і зрабіць атракцыёны для дзяцей – гэта тое, што трэба зрабіць, каб у Парку культуры і адпачынку чыгуначнікаў можна было адпачываць сапраўды культурна. Пэтыцыя з просьбай добраўпарадкаваць парк зьявілася нядаўна на інтэрнэт-пляцоўцы “Зручны горад”.
Віцябчанка, якая нарадзіла дома і страціла немаўля, абскардзіла вырак суду
31-гадовую Вольгу Сьцяпанаву прызналі вінаватай у прычыненьні сьмерці па неасьцярожнасьці. На падставе часткі 1 артыкулу 144 Крымінальнага кодэксу ёй прызначанае пакараньне ў выглядзе пазбаўленьня волі тэрмінам на 6 месяцаў з адбыцьцём пакараньня ў папраўчай калёніі ва ўмовах пасяленьня. На час, прадугледжаны для абскарджаньня прысуду, меру стрыманьня для яе зьмянілі на падпіску аб нявыезьдзе (4 месяцы да суду Вольга Сьцяпанава знаходзілася ў СІЗА).
Віцебскі абласны суд пачуў аргумэнты праваабаронцы. Але ня ўсе...
Праваабаронца Валер Місьнікаў аспрэчваў у абласным судзе рашэньне Першамайскага і Чыгуначнага раённых судоў, якія прысудзілі яго да штрафаў па 10 базавых велічыняў кожны. Прычым за адно і тое ж парушэньне (якое на думку судзьдзяў мела месца), але па розных артыкулах адміністрацыйнага кодэксу. Вэрдыкт аблсуду: па адной са справаў рашэньне пакінуць у сіле, па другой – скасаваць і накіраваць на дапрацоўку.
Віцябчанку, якая праз роды ў хатніх умовах страціла немаўля, суд прызнаў вінаватай
Абвяшчэньне выраку ў дачыненьні да Вольгі Сьцяпанавай судзьдзя Юры Урбан пачаў 7 верасьня а 14:20 у Чыгуначным райсудзе Віцебску. Вэрдыкт судзьдзі – 6 месяцаў абмежаваньня волі ў калёніі-пасяленьні за прычыненьне сьмерці па неасьцярожнасьці. Падсуднай была зьмененая мера стрыманьня на падпіску аб нявыезьдзе, і яна была вызваленая з-пад варты ў залі суду.