Яшчэ адзін пікет у Дзень правоў чалавека забаронены ў Віцебску
10 сьнежня адзначаецца ва ўсім сьвеце як Дзень правоў чалавека. У гэты дзень 68 гадоў таму Генасамблея ААН прыняла Ўсеагульную дэклярацыю правоў чалавека. Чарговую заяўку на пікет у гэты дзень у Віцебску падаваў у мясцовыя органы ўлады праваабаронца Леанід Сьвецік. І – прадказальна: заяўка не задаволеная, пікет – забаронены.
Пікеты ў Віцебску зноў забароненыя
Намесьнік кіраўніка Адміністрацыі Чыгуначнага раёну Віцебску Натальля Ляпёшкіна забараніла праваабаронцу Паўлу Левінаву правядзеньне двух пікетаў.
Віцебскія чыноўнікі не далі актывістам АГП правесьці пікеты
Пікеты «За сумленныя выбары, супраць фальсыфікацыяў» меркавалася зладзіць 5 лістапада ў трох розных месцах Віцебску. Аднак раённыя адміністрацыі гораду адмовілі заяўнікам ад Аб'яднанай грамадзянскай партыі ў дазволах на правядзеньне імпрэзаў.
Судзьдзя вырашыў не караць віцебскага апазыцыянэра за псаваньне перадвыбарных плякатаў (відэа, фота)
Кандыдат у дэпутаты ад партыі левых «Справядлівы сьвет» Вадзім Кузьмін абвінавачваўся акруговай камісіяй у прычыненьні матэрыяльнай шкоды на суму 3 рублі 45 капеек. Разгляд справы аб зьдзяйсьненьні адміністрацыйнага правапарушэньня ў судзе Чыгуначнага раёну гораду Віцебску працягваўся паўтары гадзіны, абвяшчэньне пастановы судзьдзём Юрыем Урбанам заняло менш за дзьве хвіліны.
Жыхарка Гарадка: Я абураная паводзінамі судзьдзі Цыганковай (відэа)
У судзе Чыгуначнага раёну Віцебску распачаўся новы разгляд адміністрацыйнай справы ў дачыненьні да актывісткі Надзеі Куканос. Справу вядзе судзьдзя Алена Цыганкова. 30 ліпеня судовае паседжаньне пачалося са значным спазьненьнем, і адна з выкліканых у суд сьведак, Людміла Савельева (на фота), падала наконт гэтага скаргу. Пасьля, паводле слоў спадарыні Савельевай, судзьдзя запрасіла яе ў свой габінэт, дзе зьневажала яе і пагражала прыцягнуць да адказнасьці за фальшывыя паказаньні. У выніку жанчына мусіла зьвярнуцца да лекараў, якіх выклікалі наўпрост у суд…
У Віцебску зноў забаранілі пікет
Сёньня, 4 жніўня, у Віцебску мусіў адбыцца пікет у падтрымку палітвязьняў. Аднак імпрэза, якую хацелі зладзіць праваабаронцы, хутчэй за ўсё, не адбудзецца, бо мясцовыя ўлады правядзеньне акцыі забаранілі. Подпіс пад забаронай паставіла намесьніца кіраўніка адміністрацыі Чыгуначнага раёну Віцебску Натальля Ляпёшкіна.
Кіраўніца раённай арганізацыі «Чырвонага Крыжа» – антысэмітка?
Віцебскі палітык Аляксандар Кірылаў абураецца тым, што адбываецца ў Чыгуначнай раённай арганізацыі Беларускага таварыства Чырвонага Крыжа. Ён сьцьвярджае, што старшыня гэтай арганізацыі Ірына Канаплёва распальвае міжнацыянальную варожасьць. Паводле слоў палітыка, Канаплёва ня раз адмаўляла грамадзянам у атрыманьні дапамогі на падставе іх нацыянальнай прыналежнасьці.
Замест лазьні - халодны душ (відэа)
Улады ў чарговы раз забаранілі Паўлу Левінаву зладзіць масавае мерапрыемства ў Віцебску. У гэты раз віцебскі праваабаронца прасіў дазволіць яму правесьці сход у … лазьні. У гарадзкой лазьні №1 ён хацеў пагаманіць пра здаровы лад жыцьця зь дзесяцьцю алкагольна-залежнымі грамадзянамі. Аднак намесьнік старшыні адміністрацыі Чыгуначнага раёну Віцебску Натальля Ляпёшкіна адказала праваабаронцу забаронай.
Віцебскія актывісты КХП–БНФ падалі заяўку на правядзеньне акцыі ў гадавіну Чарнобыля
Чацьвёра сяброў Кансэрватыўна-хрысьціянскай партыі БНФ накіравалі ў адміністрацыю Чыгуначнага раёну Віцебску заяўку на пікет 26 красавіка. Месца правядзеньня пікету – Парк культуры і адпачынку чыгуначнікаў. Мяркуецца, што ў акцыі возьмуць удзел да 30 чалавек.
Таемныя суды над апазыцыянэрамі Барысам Хамайдам і Аляксандрам Салаўянам адбыліся ў Віцебску
27 сакавіка а 20-й гадзіне вызваляюцца з-пад арышту віцебскія актывісты Барыс Хамайда і Аляксандар Салаўян. Яны былі затрыманыя, імаверна, напярэдадні Дня волі ўвечары 24 сакавіка. Актывісты былі асуджаныя судом Чыгуначнага раёну Віцебску на трое сутак. Аднак дагэтуль невядомая прычына затрыманьня і паводле якога артыкулу былі ўзбуджаныя адміністрацыйныя справы.