Жыхары, абураныя павальнай высечкай дрэў уздоўж дарогі ў пасёлку Віцьба, зьвярнуліся да журналістаў. Папрасілі не называць іх прозьвішчаў, бо гісторыя з высечкай ўжо атрымала нядобры розгалас – аж да выкліку міліцыі на «лесасекі». Сьведкі барбарскай высечкі сьцьвярджалі і прыводзілі важкія на тое доказы (якія пасьля пацьвердзіліся), што вальшчыкі шматлікіх бяроз і елак дзейнічалі незаконна.

У сьпісе пераможцаў першага конкурсу мясцовых ініцыятываў праекту ЭЗ/ПРААН «Спрыяньне разьвіцьцю на мясцовым узроўні ў Рэспубліцы Беларусь» аказалася 16 прапановаў з розных рэгіёнаў Віцебшчыны, аўтары якіх атрымаюць сродкі на ўвасабленьне ў жыцьцё сваіх ідэяў.

Перад выходнымі 23 кастрычніка ў вёсцы Стаўры Аршанскага раёну ішлі работы па падсыпцы вуліцы Пуцяціна. Пасьля работ засталося некалькі вялікіх кавалкаў асфальту, якія былі скінутыя ў рэчышча Куцеенкі. Прычым у тое самае месца, дзе летам гэтага году мясцовыя жыхары ладзілі суботнік па прыборцы.

Аўторак, 27 Кастрычнік 2015

Палачане змагаюцца за кожнае дрэва

Зьнішчэньне дрэў у прывакзальным сквэры Полацку прыпыненае. На 27 кастрычніка сьпілаванае адно дрэва з чатырох прысуджаных да зьнішчэньня. Полацкая мясцовая ўлада ў адказ на скаргі правяла сход зь месьцічамі на месцы рэканструкцыі сквэру. Жыхары Полацку, ня згодныя з тлумачэньнем уладаў і ходам работ, зноў накіравалі скаргу ў адміністрацыю прэзыдэнта.

Насуперак абяцаньням уладаў Віцебскай вобласьці і асабіста колішняга старшыні аблвыканкаму прывакзальны парк у Полацку ператвараюць у стаянку для аўтамабіляў. Жыхары Полацку абураныя рашэньнем гарадзкіх уладаў - дазволіць сьпілоўку дрэў у парку перад чыгуначным вакзалам. Палова парку зь дзесяткамі дрэў ужо абнесеная плотам, і вядуцца работы па стварэньні паркоўкі для аўтамабіляў перад новым гандлёвым цэнтрам.