За парушэньне тэрмінаў мадэрнізацыі ААТ «Віцебскдрэў» распачатая крымінальная справа, паведаміў генэральны пракурор Беларусі Аляксандар Канюк. Расьсьледаваньне гэтай справы ўжо распачатае, ідзе пракурорская праверка. Яна выявіць вінаватых у няўдалым абнаўленьні вытворчасьці, вызначыць суму нанесенай шкоды. Пракуратура вызначыць таксама, чаму мадэрнізаваны завод не запрацаваў ва ўстаноўленыя тэрміны.

Доля акцыяў ААТ “Віцебскі садавінагародніны камбінат” перададзеная з абласной у рэспубліканскую ўласнасьць. Такое рашэньне прынятае пастановай Савету міністраў № 73 ад 27 студзеня 2014 году, апублікаванай на Нацыянальным прававым інтэрнэт-партале.

Вядомая ў вузкім коле фірма «ТопЭўраБуд» атрымлівала ўсе заказы райвыканкаму на будаўнічыя працы. Праваахоўныя органы ў Воршы схапіліся за галаву, ледзь толькі першыя вынікі праверкі яе дзейнасьці выплылі на паверхню.

Праблема браку вузкіх спэцыялістаў ва ўстановах аховы здароўя Віцебскай вобласьці павінна быць вырашаная ў бягучым годзе. Такую задачу паставіў старшыня Віцебскага аблвыканкаму Аляксандар Косінец на паседжаньні аблвыканкаму, дзе разглядаліся пытаньні разьвіцьця матэрыяльна-тэхнічнай базы ўстаноў аховы здароўя вобласьці ў 2011-2013 гадох і задачы на пэрыяд да 2015 году.

Шэраг кіраўнікоў прадпрыемстваў і арганізацыяў Віцебскай вобласьці прыцягнутыя да адказнасьці за парушэньне патрабаваньняў указу № 630 “Аб рэагаваньні службовых асоб на крытычныя выступы ў дзяржаўных сродках масавай інфармацыі”. Факты парушэньняў выяўленыя Камітэтам дзяржкантролю падчас правядзеньня кантрольных мерапрыемстваў.