Паштоўка “Віцебск. Прывітаньне зь Беларусі” зьявіцца ў сэрыі “Гарады Беларусі”
Гэта будзе ўжо чацьвертая паштоўка цыклю. Раней у продажы зьявіліся карткі, прысьвечаныя Менску, Пінску і Брэсту. Чарга за Віцебскам. Каб зрабіць якасны макет, стваральнікі зьбіраюць грошы на краўдфандынгавай пляцоўцы “Талака”. На 30 сакавіка праект сабраў ужо 99% патрэбных сродкаў.
Вінцук Вячорка сустрэўся з жыхарамі Полацку
У полацкай кавярні «Разлог» 13 сакавіка прайшла сустрэча палачан зь беларускім палітыкам і мовазнаўцам, лідэрам партыі БНФ з 1999 па 2007 гады Вінцуком Вячоркам. Сустрэча адбылася ў межах падрыхтоўкі да сьвяткаваньня стагодзьдзя абвяшчэньня незалежнасьці Беларускай Народнай Рэспублікі 25 сакавіка 1918 году. Арганізавала сустрэчу грамадзянская ініцыятыва палачан, аматараў беларускай мовы «Жывая мова».
Палачане просяць райвыканкам паспрыяць курсам беларускай мовы
Зварот у райвыканкам з адпаведнай просьбай падпісалі каля пятнаццаці жыхароў Полацку. Яны прапанавалі мясцовым уладам даць згоду на правядзеньне сходаў беларусафілаў у памяшканьні кінатэатру "Радзіма".
Дэпутатка Палаты прадстаўнікоў з Полацку перашкодзіла прыняцьцю закону на дзьвюх мовах
Дагэтуль усе законы прымаліся толькі на адной зь дзяржаўных моваў, прычым толькі адзінкі зь іх на беларускай. Спроба зьмяніць такую заганную практыку правалілася: старшыня парлямэнцкай камісіі па заканадаўстве Натальля Гуйвік з Полацку «зарэзала» першы дзьвюхмоўны закон.
Старшыня абласной філіі ТБМ: Ёсьць надзея, што ў 2018 годзе ў Віцебску зьявяцца беларускамоўныя клясы
29 кастрычніка мае адбыцца XIII зьезд Таварыства беларускай мовы імя Францішка Скарыны. За месяц да падзеі мы пагутарылі са старшынём Віцебскай абласной філіі ТБМ Юрасём Бабічам. Наш суразмоўца расказаў пра тое, ці ёсьць якія зрухі ў справе перайменаваньня абласной бібліятэкі і ці адкрыюцца калі ў Віцебску беларускамоўныя клясы.
Аўтарка раману «Рыбін горад» сустрэлася зь віцебскімі чытачамі
Цёплым ліпеньскім надвячоркам 21 ліпеня беларуская пісьменьніца, украінка па нацыянальнасьці, старшыня Таварыства ўкраінскай літаратуры пры Саюзе беларускіх пісьменьнікаў Наталка Бабіна наведала Віцебск, каб пагутарыць з чытачамі пра беларуска-ўкраінскія літаратурна-моўныя дачыненьні. Сустрэча адбылася ў залі арт-пабу «Торвальд».
Суд Глыбокага адклаў вынясеньне выраку абвінавачаным у незаконнай міграцыі
29 чэрвеня ў Глыбокім працягнуўся судовы разгляд справы аб арганізацыі незаконнай міграцыі, у якой абвінавачваюць дваіх грамадзян Беларусі і англічаніна Алана Сьміта. Хоць на ранейшым судовым паседжаньні ўжо прагучала апошняе слова падсудных, вырак, абвяшчэньня якога чакалі, аб'яўлены ня быў. Судзьдзя заявіў пра новавыяўленыя акалічнасьці і вярнуў разбор справы на этап судовага сьледзтва.
Найгалоўнейшы для раёну культурніцкі фэст прайшоў у Гарадку
У суботу, 27 траўня, Гарадок прымаў гасьцей сьвята беларускай паэзіі, фальклёру і народнай творчасьці «Гарадоцкі Парнас», якое ладзіцца з 1998 году.
Агульнанацыянальную дыктоўку ў Віцебску напісалі ў дзясяты раз
Сьвята роднай мовы прайшло ў абласной бібліятэцы 22 лютага. Прыхільнікі беларускага слова, якія рызыкнулі праверыць свае веды па роднай мове, напісалі дыктоўку паводле апавяданьня Янкі Брыля.
Ці зьяўляюцца публікацыі віцебскага дзяка ў сеціве экстрэмісцкімі? – Адказ дасьць экспэртыза
Віцебскі праваабаронца Леанід Сьвецік зьвярнуўся ў Міністэрства інфармацыі са скаргай на сайт mogilev.by, дзе часам публікуюцца і артыкулы, зьвязаныя зь Віцебскам. У выніку рэспубліканская экспэртная камісія правядзе экспэртызу сайту на прадмет наяўнасьці (адсутнасьці) у ім прыкметаў праяваў экстрэмізму.