Сапраўды, есць сферы крымінальных паводзін, дзе назіраецца яўная дынаміка на павелічэнне. Напрыклад, злачынствы звязаныя з прысваеннем чужых зберажэнняў з выкарыстаннем магчымасцей Інтэрнэту.

Міліцэйскае начальства прызнаецца ў тым, што колькасць зарэгістраваных кіберзлачынстваў у рэгіёне толькі за апошнія чатыры гады вырасла ўдвая - з 642 да 1118. Гэта звязана перш за ўсё з магчымасцю лёгка атрымаць большую суму грошай і пазбегнуць пакарання.

Не дапамагае выкрыццю махлярскіх злачынцаў створаная ўладамі спецыяльная служба, якая займаецца выкрываннем завадатараў ашуканскіх схем.

Санкцыі і практычна разрыў сувязяў з Інтэрполам не дазваляе беларускім міліцыянтам супрацоўнічаць з калегамі з замежных краін, куды выцякаюць незаконна прысвоеныя сродкі і адпаведна прыцягваць завадатараў кіберзлачынцаў да адказнасці.

Ларыса Угольнікава