Сьледчы камітэт: Знойдзеныя ў лесе пад Хайсамі парэшткі не зьяўляюцца падставай для ўзбуджэньня крымінальнай справы
Віцебскі раённы аддзел Сьледчага камітэту разгледзеў заяву актывістаў, якія прасілі распачаць крымінальную справу па факце знойдзеных імі 28 красавіка ў лясным масіве непадалёк ад вёскі Хайсы чалавечых костак. З адказу СК, атрыманага актывістамі, вынікае, што «ў цяперашні момант падстаў для ўзбуджэньня крымінальнай справы ня маецца».
Рабочыя «Шкловалакна» скардзяцца дырэктару канцэрну «Белнафтахім»
Рабочыя ААТ «Полацак-Шкловалакно» не задаволеныя дыскрымінацыяй з-за сяброўства ў прафсаюзе. Скарга рабочых на дырэктара перададзеная старшыню канцэрну «Белнафтахім» Ігару Ляшэнку падчас яго асабістага прыёму 5 траўня. Рабочых заводу прадстаўляў старшыня Свабоднага прафсаюзу на прадпрыемстве Віктар Стукаў. Гутарка старшыняў аб правох рабочых у менскім офісе канцэрну доўжылася больш за гадзіну.
Дзень Перамогі ў Полацку: дзеці страчвалі прытомнасьць (фота)
Падчас сьвяточных мерапрыемстваў 9 траўня на полацкім Кургане Бесьсьмяротнасьці ад гарачыні і пякучага сонца школьнікі страчвалі прытомнасьць. Усё гэта адбывалася на вачох у кіраўнікоў мясцовай улады.
Ігар Цішкін: Мы спынілі паступовае зьнішчэньне гістарычнага аблічча Віцебску
У гутарцы з карэспандэнтам «Віцебскай вясны» колішні старшыня клюбу аматараў даўніны «Узгор’е», былы навуковы супрацоўнік Віцебскага абласнога краязнаўчага музэю, археоляг Ігар Цішкін падзяліўся сваімі развагамі наконт стаўленьня дзяржавы і грамадзтва да гістарычнай спадчыны, а таксама зьменаў, што адбыліся за апошнія 20 гадоў.
Паспрабаваў заплаціць за крэдыт выдадзенай у якасьці заробку кілбасой – трапіў на «суткі»
Зарплату ў сельскагаспадарчым каапэратыве ў Шаркоўшчынскім раёне выдалі кілбасой, але спробу заплаціць за крэдыт спыніла міліцыя. Пра канфуз, які адбыўся некалькі тыдняў таму, распавёў чытач charter97.org Андрэй Бука. «Заробак ў сельскагаспадарчым комплексе часткова выдалі кілбасамі. Прыйшоў чалавек у банк і паспрабаваў імі ж заплаціць за крэдыт. Апынуўся на «сутках»… Гэта не пачатак раману, гэта суворая праўда жыцьця!» – напісаў ён.
Глыбоцкі райвыканкам лічыць немэтазгодным разьмяшчэньне гістарычных назваў вуліц на шыльдах
Такі адказ атрымалі жыхары Глыбокага на пісьмовы зварот. У сваім звароце група жыхароў прасіла чыноўнікаў зьмясьціць побач з сучаснымі назвамі гістарычныя назвы вуліц. Такая практыка мела месца ў шмат якіх гарадох Расеі, Украіны, іншых краінах СНД. Ёсьць такія прыклады і ў нашай краіне, напрыклад, у пасёлку Халопенічы Крупскага раёну.
Касацыйны суд пакінуў штраф апазыцыйнаму палітыку бязь зьменаў
Судзьдзя Віцебскага абласнога суду Сьвятлана Іванова падчас касацыйнага разгляду скаргі кіраўніка абласной арганізацыі партыі БНФ Леаніда Аўтухова вырашыла не зьмяняць рашэньне Гарадоцкага райсуду. Цяпер беспрацоўнаму апазыцыйнаму актывісту прыйдзецца заплаціць дзяржаве штраф у памеры 5,4 млн. рублёў.
Мясцовая намэнклятура помсьціць «непаслухмянаму» старасту вёскі за яго актыўную грамадзянскую пазыцыю
Мінула менш за тыдзень пасьля абвяшчэньня аршанскім судом адмовы сябру аргкамітэту па стварэньні партыі БХД Ігару Грышанаву ў задавальненьні яго пазову супраць птушкафабрыкі, як прадстаўнікі мясцовай улады сабралі сход жыхароў, каб адхіліць яго ад пасады старасты вёскі. Жыхары не падтрымалі ініцыятыву ўладаў, але апошнія не супакоіліся і распачалі кампанію па дыскрэдытацыі няўгоднага вясковага кіраўніка.
На месцы пахаваньняў у «5-м палку» зламаныя крыжы і некалькі абэліскаў
Каля 20 крыжоў у месцы масавых пахаваньняў ахвяр канцлягеру «5-ы полк» (Stalag 313) у Віцебску зламаныя і валяюцца на зямлі. Таксама цалкам разламаны адзін з драўляных абэліскаў, другая пірамідка пазбавілася зоркі, яшчэ адна – пашкоджаная.
Віцебскія праваабаронцы павіншавалі палітвязьняў з Днём Перамогі
Праваабаронцы Віцебску даслалі паштоўкі ў месцы зьняволеньня, у якіх адбываюць пакараньне вязьні сумленьня. «Падтрымліваем і памятаем пра вас!» – гаворыцца ў віншавальных лістах апанэнтам цяперашняга палітычнага рэжыму, зьмешчаным за свае перакананьні за краты.