Работнікаў ААТ «Полацак-Шкловалакно» агітуюць за асацыяванае сяброўства ў Свабодным прафсаюзе
На ААТ «Полацак-Шкловалакно» актывісты першаснай арганізацыі Свабоднага прафсаюзу Беларускага (СПБ) знаёмяць работнікаў з новай формай сяброўства ў СПБ. Прычынай стала нядобрасумленныя паводзіны наймальніка, які, даведаўшыся пра пералічэньні складак праз бухгальтэрыю, пачаў аказваць ціск на сяброў прафсаюзу.
Актывіста партыі БНФ з Гарадка зьбіраюцца судзіць за абразу чыноўніка
Гарадоцкі актывіст Леанід Аўтухоў параўнаў чыноўніка з «тэрарыстам у Луганску і Данецку». Запіс з такімі словамі ён пакінуў у кнізе скаргаў рэгіянальнага цэнтру занятасьці, абураны паводзінамі кіраўніка ўстановы Пятра Прасолава. Чыноўнік напісаў заяву ў міліцыю.
Ян Дзяржаўцаў: Сьледчы камітэт хоча схаваць праўду пра мінуўшчыну
Сябра КХП–БНФ Ян Дзяржаўцаў мяркуе, што сьледчыя, якія вядуць справу наконт знойдзеных у лесе пад вёскай Хайсы чалавечых парэшткаў, хочуць схаваць праўду ад грамадзкасьці. Да такой высновы партыйны актывіст прыйшоў пасьля сустрэчы з супрацоўніцай Сьледчага камітэту Зояй Высокіх.
Жанчыны ў дэмакратычным прафсаюзе
У Беларускіх дэмакратычных прафсаюзах апошнім часам назіраецца актывізацыя жанчын. Праца з жанчынамі-працаўніцамі вылучаная ў асобны накірунак дзейнасьці прафсаюзаў і завецца «Жаночая сетка». У незалежным прафсаюзе ААТ «Нафтан» узначальвае «Жаночую сетку» намесьніца старшыні першаснай арганізацыі Ніна Турчына.
50% віцебскіх прадпрымальнікаў паверылі ўладам, а 50% – не
У гандлёвым цэнтры «Эвіком» у Віцебску прайшоў сход прадпрымальнікаў. Некаторыя адмыслова прыйшлі на сустрэчу, бо зь 1 сакавіка так і не пачалі працаваць. Паводле Ірыны Яскевіч, удзельніцы аргкамітэту па стварэньні прафсаюзу прадпрымальнікаў «Разам», аднавілі працу каля паловы гандляроў.
Сайт «Віцебскага кур’еру» падвергся DDos-атацы
13 сакавіка наведвальнікі сайту «Віцебскага кур’еру» сутыкнуліся зь цяжкасьцямі ў адкрыцьці онлайн-вэрсіі газэты. Цягам пэўнага часу замест старонак сайту чытачы маглі бачыць паведамленьне пра памылку. Пасьля адміністратары сайту разьмясьцілі інфармацыю пра тое, што іх рэсурс падвергся DDos-атацы. Неўзабаве праца сайту была адноўленая.
Праваабаронца Павал Левінаў патрабуе спыніць парушэньне заканадаўства ў Кастрычніцкім райсудзе Віцебску
Падчас маніторынгу судоў Віцебску праваабаронцам Паўлам Левінавым быў выяўлены факт – у судзе Кастрычніцкага раёну, дзе старшынём ёсьць Яўген Буруноў, чыніць правасудзьдзе судзьдзя Алена Протас, ягоная жонка.
Гарвыканкам прызнаў парушэньне Закону аб мовах намесьніцай старшыні адміністрацыі Першамайскага раёну Віцебску
Скаргу на службовую асобу ў Віцебскі гарвыканкам падавалі сябры КХП-БНФ Ян Дзяржаўцаў, Пятро Сарапеня і Алег Емяльянаў. Намесьніца старшыні адміністрацыі Першамайскага раёну Віцебску Вольга Гурчанка адказала на іх заяўку на пікет, складзеную па-беларуску, на расейскай мове. Гэткім чынам, на думку скаржнікаў, чыноўніца парушыла Закон аб зваротах грамадзян і юрыдычных асоб, які патрабуе ад службоўцаў адказваць на мове звароту.
Полацкі суд перашкаджае прафсаюзу абараняць рабочых
Судзьдзя Полацкага суду не дапусьціла юрыста Свабоднага прафсаюзу абараняць інтарэсы рабочых у судовым паседжаньні. Дырэктар крамы «Аліса-Плюс» падаў у суд пазоў на трох былых работнікаў для кампэнсацыі нястачы амаль у 22 мільёны рублёў, работнікі з пазовам ня згодныя. Двое з трох былых рабочых крамы зьяўляюцца сябрамі Свабоднага прафсаюзу, але якраз у гэтым і засумнявалася судзьдзя.
Полацак: Выказваць меркаваньне забаронена
Полацкі раённы выканаўчы камітэт 12 лютага забараніў рабочым заводу «Шкловалакно» публічна выказаць сваё меркаваньне наконт новых патрабаваньняў Дэкрэту нумар пяць. Пра гэта пісьмова паведаміў намесьнік старшыні выканкаму Пётар Пяткевіч арганізатарам пікету. Адмова абгрунтоўваецца тым, што заяўнікамі «не былі заключаныя дамовы» зь міліцыяй і гарадзкім шпіталем.