Намесьнік пракурора Гарадоцкага раёну Максім Зіновік распавёў пра крадзеж больш за чвэрць мільярду рублёў з заробкаў работнікаў Гарадоцкага прадпрыемства кацельных і цеплавых сетак праз завышэньне заробкаў. Гэтае крымінальнае злачынства было зьдзейсьненае 49-гадовай бухгальтаркай КУВП «Гарадоцкае прадпрыемства кацельных і цеплавых сетак» цягам 23 месяцаў падчас падрыхтоўкі і правядзеньня сьвята працаўнікоў вёскі Віцебскай вобласьці «Дажынкі-2014» у Гарадку.

Надоечы жыхарцы вёскі Лужасна Галіне Жураўлёвай павінны былі прывезьці дровы, замяніць газавы балён, аднак у абодвух выпадках кіроўцы вымушана разварочваліся, а жанчына заставалася ні з чым. Праезд у завулку да дому № 18 па вуліцы М.Лынькова і да суседніх зямельных участкаў аказаўся перакрыты бэтоннымі плітамі, якія 17 верасьня гэтага году выгрузілі будаўнікі (на здымку).

У ААТ «Мона» пачала працаваць і набірае абароты новая спэцыялізаваная вытворчая лінія па пашыве форменных кашуляў для сілавых структур Расеі. У цяперашні час, як адзначае дырэктар прадпрыемства Віктар Амельчанка, ёсьць магчымасьць забясьпечваць максымальную загрузку вытворчасьці, шыючы форменныя кашулі для сілавых структур Расейскай Фэдэрацыі, бо ёмістасьць гэтага рынку складае каля 1 мільёну вырабаў на год.

Пазоў аб ліквідацыі дыскрымінацыі ў дачыненьні да рабочага шклозаводу Віктара Стукава, кіраўніка пяршоўкі незалежнага прафсаюзу, ужо паўтара года адмаўляюцца разгледзець па сутнасьці ў беларускіх судох. Ужо адбылося шэсьць судовых адмоваў у разглядзе пазову аб дыскрымінацыі – ад Полацкага раённага да Вярхоўнага судоў, – хоць у Працоўным кодэксе сказана: «Асобы, якія лічаць, што яны падвергліся дыскрымінацыі ў сфэры працоўных адносін, маюць права зьвярнуцца ў суд з адпаведнай заявай аб ліквідацыі дыскрымінацыі».

Зімовыя халады не за гарамі. І добра, калі аконныя рамы ў кватэры ці прыватнай хаце не прапускаюць холад. Жыхары інтэрнату на вуліцы 4-й Прадзільнай у Віцебску гэтым пахваліцца ня могуць.

Віцебскія пэдагогі выказваюць незадаволенасьць тым, што раённыя аддзелы адукацыі абавязваюць іх і вучняў выкупляць квіткі на хатнія матчы мясцовага футбольнага клюбу.

Зьміцер Вайцюшкевіч 28 верасьня выступіў у памяшканьні полацкай грэка-каталіцкай парафіі. Канцэрт сьпевака ў Полацку павінен быў адбыцца яшчэ 13 лістапада мінулага году, але яго забаранілі ўлады, а арганізатарку канцэрту, дырэктарку полацкага Цэнтру рамёстваў Валянціну Крук неўзабаве звольнілі з працы.

27 верасьня ў Гарадку адбылося мерапрыемства, якое ніяк не анансавалася ў праграме сьвяткаваньня “Дажынак – 2014” Віцебскай вобласьці. У Вераб’ёвых гарох адкрылася лыжаролерная траса, якую паводле афіцыйнай інфармацыі пабудавалі за… тыдзень.

Налічаная сярэдняя заработная плата работнікаў Віцебскай вобласьці ў апошнім летнім месяцы склала 5.692.850 і за месяц зьменшылася на 18.022 рублі. Зьніжэньне заробкаў у жніўні адбылося ва ўсіх рэгіёнах Беларусі. Дзякуючы гэтаму Віцебская вобласьць нарэшце перастала ўтрымліваць лаўры самага нізкааплатнага рэгіёну краіны.

Штогоднік «Шэрая кніга. Хроніка парушэньняў правоў чалавека ў Віцебскім рэгіёне» публікуецца праваабаронцамі ўжо трэці сэзон запар. Новы выпуск, які складаецца больш як са 140 старонак, ахапляе сабой пэрыяд зь ліпеня 2013 па чэрвень 2014 гадоў.