Ананімна і абразліва. Як віцебская абласная газета стварае негатыўны вобраз асуджаных па палітычных артыкулах
На сайце газеты «Витебские вести» выйшаў артыкул «Наказан житель Витебской области, который размещал в интернете оскорбительные комментарии в отношении руководства нашей страны». Ужо ў загалоўку прасочваецца штучнае супрацьпастаўленне нейкага адзінкавага «жителя» і грамадзянаў «нашей страны». А ў наступным тэксце аўтар Яўген Карпас ва ўсю карыстаецца ўласнай беспакаранасцю, не шкадуючы ні адмоўных эпітэтаў, ні прамых абразаў у бок асуджанага.
Былы юрысконсульт ААТ «Нафтан» Аляксандр Капшуль абвінавачваецца па трох крымінальных артыкулах
Днямі КДБ скончыў расследаваць справу «Рабочага руху», у якім, на думку ўладаў, прымаў удзел і Капшуль. Па версіі следства, у дзеяннях Аляксандра праглядваюцца прызнакі злачынстваў: па ч.2 арт. 295 КК (Незаконныя дзеянні ў адносінах да агнястрэльнай зброі), ч.1 арт. 356 КК (Здрада дзяржаве), ч.3 арт.361-1 КК (Стварэнне экстрэмісцкага фарміравання і ўдзел у ім). Цяпер былы юрысконсульт знаходзіцца ў СІЗА КДБ. У бліжэйшы час, матэрыялы справы будуць перададзеныя ў пракуратуру, а адтуль у адзін з мінскіх судоў.
Праваабаронцы асуджаюць намеры ўладаў дэнансаваць Факультатыўны пратакол да Міжнароднага пакта аб грамадзянскіх і палітычных правах
17 жніўня стала вядома, што Савет Міністраў ініцыяваў прыняцце законапраекта "Аб дэнансацыі Рэспублікай Беларусь Факультатыўнага пратаколу да Міжнароднага пакта аб грамадзянскіх і палітычных правах". У гэты час у Палаце прадстаўнікоў ідзе падрыхтоўка да разгляду законапраекта ў першым чытанні.
Камітэт ААН па правах чалавека палічыў парушанымі палітычныя правы жыхара Віцебска
Камітэт разгледзеў зварот віцебскага палітычнага актывіста Андрэя Андрэева, зарэгістраваны ў 2016 годзе пад нумарам № 2863/2016 і вырашыў, што з боку дзяржавы, Рэспубліка Беларусь, мела месца парушэнне яго права на распаўсюд інфармацыі "левай" арыентацыі.
Яшчэ адзін палітвязень з Віцебску – фельчар Аляксей Мацявін
12 жніўня 2022г. у судзе Першамайскага раёну ён быў вынесены прысуд Аляксею Мацявіну, абвінавачанаму паводле арт. 368 Крымінальнага кодэксу (Абраза Прэзідэнта Рэспублікі Беларусь). Суддзя Юрый Урбан прысудзіў віцябляніну паўтара гады калоніі за каментар у тэлеграм-чаце, прызнаным экстрэмісцкім. 19 жніўня праваабарончая супольнасць прызнала Аляксея Мацявіна палітзняволеным.
Праект «Палітвязынкі» расце. Гераінямі сталі ўжо тры нашых зямлячкі
Праект «Палітвязынкі» (@politvyazanka), з якім можна пазнаёміцца праз Інстаграм, распавядае пра жанчын-палітзняволеных. Яго аўтаркі – журналістка Яўгенія Доўгая і мастачка Ганна Татур. Кожны пост складаецца з партрэта і кароткай гісторыі пра жанчыну, якая цяпер за кратамі. Сярод гераіняў праекту – Ірына Пярцова, Эма Сцепулёнак і Яна Пінчук, ураджэнкі Віцебшчыны.
Еўразвяз дапамагае выжыць малому і сярэднему бізнэсу ў Оршы і Браславе
У бягучы час, каб дапамагчы развіццю беларускага бізнэсу ў краіне рэалізуецца міжнародная праграма па пашырэнні даступнасці фінансавых паслуг для малога і сярэдняга прадпрымальніцтва. Часткай гэтай праграмы з'яўляецца праект «Падтрымка эканамічнага развіцця на мясцовым узроўні ў Рэспубліцы Беларусь», які рэалізуецца праграмай развіцця ААН у партнёрстве з Міністэрствам эканомікі. Фінансуецца праект краінамі Еўрапейскага саюза.
Чырвоны Крыж апекуе бежанцаў з Украіны і незаконна збірае асабістыя дадзеныя
У Дзень Чырвонага Крыжа стала вядома, што ў Беларусі, пры падтрымцы міжнародных гуманітарных інстытуцый, рэалізуецца шэраг праектаў па аказанні дапамогі бежанцам з Украіны. У гэтых праектах удзельнічаюць работнікі і валанцёры Віцебскай абласной арганізацыі Беларускага таварыства Чырвонага Крыжа.
Затрыманы віцяблянін Сяргей Сесіцкі, чый facebook раней прызналі экстрэмісцкім
Па падазрэнні ў абразе Аляксандра Лукашэнку ў Віцебску затрымалі Сяргея Сесіцкага. У ліпені пракуратура прызнала старонку Сесіцкага ў Facebook экстрэмісцкімі матэрыяламі. Доступ да яе ў Беларусі быў абмежаваны.
Пяць гадоў пазбаўлення волі прысудзілі жыхару аграгарадка Друя Браслаўскага раёна
Такое пакаранне прызначыла суддзя Віцебскі абласны суд Галіна Бондал 10 жніўня 38-гадоваму Роберту Кузняцову. Яго абвінавацілі паводле чатырох артыкулаў Крымінальнага кодэкса: ч. 1 арт. 368 (абраза прэзідэнта Рэспублікі Беларусь), ч. 1 арт. 130 (распальванне расавай, нацыянальнай, рэлігійнай альбо іншай сацыяльнай варожасці або варажнечы), ч. 3 арт. 361 (заклікі да мер абмежавальнага характару (санкцый), іншым дзеянням, накіраваным на прычыненне шкоды нацыянальнай бяспецы Рэспублікі Беларусь), арт. 370 (здзек з дзяржаўных сімвалаў).