«Налёт» ГУБАЗіК на Глыбокае: вядома ўжо пра некалькі затрыманняў
5-га кастрычніка ў Глыбокім адбылося некалькі ператрусаў і некалькі затрыманняў мясцовых актывістаў і журналістаў. Дакладна вядома пра затрыманне актывіста Вадзіма Хлуса і фатографа і відэааператара Леаніда Юрыка, і пра шэраг «візітаў» да іншых гараджан, якія засталіся на волі і просяць пакуль не называць іхных імёнаў. З пэўных крыніц вядома, што ў райцэнтры працавалі не мясцовыя міліцыянты, а ГУБАЗіК з абласнога цэнтру.
Алесь Бяляцкі атрымаў Нобелеўскую прэмію міру
Нарвежскі нобелеўскі камітэт сёння аб'явіў у Осла пераможца Нобелеўскай прэміі свету за 2022 год. Ім стаў беларус Алесь Бяляцкі. Гэта другая Нобелеўская ўзнагарода за гісторыю Беларусі. Першую ў 2015 годзе атрымала пісьменніца Святлана Алексіевіч.
Недзяржаўныя грамадскія структуры ліквідуюцца, дзяржаўныя – ствараюцца
У Наваполацку абвясцілі пра тое, што пры мясцовым гарсавеце будзе працаваць моладзевае аб’яднанне. На апошняй сесіі гарсавета было агучана, што стварэнне новага аб’яднання ўжо ідзе: на сённяшні дзень сабрана каля 30-ці заявак на ўдзел ад прадстаўнікоў БРСМ, работнікаў прадпрыемстваў і ўстановаў гораду. Трапіць у лік моладзевага органа будзе няпроста: удзельнікаў будзе ўсяго 30, і кожная кандыдатура будзе ўзгадняцца з Наваполацкім гарсаветам.
У Глыбокім затрыманы актывіст Вадзім Хлус
Пра гэта паведаміў у Фэйсбуку краязнаўца Канстанцін Шыталь. Затрыманне адбылося 5-га кастрычніка, і Вадзім Хлус дагэтуль не выйшаў на волю. Паводле мясцовых жыхароў, учора міліцыя прыходзіла адразу да некалькіх тамтэйшых актывістаў, але вядома толькі пра аднаго затрыманага. Перад тым, як забраць Вадзіма Хлуса, дома ў яго правялі ператрус. У чым яго вінавацяць, пакуль не вядома.
Паўтара гады зняволення – за абразу Лукашэнкі праз тэлефон
Жыхарка Наваполацка Настасся Савуляк патэлефанавала на «гарачую лінію» у міліцыю і выказалася на адрас Аляксандра Лукашэнкі – як палічылі эксперты, «у ненарматыўнай форме». Інцыдэнт здарыўся 26-га красавіка – праз колькі дзён, як жанчына адсвяткавала сваё 37-годдзе. Суд адбыўся толькі цяпер, Настассю Савуляк прызналі вінаватай паводле ч.1 артыкула 368 Крымінальнага Кодэксу.
Жыхар Віцебску апазыцыйны палітычны дзеяч Сяргей Каваленка правёў пікет у Варшаве
Палітык-радыкал Сяргей Каваленка 4 кастрычніка каля амбасады Літвы ў Варшаве правёў масавае мерапрыемства, дазволенае польскімі ўладамі. Падчас акцыі ён зачытаў тэкст петыцыі, у якой была дадзена характарыстыка бягучай палітыкі ўрада Літвы ў адносінах да некаторых прадстаўнікоў эмігранцкіх колаў. У выніковай частцы сваёй заявы, ад імя ЛітоўскаБелаРускага Народа, Каваленка высунуў 12 жорсткіх патрабаванняў літоўскім уладам. Тэкст петыцыі прыводзіцца ніжэй.
У Віцебскай вобласці насмерць атруцілася алкаголем 200 чалавек. Ад наркотыкаў ніхто не памёр
За восем месяцаў ахвярамі алкаголю і яго сурагатаў сталі каля двухсот жыхароў вобласці. Большую іх частку склалі людзі працаздольнага ўзросту, пераважна мужчыны, трэць з агульнай колькасці - пенсіянеры, якіх памерла з-за атручэння алкаголем у 1,5 раза больш, чым год таму. Пра смяротныя вынікі з прычыны перадазіроўкі наркотыкамі сярод жыхароў Віцебскай вобласці не паведамляецца. Парадокс заключаецца ў тым, што дзяржава затрачвае каласальныя рэсурсы на барацьбу з распаўсюджваннем і ўжываннем наркотыкаў, якія наносяць грамадству значна менш шкоды, чым продаж і ўжыванне алкаголю.
На ўраджэнца Оршы, вядомага спартоўца, блогера-мільённіка Улада Белавусава завялі справу за ўдзел у пратэстах
Пра гэта стала вядома з «пакаяннага відэа» апублікаванага ГУБАЗіКам, дзе спартовец кажа, што « удзельнічаў у пратэстах», «дзяліўся інфармацыяй з тэлеграм-каналаў» і «пакрыўдзіў сілавікоў». А сілавікі дзякуюць «неабыякавым падпісантам» за тое, што яны «злілі» ім старыя відэа хлопца, на якіх ён удзельнічае ў пратэстах у 2020 годзе. Мяркуючы па паведамленні сілавікоў, супраць Белавусава заведзеная крымінальная справа па арт. 342 КК РБ (Арганізацыя і падрыхтоўка дзеянняў, якія груба парушаюць грамадскі парадак».
«Витебские вести» друкуюць артыкулы пра пакараных за абразы прадстаўнікоў улады. Але прозвішчаў асуджаных не называюць
Адзін за адным, з перыядычнасцю два разы на месяц на сайце дзяржаўнай газеты «Витебские вести» з’яўляюцца артыкулы пра тых, хто «в деструктивных телеграмм-каналах оставлял оскорбительные комментарии в адрес представителей органов власти, в чем теперь горько раскаивается». Імёны і прозвішчы «раскаяўшыхся» чамусьці не паведамляюцца, а з асабістых дадзеных журналіст Яўген Карпас - адзіны аўтар падобных артыкулаў - называе толькі ўзрост асуджаных.
Віцебскі губазікавец дзевяць месяцаў быў у камандзе Чорнай кнігі Беларусі і нейкі час ёю кіраваў
Чорная кніга Беларусі — ініцыятыва па апублічванні даных тых, хто датычны да рэпрэсій. За перадачу звестак ёй затрымалі нямала людзей. Выявілася, дзевяць месяцаў там працаваў губазікавец — у нейкі час яму нават даверылі кіраваць ініцыятывай. Трывожныя званочкі былі амаль адразу, як з'явіўся гэты Артур Гайко, аднак на іх заплюшчвалі вочы. Гісторыю агента расказаў Белсат.