На Вушаччыне запалохваюць пакараннямі за «падпіску на экстрэмісцкія каналы»
Праз раённую газету «Патрыет» начальнік аддзялення аховы правапарадку і прафілактыкі Вушацкага РАУС Аляксей Антуновіч нагадвае чытачам, што крымінальную адказнасць цягне за сабой падпіска на экстрэмісцкія каналы і чаты, якія маюць статус экстрэмісцкага фарміравання. Санкцыя адпаведнага артыкула (361-1) КК прадугледжвае да сямі гадоў пазбаўлення волі. Таму супрацоўнік МУС раіць перагледзець свае падпіскі і выдаліць «ненадзейныя». І хаця ў пачатку артыкула жыхароў Вушаччыны страшаць і адміністрацыйнымі пакараннямі з падпіску на каналы з экстрэмісцкімі матэрыяламі, спадар Антуновіч ніжэй тлумачыць, што толькі за падпіску «пакуль не караюць».
У Расонах за пікет у тэлеграм-канале работніка электрасетак суд арыштаваў на 10 сутак
Суддзя суда Расонскага раёна Рада Доміч 16 сакавіка разгледзела адміністрацыйную справу ў дачыненні да электраманцёра філіяла Полацкія электрасеткі «Расонскі раён электрычных сетак" Міхаіла Зянькова. Суддзя прызнала яго вінаватым у правядзенні не дазволенага мясцовымі ўладамі пікета і на падставе ч.1 арт.24. 23 КаАП падвергла яго пакаранню ў выглядзе арышту тэрмінам на 10 сутак.
На Аршаншчыне па выніках 2022 года колькасць зарэгістраваных наркаманаў знізілася на 12%
Улады прыдумалі, на іх погляд, новую эфектыўную форму прафілактыкі наркаманіі ў маладзёжным асяроддзі. Гэта-разгортванне шырокай сеткі ваенна-патрыятычныя клубаў, дзе былых нарказалежных навучаць валодаць стралковай зброяй і элементам рукапашнага баю. Такая ідэя прагучала на адкрытым пасяджэнні Аршанскага райвыканкама з удзелам міністра ўнутраных спраў Івана Кубракова, пад час якога абмяркоўваліся меры па барацьбе са злачыннасцю ў сферы незаконнага абароту наркотыкаў і прафілактыцы распаўсюджвання наркаманіі.
Яне Пінчук прад'явілі абвінавачанні, не прадугледжаныя пастановай аб выдачы
16 сакавіка 2023 году пракуратура Рэспублікі Беларусь зацвердзіла абвінавачанне ў дачыненні да палітзняволенай Яны Пінчук у канчатковай рэдакцыі і накіравала крымінальную справу на разгляд у Мінскі гарадскі суд. Разгляд прызначаны на 10 красавіка 2023 года.
“Бягучы год стане для ўсіх іспытам на выжыванне”
Так выказаўся дырэктар сельгаспрадпрыемства ААТ «Прудзінкі» Верхнядзвінскага раёна Васіль Краснік. Ён адзначыў, што знешнія эканамічныя санкцыі не могуць не паўплываць на работу сельскагаспадарчага комплексу. Таму ўжо сёння неабходна вызначыць стратэгію і тактыку гаспадарчай дзейнасці.
У Віцебску за забойства міліцыянта суд прызначыў суровае пакаранне
Суддзя Віцебскага абласнога суда Галіна Бондал вынесла абвінаваўчы прысуд удзельніку аршанскай крымінальнай банды Віктару Радзевічу, які больш за 20 гадоў хаваўся ад беларускага правасуддзя на тэрыторыі Расейскай Федэрацыі. Мужчына прысуджаны да 24 гадоў пазбаўлення волі з адбываннем першых 5 гадоў у турме, а астатняга тэрміну – у папраўчай калоніі ва ўмовах узмоцненага рэжыму.
У Браславе ўлады распіярылі новабуд з ліфтам, а ён не працуе
Як піша сайт "Браславская звезда", жыхары дома № 73, што па вуліцы Садовай у Браславе, скардзяцца на тое, што ў пяціпавярховым будынку не працуе ліфт. Больш за тое, ён ніколі не працаваў.
Актывіст БСДП Леанід Гаравы адбывае адміністрацыйны арышт. У яго праблемы са здароўем
Леанід Гаравы быў затрыманы 15 сакавіка пасля праведзенага ў яго дома ператрусу. 16 сакавіка над ім адбыўся суд, актывіста прызналі вінаватым у распаўсюдзе экстрэмісцкіх матэрыялаў. Падчас суду Гаравому стала кепска, у суд выклікалі хуткую дапамогу. Аднак на рашэнне суду гэта не паўплывала: Леаніда Гаравога асудзілі на 15 сутак.
У Віцебску масава звальняюць людзей, якія падпісваліся за вылучэнне Віктара Бабарыкі
Паведамленні пра звольненых на гэтай падставе паступаюць ад работнікаў розных гарадскіх прадпрыемстваў. Абсалютна розныя і пасады, якія займалі ўжо звольненыя – ад прыбіральшчыцы да начальніка цэха. Ад людзей не хаваюць, што «паступіў загад разабрацца». Апраўданняў пра тое, што ўлетку 2020года Віктар Бабарыка абвясціў збор подпісаў за свае вылучэнне на цалкам законных падставах, ніхто не слухае.
У Віцебскай вобласці асноўны вал зваротаў грамадзян звязаны з праблемамі ў ЖКГ
За 2022 год да мясцовых уладаў паступіла каля 40 тысяч зваротаў, што складае 4% ад усіх жыхароў Віцебскай вобласці. Аднак зваротаў, звязаных з дрэннай працы жыллёва-камунальнай гаспадаркі ў 16 разоў больш.