Санітарку глыбоцкай лякарні ўлады арыштавалі на 12 сутак за захоўванне ў тэлефоне выявы герба «Пагоня»
Суддзя суда Глыбоцкага раёна Аляксандр Аляксеенка 29 траўня пастанавіў арыштаваць Наталлю Міцько на 5 сутак за распаўсюд у сацыяльных сетках “экстрэмісцкіх” матэрыялаў і на 7 сутак за пікетаванне ў інтэрнэце.
БЕЛТА пра Булаўскага: «захоўваў сімволіку на агульнадаступных старонках»
Агенцыя размясціла артыкул пра пакаранне віцебскага музыкі і арт-менеджэра, нядаўна асуджанага да двух гадоў пазбаўлення волі. Прозвішча і імя ў тэксце не ўказваецца, але з фактуры відавочна, што вядзецца пра Уладзіміра Булаўскага, пакаранага паводле арт. 342-2 Крымінальнага Кодэксу (Неаднаразовае парушэнне парадку арганізацыі або правядзення масавых мерапрыемстваў).
У Віцебску зноўку вярнуліся да ідэі пабудаваць копію полацкага Сафійскага сабора
Гэтая ідэя двойчы з трэскам правальвалася. Першы раз, у 2016 годзе, жыхарам Віцебску ўдалося абараніць парк, які збіраліся вырубіць дзеля будаўніцтва. Другі раз, у 2021 годзе, калі пад копію сабора была абраная іншая пляцоўка – на ўзбярэжжы Дзвіны непадалёк ад гандлёвага дома «Беларусь», справа дайшла толькі да ўстаноўкі памятнага знака на месцы будучага будаўніцтва. Як высветлілася, ініцыятары не мелі належнага фінансавання , аднак цяпер, падобна, грошы знайшліся.
Віцебская грамадзянская актывістка Надзея Куканос не змагла абараніць свае правы ў абласным судзе
Суддзя Віцебскага абласнога суда Святлана Іванова 1 чэрвеня разгледзела скаргу грамадзянскай актывісткі Надзеі Куканос на рашэнні суда Кастрычніцкага раёна Віцебска аб пакаранні яе арыштам на 15 сутак за распаўсюд у сацыяльных сетках “экстрэмісцкіх” матэрыялаў і супраціўленне работнікам міліцыі. Вынікам разгляду скаргі было не на карысць Куканос. Суддзя Іванова пакінула без змены пастанову суддзі суда Кастрычніцкага раёна, а скаргу "правапарушальніцы" без задавальнення.
У Наваполацку напярэдадні святкавання юбілею горада затрымалі музыкаў
Гэтымі днямі Наваполацк адзначае сваё 65-годдзе, у праграме анансаваны канцэрты мясцовых выканаўцаў. Напярэдадні, 6-га чэрвеня, адбыліся затрыманні вядомых у горадзе музыкантаў — вакаліста Detroit Hills Аляксея Запасніка і басіста BTTF Арцёма Новікава. У чым звінавацілі абодвух, пакуль не вядома.
Улады змянілі правілы прыёму ў 10-я класы і залічэння ў гімназіі
Цяпер кіраўніцтва школ і гімназій Віцебскай вобласці знаходзяцца ў заключнай стадыі рашэння аб адкрыцці профільных класаў. Улады не робяць сакрэту, што колькасць месцаў у профільных класах будзе абмежавана і каб працягнуць навучанне кандыдаты павінны будуць прайсці вельмі жорсткі конкурсны адбор. Таму бацькам і іх дзецям ужо зараз трэба ацаніць свае шанцы на атрыманне паўнацэннай сярэдняй адукацыі або прадоўжыць навучанне ў каледжах, ліцэях і іншых навучальных установах краіны.
Суд вырашыў адтэрмінаваць на тры гады пазбаўленне волі былога намесніка Аршанскага райвыканкама і дэпутата сельскага Савета
Суддзя суда Дубровенскага раёна Марыя Цыклінская 22 мая за перавышэнне ўлады і службовых паўнамоцтваў прыгаварыла да пазбаўлення волі тэрмінам на чатыры гады, а таксама штрафу ў 11,1 тыс. рублёў і з пазбаўленнем на 5 гадоў права займаць пасады, былога намесніка старшыні ўпраўлення па сельскай гаспадарцы і харчаванні Аршанскага райвыканкама, дэпутата і намесніка старшыні Барздоўскага сельскага Савета дэпутатаў (Аршанскі раён) Андрэя Канстанцінава. Але улічваючы яго былыя заслугі і выдатныя характарыстыкі ад дзяржаўных органаў, суддзя адтэрмінавала на тры гады асноўнае пакаранне ў выглядзе пазбаўлення волі.
Віцебскія ўлады закрылі прадпрыемства дзе працавалі дзясяткі інвалідаў
Эканамічнага суда Віцебскай вобласці 30 мая вынес пастанову аб завяршэнні ліквідацыйнай вытворчасці ў дачыненні да Камунальнае вытворчае унітарнае прадпрыемства "Віцебскія лячэбна-працоўныя майстэрні". Такім чынам улады канчаткова закрылі прадпрыемства якое 50 гадоў з'яўлялася цэнтрам па працаўладкаванні і рэабілітацыі для соцень псіханеўралагічных хворых, інвалідаў І і ІІ груп, якія пражывалі ў Віцебскай вобласці. У склад майстэрняў уваходзілі швейны ўчастак, участак тэхнічнага абслугоўвання і цэх па вытворчасці вокнаў і дзвярэй з ПВХ.
У 2023 годзе інтэрнэт-ашуканцы выманілі ў 960-ці даверлівых жыхароў Віцебшчыны 1 млн. рублёў
За апошнія два гады ў Віцебскай вобласці кіберзлачыннасць вырасла ў некалькі разоў, бо значная частка работнікаў міліцыі занята не расследаваннем рэальных злачынстваў, а зарабляе пошукам у сацыяльных сетках удзельнікаў пратэсту 2020 года і выяўленнем фэйкавых нелаяльных грамадзян існуючаму рэжыму. Правальную барацьбу праваахоўных органаў з інтэрнет-махлярствам пацвярджае свежая міліцэйская статыстыка.
Кіраўнік Талачынскай партыйнай структуры «Белай Русі»: «Вакол краіны складаецца пагрозлівая абстаноўка»
Даючы першае інтэрв’ю раённай газеце «Наша Талачыншчына», нядаўна абраны старшыня партыйнай арганізацыі Уладзімір Міхно палохае землякоў «эканамічным, ваеннымі і інфармацыйнымі выклікамі Захада». І ў духу ваеннага часу разважае пра блакаду Беларусі з боку еўрапейскіх краін, заклікаючы «адстаяць яе цэласнасць і нацыянальную незалежнасць». Ролю новай партыі ён бачыць у тым, каб «умела і цвёрда адстойваць дзяржаўныя інтарэсы краіны, несучы партыйную адказнасць за вынік». Праўда, крыху раней, яшчэ да рэгістрацыі партыі і свайго абрання на партыйны пост, ён распавядаў пра задачы Белай Русі зусім іначай: маўляў, гэта будзе партыя для народа, якая ад ягонага імя будзе весці «прынцыповы, дзелавы, рэзультатыўны дыялог з дзяржавай». На сённяшні дзень, падобна, ні ў якім дыялогу дзяржава не зацікаўлена.