Агульнагарадскі суботнік адбыўся, але пытанні аб яго законнасці засталіся
Па ініцыятыве ўладаў Віцебска 15 кастрычніка прайшоў агульнагарадскі суботнік, у якім прынялі ўдзел больш за 56 тысяч гараджан. Удзельнікі суботніка працавалі на сваіх працоўных месцах або ажыццяўлялі добраўпарадкаванне тэрыторый і сацыяльных і іншых аб'ектаў. Падчас гэтага мерапрыемства віцябляне зарабілі 344 тысячы рублёў. Гэтыя грошы ўжо пералічаны на рахунак гарадскога выканаўчага камітэта. Як і раней узнікаюць пытанні аб добраахвотнасці ўдзелу людзей у гэтым сумнеўным "свяце працы".
Праваабаронцы просяць падтрымаць палітвязня Аляксандра Патапава
Яго вінавацяць па крымінальнай справе за абразу Аляксандра Лукашэнкі (арт.368 Крымінальнага Кодэксу) і з 25-га верасня Аляксандра Патапава ўтрымліваюць у віцебскім СІЗА-2. З перапіскі з палітвязнем стала вядома, што падчас ракетнага абстрэлу ў Кіеве загінула ягоная пляменніца. «Мне горка і балюча за тое, што робіцца ва Украіне, дзе гінуць ні ў чым не вінныя людзі і дзеці. Загінула мая пляменніца, а яе трохгадовая дачка засталася калекай», – напісаў Аляксандр Патапаў.
Аршанцы хакеісты Ўладзіслаў і Андрэй Белавусавы затрыманы за пікеты ў сацыяльных сетках
Пасля затрымання гульца зборнай Беларусі па хакеі з мячом Уладзіслава Белавусава рэпрэсіі не спыніліся. Днямі за кратамі апынуўся ягоны брат Андрэй і сябра па спартыўнай камандзе Дзяніс Хатылёў. Магчыма, ўлады пачалі рыхтаваць чарговую гучную крымінальную справу, у якой у якасці фігурантаў будуць выступаць вядомыя беларускія спартоўцы.
У Віцебскай вобласці распачаты першыя крымінальныя справы за незаконнае завышэнне цэнаў
Прайшло 10 дзён, як улады выдалі Дырэктыву №10 «Аб недапушчальнасці росту цэнаў». ДзяржСМІ сцвярджае аб тым, што дакумент прыняты ў мэтах неадкладнага і жорсткага рэагавання на сітуацыю, якая склалася на спажывецкім рынку. Для гэтага ў Віцебскай вобласці ў аператыўным парадку неабходна правесці праверку цэн на адпаведнасць патрабаванням Дырэктыве больш як 20 тысяч аб’ектаў гаспадарання.
Справа лідэра незалежнага прафсаюза РЭП Васіля Бераснева перададзена ў пракуратуру
Гэта азначае тое, што цягам месяца матэрыялы крымінальнай справы паступяць у суд, а суддзя абавязаны будзе прызначыць дату пачатку працэсу. На лаве падсудных, акрамя Бераснева, будуць знаходзіцца іншыя кіраўнікі незалежных прафсаюзаў Беларусі.
Ліквідавана адзінае на Віцебшчыне грамадскае аб’яднанне літоўцаў
Віцебскі абласны суд прыняў рашэнне аб ліквідацыі Браслаўскага раённага грамадскага аб’яднання літоўцаў «Рытас» («Ritas»), якое праіснавала 22 гады. Грамадскае аб’яднанне было зарэгістравана ў вёсцы Адымянішкі Браслаўскага раёну і мела каля 100 удзельнікаў. Дзейнасць арганізацыі была накіравана на стварэнне ўмоў для нацыянальнага самавыяўлення, захавання літоўскай мовы, гісторыі, звычаяў і традыцый літоўцаў Браслаўшчыны.
Кіраўнік віцебскага холдынгу «Marko» гатовы шыць абутак для расейскай арміі
Пра гэта Мікалай Мартынаў заявіў падчас абмеркавання ў Віцебску праектаў на 2023 год і новых праграм Саюзнай дзяржавы. Пасяджэнне камісіі Парламентскага сходу па бюджэце, падатках і фінансавым рынку прайшло ў Віцебску 13 кастрычніка. Кіраўнік холдынгу «Marko» заявіў, што гатовы забяспечыць абуткам сілавыя структуры, а таксама войска – як беларускае, так і расейскае. Як вядома, цяперашняя «частковая мабілізацыя» у Расеі прадэманстравала, што адзення і абутку для «навабранцаў» катастрафічна бракуе.
Палітвязнь праваабаронец Валянцін Стэфановіч “адзначае” свой юбілей за кратамі
Сёння, 14 кастрычніка, палітзняволены намеснік старшыні "Вясны" і віцэ-прэзідэнт Міжнароднай федэрацыі за правы чалавека (FIDH) Валянцін Стэфановіч адзначае ў турме свой юбілей — 50 гадоў. Сям'я Валянціна вымушана пакінула Беларусь, ён сам цяжка перахварэў на пнеўманію ў мінскім СІЗА №1 і яму нядаўна ўзмацнілі абвінавачванні.
Адміністрацыя віцебскай калоніі незадаволеная тым, што сваякі публікуюць лісты Максіма Знака
Палітзняволены, былы адвакат Максім Знак быў абвінавачаны ў спробе захопу ўлады, публічных закліках да дзеянняў, скіраваных на прычыненне шкоды нацыянальнай бяспецы, і стварэнні экстрэмісцкага фарміравання, яго асудзілі да 10-ці гадоў калоніі. Тэрмін зняволення ён адбывае ў віцебскай ПК-3(«Віцьба»). Сваякі палітвязня стварылі тэлеграм-канал «Невероятные письма. Максим Знак», дзе размяшчалі ўрыўкі з ягоных лістоў на волю. Цяпер гэты канал вымушана спыняе сваё існаванне.
Наваполацкая мастачка Вольга Якубоўская прысвяціла карціну Нобелеўскаму лаўрэату, праваабаронцу Алесю Бяляцкаму
Карціна называецца «Вясна прыйдзе!» «Гэтую працу я прысвячаю Алесю Бяляцкаму – беларускаму праваабаронцу, старшыні праваабарончага цэнтру «Вясна», палітвязню, «вязню сумлення», лаўрэату Нобелеўскай прэміі міру 2022 года», напісала Вольга Якубоўская ў сваім Інстаграме. Змест карціны алегарычны, як гэта ўласціва творчай манеры мастачкі . Героямі твора з'яўляюцца пазнавальныя персанажы: мужны кот з чалавечымі рысамі, які мае партрэтнае падабенства з Алесем Бяляцкім, і хцівыя ваўкі, якія ўвасабляюць агрэсію і подласць. А таксама птушкі – звястункі вясны.