Абласны суд «зачысціў» яшчэ тры недзяржаўныя арганізацыі ў Віцебску
15 верасня ў Віцебскім абласным судзе прайшлі тры грамадзянскія працэсы, на якіх разглядаліся пазовы па ліквідацыі грамадскіх аб'яднанняў. За некалькі гадзін тры суддзі ліквідавалі тры недзяржаўныя арганізацыі (НДА) экалагічнай і турыстычнай скіраванасці. Пазоў у суд аб іх закрыцці падавала галоўнае ўпраўленне юстыцыі Віцебскага абласнога выканаўчага камітэту.
Палітвязня Віктара Бабарыку перавялі на новую «пасаду» – умовы працы адчувальна пагоршыліся
Увесь жнівень Віктар Бабарыка шэсць дзён на тыдзень працаваў апальшчыкам ў пякарні папраўчай калоніі № 1. За гэты час ён зарабіў 6 рублёў 41 капейку, а пасля ўсіх утрыманняў атрымаў 1 рубель 60 капеек. На мінулым тыдні палітвязень прайшоў нават атэстацыю па гэтай спецыяльнасці. Але на наступны ж дзень яго перавялі на новую пасаду - ўкладчыка хлебабулачных вырабаў.
Жонку стачкамаўца «Нафтану» Юлію Маліноўскую аштрафавалі на 6670 рублёў. Яна правяла ў ізалятары 5 сутак
13 верасня пасля 5 сутак, праведзеных за кратамі наваполацкага цэнтру ізаляцыі правапарушальнікаў (ЦІП), на волю выйшла жонка ўдзельніка стачкі на «Нафтане» Аляксея Маліноўскага Юлія, паведамляе «Стачкам ААТ «Нафтан». Маці дваіх дзяцей Юлію Маліноўскую затрымалі ў Наваполацку 8 верасня за наклейку на аўтамабілі і судзілі па двух адміністрацыйных артыкулах.
Віцебскія ўлады прыступілі да ліквідацыі культурніцкай установы «Віцебск для мяне»
27 жніўня адміністрацыя Чыгуначнага раёну Віцебску прыняла рашэнне аб ліквідацыі сацыяльна-культурнай установы «Віцебск для мяне» (Vitebsk4me). Прычынай, на падставе якой улады закрываюць гэтую грамадскую структуру, стала «неажыццяўленне прадпрымальніцкай дзейнасці цягам 24 месяцаў запар».
«Каб мы ведалі, што гэта зацягнецца надоўга...» Ужо год, як бацька і сын Кузнечыкі жывуць у шведскай амбасадзе ў Менску
«Калі б мы ведалі, што ўсё гэта так зацягнецца надоўга, вядома, разглядалі б іншы варыянт, але не факт, што ён быў бы лепшы», — кажа Уладзіслаў Кузнечык. Віталь і Уладзіслаў Кузнечыкі распавялі Deutsche Welle, як яны жывуць. Бацька і сын знаходзяцца на тэрыторыі дыппрадстаўніцтва Шыецыі ў Менску ад 11 верасня 2020 году.
«Аж да Лукашэнкі будзем пісаць!» Дырэктара прадпрыемства асудзілі на тры гады «хіміі» за «стойку з кулакамі»
Суд Першамайскага раёну Віцебску прызнаў 50-гадовага дырэктара прыватнага прадпрыемства Міхаіла Захаранку вінаватым у гвалце да супрацоўніка органаў унутраных спраў (арт. 364 КК РБ). Суддзя Наталля Карабліна пастанавіла накіраваць яго на тры гады ў папраўчую ўстанову адкрытага тыпу («хімія»). Супрацоўнікі міліцыі абвінавачвалі мужчыну ў тым, што ён «прыняў стойку са сціснутымі кулакамі» і пагражаў ім ужываннем гвалту.
Вайсковага пенсіянера Купрэшына прызналі палітвязнем. Яму прысудзілі тры гады калоніі за лісты пракурору і дымавы порах
9 верасня беларуская праваабарончая супольнасць прызнала палітвязнем 65-гадовага Сяргея Купрэшына, якога суд Пастаўскага раёну адправіў на тры гады ў калонію ўзмоцненага рэжыму за публічную абразу прадстаўніка ўлады (арт. 368 КК) і захоўванне выбуховых рэчываў (ч.2 арт. 295). 25 сакавіка 2020 году яго пазбавілі дазволу на захоўванне і выкарыстанне паляўнічай стрэльбы. У садовым доміку пры ператрусе ў Купрэшына знайшлі порах.
У дачыненні Лукашэнкі ўжыў слова «дэбіл». Вырак: паўтара года калоніі агульнага рэжыму
Разгляд крымінальнай справы ў дачыненні да вартаўніка-жывёлавода Міхаіла Лінтоўскага, якога абвінавацілі ў абразе прэзідэнта (арт. 368 Крымінальнага кодэксe) у судзе Мёрскага раёнe адбыўся яшчэ 27 жніўня. Справу разглядала суддзя Ірына Яскевіч, бок дзяржабвінавачання прадстаўляла намесніца пракурора Мёрскага раёнe Святлана Раманоўская – піша «Наша Ніва».
Затрымалі віцяблян, якія нібыта аблілі чырвонай фарбай «міліцэйскія» банеры
Крымінальную справу за псаванне маёмасці (арт. 341 КК) завялі ў дачыненне траіх віцяблян, затрыманых 8 верасня ў Віцебску. Як паведамляе прэс-служба УУС Віцебскага аблвыканкаму, ім інкрымінуюць псаванне двух банераў з выявай супрацоўнікаў МУС на вуліцы Навалучоскай у Віцебску. Нібыта затрыманыя 6 верасня аблілі банеры з выявамі міліцыянтаў чырвонай фарбай.
«Беларусбанк» дамагаецца банкруцтва віцебскага прадпрыемства «Сцяг Індустрыялізацыі». Рэпартаж з суду
У эканамічным судзе Віцебскай вобласці 10 верасня пачаўся працэс аб прызнанні акцыянернага таварыства «Сцяг Індустрыялізацыі» («Знамя Индустриализации» – рус., «ЗэИ» – па-народнаму) банкрутам. Пазоўнікам выступіў «Беларусбанк», перад якім у прадпрыемства назапасіліся буйныя запазычанасці па крэдытах. Адна з чыноўніц, якая адстойвае на судзе інтарэсы прадпрыемства, прыгразіла банку масавымі акцыямі пратэсту…