Хутка ў Віцебску пачнецца суд, у выніку якога абвінавачанага могуць пакараць расстрэлам
У Віцебскім абласным судзе 28 снежня пачнецца разгляд крымінальнай справы ў дачыненні да Віктара Радзевіча, якога ўлады лічаць апошнім удзельнікам злачыннай групоўкі, якая дзейнічала ў Оршы ў канцы 90-х. Крымінальную справу будзе разглядаць суддзя Галіна Бондал.
Віцебская пракуратура ператварылася ў прапагандысткі рупар
У бягучым годзе, які ўлады называюць «Год гістарычнай памяці», органы віцебскай пракуратуры займаліся не ўласцівымі для гэтага кантралюючага дзяржаўнага інстытута ідэалагічнай дзейнасцю. Пракурорскія работнікі масава наведвалі ўстановы адукацыі Віцебска і правялі больш за 40 выступленняў перад навучэнцамі гімназій, школ, ліцэяў і каледжах. На практыцы высветлілася, што з пракурораў прапагандысты атрымаліся кепскія.
Інспекцыя аховы жывёльнага і расліннага свету заклікала браканьераў добраахвотна здаць рыбалоўныя сеткі
У адыходзячым 2022 годзе на Віцебшчыне было зафіксавана больш за тысячу парушэнняў правілаў вядзення рыбалоўнай гаспадаркі і рыбалоўства, 80% з якіх звязаны з выкарыстаннем забароненых прылад лоўлі. За гэты ж перыяд былі заведзены не менш як 60 крымінальных справы за незаконную лоўлю рыбы.
За перадачу дадзеных у "Чорную кнігу Беларусі" віцеблянку асудзілі на пяць гадоў калоніі
У Магілёўскім абласным судзе ў закрытым рэжыме 23 снежня асудзілі палітзняволеную Таццяну Карповіч паводле ч. 3 арт. 130 (распальванне іншай сацыяльнай варожасці) Крымінальнага кодэкса. Судззя Павел Клімаў прызначыў жанчыне 5 гадоў пазбаўленняволі ў калоніі ва ўмовах агульнага рэжыма і штраф 250 базавых велічыняў. Таццяна Карповіч – 25-гадовая палітзняволеная жыхарка Віцебска, паводле адукацыі праграмістка. Яна была затрыманая 17 лістапада 2021 года.
Ксёндз Вячаслаў Барок патлумачыў, чаму ён больш не выступае
Вядомаму каталіцкаму святару Вячаславу Барку, а адначасова актыўнаму блогеру, забараніла выказвацца на грамадска значныя тэмы ў СМІ і сацсетках царкоўнае начальства, патлумачыў ён у тэлеграм-канале.
У Віцебску адзначылі гадавіну ўвядзення савецкіх войскаў у Афганістан
Увод савецкіх войскаў у рэспубліку Афганістан пачаўся 25-га снежня 1979г. Да ўгодкаў гэтай падзеі былых «афганцаў», іхных жонак і ўдоў, а таксама школьнікаў і мясцовыя ўлады запрасілі ў Віцебскую абласную бібліятэку на «літаратурна-гістарычную кампазіцыю» пад назовам «Як усё пачыналася». Імпрэза праводзілася ў межах мерапрыемстваў, прысвечаных Году гістарычнай памяці.
На Віцебшчыне вырасла колькасць выпадкаў супраціву і непадпарадкавання супрацоўнікам міліцыі
Згодна з афіцыйнай інфармацыяй МУС, з пачатку года ў Віцебскай вобласці зарэгістравана больш за 20 выпадкаў актыўнага супраціву і непадпарадкавання дзеянням супрацоўнікаў міліцыі, якія падпадаюць пад санкцыі Крымінальнага кодэкса. Акрамя таго, больш за 1000 грамадзян былі прыцягнуты да адміністрацыйнай адказнасці за непадпарадкаванне службовай асобе пры выкананні ёй паўнамоцтваў. Тое, што колькасць канфліктных сітуацый падчас зносінаў з прадстаўнікамі міліцэйскіх структур расце, з’яўляецца трывожным сігналам пра адсутнасць даверу і павагі да супрацоўнікаў МУС на фоне гвалтоўных эксцэсаў з боку апошніх.
Віцебскага блогера і прадзюсара Уладзіслава Савіна прызналі палітвязнем
Уладзіслаў Савін быў асуджаны двойчы. 30 красавіка мінулага году яго асудзілі да васьмі гадоў калоніі за «махлярства ў буйным памеры» (ч. 4 арт. 209 Крымінальнага кодэксу), а таксама за арганізацыю і ўдзел у акцыях пратэсту (арт. 342 Крымінальнага Кодэксу). Сёлета 26 кастрычніка ўраджэнца Віцебска асудзілі і паводле арт. 368 Крымінальнага кодэксу – за абразу Лукашэнкі ў вершы, змешчаным у апеляцыйнай скарзе. У выніку частковага складання двух прысуджаных тэрмінаў зняволення (8 гадоў і 2 гады) Савіну засталося адбываць у калоніі ва ўмовах узмоцненага рэжыму больш за сем гадоў.
У Віцебску адчыніўся крызісны цэнтр для ўцекачоў
Гэта першая такая ўстанова ў вобласці, хаця падобныя цэнтры ўжо даўно існуюць у Берасці, Гомлі і Гародні. Крызісны цэнтр Чырвонага Крыжа – ён створаны пад патранатам менавіта гэтай арганізацыі – знаходзіцца па вуліцы Лазо, 4 у будынку плошчай больш як 100 кв.м. Тут адначасова могуць прыняць да 20 змушаных мігрантаў. А ў выпадку вострай неабходнасці адзін з пакояў можна пераабсталяваць і стварыць яшчэ пяць спальных месцаў. Падчас адкрыцця ўстановы прагучала меркаванне, што цэнтр стаў асабліва неабходным пасля таго, як у Беларусь рушыла цэлая хваля ўцекачоў з Украіны.
Судовы працэс па "справе Вясны" пачнецца 5 студзеня
У судзе Ленінскага раёна Мінска прызначылі дату суда па справе супраць старшыні Праваабарончага цэнтра "Вясна" і Нобелеўскага лаўрэата Алеся Бяляцкага, яго намесніка Валянціна Стэфановіча і каардынатара кампаніі "Праваабаронцы за свабодныя выбары" Уладзіміра Лабковіча, а таксама Змітра Салаўёва, якога будуць судзіць у парадку спецыяльнай вытворчасці. 5 студзеня справу пачне разглядаць суддзя Марына Запаснік.