У панядзелак 3 жніўня быў затрыманы віцебскі актывіст Уладзімер Кійко. Яго зьмясьцілі ў ізалятар часовага ўтрыманьня (ІЧУ) адбываць арышт, які яму прысудзілі яшчэ 7 ліпеня за ўдзел у «ланцугу салідарнасьці». Пра затрыманьне паведаміў брат Уладзімера Яраслаў, зь якім яны меліся сёньня зарэгістравацца назіральнікамі на выбарах.

Сябра ініцыятыўнай групы Артур Сінега і валянтэр Андрэй Зуеў былі затрыманыя ў Наваполацку 3 чэрвеня. Суткі да суду яны правялі ў цэнтры ізаляцыі правапарушальнікаў. Сёньня суд гораду Наваполацку прызнаў іх вінаватымі ва ўдзеле ў несанкцыянаваным пікетаваньні (ч.3 арт. 23.34 КаАП) і пакараў 15 суткамі арышту. Але выкананьне прысуду адклалі на будучыню – актывісты выйшлі на волю…

У панядзелак 2 чэрвеня проста на працоўным месцы міліцыянты затрымалі жыхарку Наваполацку Алену Радзькову. Яе адвезьлі ў аддзяленьне і склалі пратакол за правапарушэньне паводле частцы 3-й артыкулу 23.34. Спадарыню Алену вінавацяць ва ўдзеле ў несанкцыянаваным пікетаваньні. Яна – сябра ініцыятыўнай групы Сяргея Чэрачня. Суд прызначаны на 15 чэрвеня.

Актывіст «Народнай Грамады» і бацька 4-х дзяцей Андрэй Зуеў 15 траўня быў вызвалены з-за кратаў наваполацкага цэнтру ізаляцыі правапарушальнікаў (ЦІП). Ён быў пакараны судом на 7 сутак арышту за ўдзел у «стрыме» Ціханоўскага. Каля наваполацкага ЦІПу позьнім вечарам яго сустракалі жонка, паплечнікі і журналісты, але міліцыя цішком вывезла актывіста за тэрыторыю цэнтру.