Сяброўства ў прафсаюзе будзе абараняцца “Законам аб пэрсанальных дадзеных”
Камісія па нацыянальнай бясьпецы Палаты прадстаўнікоў прыняла прапанову Свабоднага прафсаюзу Беларускага (СПБ) абараніць на заканадаўчым узроўні інфармацыю аб сяброўстве працоўных у прафсаюзах. Пра гэта ў электронным лісьце на імя старшыні СПБ Міколы Шараха паведаміла дэпутатка ПП НС Натальля Гуйвік.
Раптоўна: віцяблянка абскарджвае ўжытую да яе амністыю. У чым справа?..
У дачыненьні віцяблянкі Надзеі Куканос 9 жніўня ўжылі амністыю. Пасьля 4-х месяцаў знаходжаньня ў СІЗА яна была вызваленая з-пад варты ў залі суду. Але раптам жанчына абскардзіла судовую пастанову, папрасіла адмяніць ужытую да яе амністыю ды накіраваць справу на новы разгляд…
Павіншуйце з народзінамі Алеся Юркойця!
У пятніцу 23 жніўня дзень народзінаў адзначае краязнаўца, асьветнік і папулярызатар беларускай культуры і мовы Алесь Юркойць. У 2017 годзе ён быў асуджаны на 7 гадоў зьняволеньня па справе мытнікаў і адбывае пакараньне ў папраўчай калёніі “Віцьба”. Сваёй віны Юркойць не прызнаў. Беларускі ПЭН-цэнтар заклікае павіншаваць зьняволенага са сьвятам.
На Глыбоцкім МКК будуць выплачваць заробкі згушчонкай?..
Працаўнікі Глыбоцкага малочнакансэрвавага камбінату даслалі на тэлеграм-канал NEXTA распараджэньне кіраўніцтва заводу аб выплаце заробкаў у жніўні-сьнежні 2019 году “часткова ў натуральнай форме” – сьмятанай ды малаком. На камбінаце сьпее бунт…
Вярхоўны суд адказаў Міколу Качурцу наконт штрафу за бел-чырвона-белы сьцяг на БНР-101
Суд Кастрычніцкага раёну Віцебску пакараў у красавіку 2019 году актывіста Міколу Качурца штрафам у памеры 102 рублі за бел-чырвона-белы сьцяг, зь якім віцяблянін сфатаграфаваўся на Дзень Волі. Качурэц абскардзіў пастанову ў абласным судзе, але безвынікова. Напісаў скаргу ў Вярхоўны суд – і вось які адказ атрымаў…
Актывістка “Руху маці 328” Натальля Шарыпа абвясьціла аб удзеле ў выбарах
Актывістка “Руху маці 328” зь Віцебску Натальля Шарыпа паведаміла, што будзе ўдзельнічаць у выбарах у Палату прадстаўнікоў. “Вылучаю сваю кандыдатуру ў якасьці кандыдата ў дэпутаты ад кампаніі “Гавары праўду!” – напісала яна на сваёй старонцы ў Фэйсбуку.
Віцебскага Леніна з катом адрамантавалі: цяпер “правадыр” паказвае кулак
У траўні 2019 году анархісты адбілі Леніну руку, а кату – галаву. Яшчэ празь месяць нехта абліў скульптуру чырвонай фарбай. Некаторы час Ленін знаходзіўся пад чорным покрывам. Пасьля рамонту кампазыцыя зазнала зьмены: Ленін сьціснуў далонь у кулак…
Аршанцы зьбіраюць подпісы, каб вярнуць беларускую мову ў грамадзкі транспарт
“Грамадзкі транспарт Воршы ўжо некалькі гадоў выкарыстоўвае толькі расейскую мову ў сваёй працы. Беларуская мова, на якой раней абвяшчаліся прыпынкі ў аўтобусах, адсутнічае як у абвестках, так і ў раскладах на прыпыначных пунктах”, – гаворыцца ў пэтыцыі, якая зьявілася на інтэрнэт-пляцоўцы “Зручны горад”.
“Хочацца ўсіх назваць пайменна”. Актывісты стварылі сайт пра расстрэлы ў Кабыляках
Ініцыятыва “Кабылякі. Расстраляныя ў Воршы”, якая займаецца дасьледаваньнем сталінскіх рэпрэсіяў і пошукам зьвестак пра закатаваных камуністамі людзей, заснавала свой сайт, паведамляе Беларускае Радыё Рацыя.
Пачаўся збор подпісаў за дэмантаж каменю з гербом Расейскай імпэрыі ў Відзах
На пляцоўцы “Зручны горад” зьявілася пэтыцыя з патрабаваньнем дэмантаваць камень з гербом Расейскай імпэрыі, які быў усталяваны сёлета ў цэнтры мястэчка Відзы Браслаўскага раёну. Устаноўку памятнага каменю ў гонар заснаваньня ў Відзах у 1803 годзе павятовага вучылішча ініцыявала кіраўніцтва мясцовага прафэсійна-тэхнічнага каледжу.