- Катэгорыя: Вясна
Віцебскі праваабаронца Павел Левінаў, які знаходзіцца цяпер за межамі Беларусі, звярнуўся ў Міністэрства замежных спраў і Цэнтрвыбаркам з нагоды парушэння правоў беларусаў, якія жывуць за мяжой і таму не змогуць удзельнічаць у так званым «рэферэндуме». Нядаўна праваабаронца атрымаў адказы з ведамстваў.
- Катэгорыя: Вясна
Сёння, 11 лютага, сканчваецца тэрмін, калі ўлады павінны апублікаваць спісы членаў участковых выбарчых камісій. Але замест гэтага газета "Веснік Магілёў" 10 лютага апублікавала адрасы участковых камісій, якія, па сутнасці, супадаюць з тыдзень таму адрасамі участкаў. Наступны нумар газеты выйдзе толькі праз тыдзень.
- Катэгорыя: Вясна
Агітацыя за ўдзел у рэферэндуме па пытанні ўнясення змяненняў і дапаўненняў у Канстытуцыю працягваецца. Акрамя "дыялогавых пляцовак" з чыноўнікамі, мінскія гарадскія ўлады арганізоўваюць агітацыйныя канцэрты прама на заводах у працоўны час. Адзін з іх прайшоў на "Белкамунмашы".
- Катэгорыя: Вясна
Гомельскі абласны суд 10 лютага асудзіў 36-гадовага жыхара Рэчыцы Ігара Краўцова да трох з паловай гадоў калоніі ва ўмовах агульнага рэжыму за абразу ў каментарах Лукашэнкі, ваеннага камісара Гомельскай вобласці Андрэя Крываносава і распальванне сацыяльнай варожасці. На мінулым тыдні за каментары пра Андрэя Крываносава, Лукашэнку і іншых чыноўнікаў жыхара Веткі асудзілі да двух гадоў калоніі. Распавядаем, што вядома пра гэтыя суды. Як раней паведамляла пракуратура Гомельскай вобласці, 36-гадовага жыхара Рэчыцы інкрымінаваныя распальванне сацыяльнай варожасці і варожасці па прыкмеце іншай сацыяльнай прыналежнасці, а таксама публічная абраза Лукашэнкі і ваеннага камісара Гомельскай вобласці Андрэя Крываносава.
- Катэгорыя: Вясна
На сайце Упраўлення Вярхоўнага камісара ААН з’явіўся афіцыйны адказ урада Беларусі на запыт чатырох Спецыяльных дакладчыкаў па факце вобшукаў і затрыманняў праваабаронцаў, прадстаўнікоў НДА і незалежных СМІ, здзейсненных у ліпені 2021 года. Запыт ураду быў дасланы яшчэ 7 верасня спецдакладчыкамі па сітуацыі з правамі чалавека ў Беларусі Анаіс Марэн, па пытанні аб палажэнні правабаронцаў Мэры Лолар, па пытанні аб заахвочванні і абароне права на свабоду меркаванняў і іх свабоднае выказванне Ірэн Хан і па пытанні аб правах на свабоду мірных сходаў і асацыяцый Клеман Ньялятсосі Вуль. У ім шэраг пытанняў тычыўся затрыманых праваабаронцаў і сябраў “Вясны” Алеся Бяляцкага, Валянціна Стэфановіча, Уладзіміра Лабковіча, Андрэя Палуды, Сяргея Сыса, Алены Лапцёнак, Віктара Сазонава, Алега Мацкевіча, Алеся Капцкага, Андрэя Мядзведскага, затрыманых 14 ліпеня 2021 года, а таксама каардынатаркі Валанцёрскай службы “Вясны” Марфы Рабковай, затрыманай 17 верасня 2020 года.
- Катэгорыя: Вясна
У судзе Ленінскага раёна Мінска 20 студзеня мінчука асудзілі за ўдзел у "Маршы герояў" 13 верасня 2020 года паводле ч. 1 арт. 342 Крымінальнага кодэкса (удзел у дзеяннях, якія груба парушаюць грамадскі парадак). Суддзя Анастасія Ачалава прызначыла Андрэя Зянькову тры гады "хіміі". Яго ідэнтыфікавалі па фота і відэа, дзе ён стаяў у счэпцы побач з гасцініцай "Рэнесанс" на праспекце Дзяржынскага, а таксама па знойдзеным падчас ператрусу адзенні. Да суда ён утрымліваўся пад вартай, а пасля абвяшчэння прысуду хлопца вызвалілі ў зале суда да накіравання ў папраўчую ўстанову адкрытага тыпу. Паводле версіі абвінавачвання, Андрэй Зянькоў 13 верасня 2020 года роўна адну гадзіну "дзеля выканання публічных заклікаў да актыўнага ўдзелу ў групавых дзеяннях, якія груба парушаюць грамадскі парадак, размешчаных у глабальнай камп'ютарнай сетцы Інтэрнэт на розных інтэрнэт-рэсурсах, з'яўляючыся дакладна праінфармаваным з розных крыніц пра планаванае правядзенне на тэрыторыі Мінска масавых мерапрыемстваў без падачы заяваў аб іх правядзенні ў мясцовы выканаўчы і распарадчы орган і без атрымання рашэння гэтага органа аб дазволе правядзення дадзеных масавых мерапрыемстваў, арганізатары і ўдзельнікі якіх абавязаныя выконваць грамадскі парадак і выконваць усе законныя патрабаванні супрацоўнікаў ОУС, з мэтай публічнага выказвання незаконнымі спосабамі сваіх грамадска-палітычных поглядаў і пратэсту, вядзення дэструктыўнай дзейнасці, накіраванай, у тым ліку, на абвастрэнне напружанасці ў грамадстве, узяў актыўны ўдзел у групавых дзеяннях, што груба парушаюць грамадскі парадак і спалучаныя з відавочным непадпарадкаваннем законным патрабаванням супрацоўнікаў ОУС, далучыўшыся да групы грамадзян, якія ўдзельнічалі ў паказаных супрацьпраўных дзеяннях, што груба парушаюць грамадскі парадак, выяўленых у сумесным парушэнні Закона аб масавых мерапрыемствах, грамадскіх асноваў, добрапрыстойнасці і ўнутранага спакою, спалучаных з відавочным непадпарадкаваннем патрабаванням спыніць названыя групавыя дзеянні".
- Катэгорыя: Вясна
Маладога настаўніка Алеся Мінава затрымалі ў жніўні 2021 года ў Мінску. Дзень затрымання мусіў стаць для выпускніка філфака БДУ першым днём работы ў Ліцэі БДУ, куды ён пераразмеркаваўся на апошні год сваёй адпрацоўкі. У канцы лістапада 2021 года яго асудзілі да трох гадоў “хіміі” паводле арт.342 Крымінальнага кодэкса і вызвалілі ў залі суда.
- Катэгорыя: Вясна
Беларускі рэспубліканскі саюз моладзі, які з'яўляецца рухавіком арганізацыі і падрыхтоўцы рэферэндуму, распачаў агітацыйную акцыю «#раЗАм на рэферэндум». 9 лютага камітэт БРСМ Маскоўскага раёна Мінска адсправаздачыўся аб правядзенні акцыі ў адной з мінскіх школ. "Праваабаронцы за свабодныя выбары" заўважылі на фота, у тым ліку, школьнікаў малодшых класаў (меркавана, 3-4 класы) з агітматэрыяламі па рэферэндуме.
- Катэгорыя: Вясна
Суд Лідскага раёна асудзіў былога падпалкоўніка міліцыі Пятра Будзько з Іўя да шасці гадоў пазбаўлення волі ў калоніі агульнага рэжыму паводле ч.3 арт.426 Крымінальнага кодэкса, паведамляе "Медыязона".