Серада, 24 Сакавік 2021

Затрымліваюць сябраў стачкаму ААТ «Нафтан»

Ацаніць гэты матэрыял
(1 голас)
Сяргей Лапуноў Сяргей Лапуноў

23 студзеня ў Наваполацку падчас трэніроўкі ў спартовым клубе «Форвард» быў затрыманы ўдзельнік стачкі ААТ «Нафтан» Сяргей Лапуноў, паведаміла старонка «Стачкам ААТ «Нафтан» у Фэйсбуку. Паляванне на страйкоўцаў працягнулася і 24 сакавіка.

Сяргея Лапунова абвінавачваюць у правядзенне пікету. Напэўна, пад пікетам маецца на ўвазе відэа, запісанае сябрамі страйкаму «Нафтан» у падтрымку галасавання на платформе «Голас». Сяргей Лапуноў – працаўнік ААТ «Нафтан». Стаж працы – 20 гадоў. 12 снежня ён далучыўся да нацыянальнай стачкі.

Таксама затрымалі Андрэя Шкірэнку, работніка ААТ «Нафтан» з працоўным стажам 30 гадоў, які далучыўся да стачкі 4 снежня 2020 году. Андрэй Шкірэнка – намеснік старшыні першаснай арганізацыі Беларускага Незалежнага Прафсаюзу на ААТ «Нафтан».

У гэты ж дзень супрацоўнікі МУС наведалі кватэры і іншых сябраў стачкаму, але не засталі іх удома

Наступным днём, 24 сакавіка, у Наваполацку быў таксама затрыманы ўдзельнік стачкі Аляксандр Капшуль – былы юрысконсульт прадпрыемства «Нафтан». Яго затрымалі па дарозе ў суд, дзе мужчына меўся прадстаўляць інтарэсы свайго падабароннага.

Паведамляецца, што ў дварах дамоў, дзе жывуць астатнія стачкамаўцы, дзяжураць міліцэйскія аўтамабілі.

Зміцер Міраш