“У СІЗА мяне зьбівалі да паўсьмерці”. У Віцебску пачаўся судовы працэс супраць Пятра Іванова
У панядзелак, 15 студзеня, у судзе Кастрычніцкага раёну Віцебску адбылося першае паседжаньне па крымінальнай справе, распачатай супраць актывіста Пятра Іванова. Яго абвінавачваюць паводле 1-й часткі арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). Падчас паседжаньня актывіст заявіў, што ў СІЗА яго жорстка зьбівалі.
Доктару Ігару Пастнову пагражае абмежаваньне волі або арышт за абразу пракурора
27 лістапада Сьледчы камітэт па Віцебскай вобласьці распачаў крымінальную справу паводле артыкулу 369 КК (публічная абраза прадстаўніка ўлады ў сувязі з выкананьнем ім службовых абавязкаў) супраць вядомага грамадзкага актывіста, сябра стваранага міжнароднага грамадзкага аб'яднаньня «За сумленную ўладу», псыхіятра-нарколяга Ігара Пастнова.
У Віцебску расьсьледуецца крымінальная справа супраць актывіста Пятра Іванова
Віцебскі гарадзкі аддзел Сьледчага камітэту цягам ужо больш двух месяцаў расьсьледуе крымінальную справу, распачатую ў дачыненьні да грамадзянскага актывіста Пятра Іванова паводле арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). У выпадку ўстанаўленьня віны актывісту пагражае да 5 гадоў пазбаўленьня волі.
Адміністрацыйны працэс супраць актывіста «Сумленнай улады» спынены
Адміністрацыйная справа, якая разглядалася 6 і 7 чэрвеня ў Кастрычніцкім райсудзе Віцебску, тычылася старшыні генэральнага савету па стварэньні міжнароднага грамадзкага аб'яднаньня «За сумленную ўладу» Пятра Іванова. Яго абвінавачвалі ў нанясеньні лёгкіх цялесных пашкоджаньняў судовай выканаўцы.
На Віцебшчыне – “сумленная ўлада”?
З 2014 году ў Віцебску дзейнічае т.зв. Генэральны савет па стварэньні міжнароднага грамадзкага аб'яднаньня «За сумленную ўладу». Сваёй мэтай ствараная арганізацыя абвясьціла барацьбу за ўсталяваньне сумленнай улады, прычым ня толькі ў Беларусі.
Віцебскім актывістам пагражае крымінальны перасьлед за дзейнасьць ад імя незарэгістраванай грамадзкай арганізацыі
Праверку дзейнасьці т.зв. Генэральнага савету па стварэньні грамадзкага аб'яднаньня «За сумленную ўладу» на прадмет парушэньня яго лідэрамі артыкулу 193-1 Крымінальнага кодэксу ладзіць Кастрычніцкі РАУС Віцебску. Калі ў выніку будзе выяўлена, што прыхільнікі «Сумленнай улады» зьдзейсьнілі злачынства, прадугледжанае згаданым артыкулам КК, ім пагражае пакараньне штрафам, арыштам ці пазбаўленьнем волі на тэрмін да 2-х гадоў.
Міжнароднае аб’яднаньне «За Сумленную ўладу» ствараецца ў Віцебску (відэа)
У склад Генэральнай рады па стварэньні міжнароднага грамадзкага аб’яднаньня «За Сумленную ўладу» ўвайшлі 12 чалавек. «Як 12 апосталаў», – пажартаваў на ўстаноўчым сходзе ініцыятар стварэньня арганізацыі Пётар Іваноў. Сярод тых, хто увайшоў у раду, апроч Пятра Іванова, ёсьць і іншыя вядомыя ў Віцебску актывісты – такія як, напрыклад, доктар Ігар Пастноў.
Штосьці ня так, або Сумная гісторыя са шчасьлівым канцом
На пачатку студзеня праваабаронца Пётар Іваноў зьвярнуўся да кіраўніка краіны з просьбай дапамагчы дворніку зь вёскі Буяны Віцебскага раёну Леаніду Здрэставу, які літаральна замярзаў у сваім доме.
Віцебскага праваабаронцу зьбіраюцца дэпартаваць зь Беларусі?
Пётар Іваноў – вайсковы пэнсіянэр. Мае расейскае грамадзянства і пасьведчаньне на жыхарства ў Рэспубліцы Беларусь. Надоечы ён атрымаў ліст з аддзяленьня па грамадзянству і міграцыі Кастрычніцкага РАУС Віцебску, у якім паведамляецца, што дазвол на яго сталае пражываньне ў Беларусі можа быць ануляваны.
Праваабаронца павіншаваў віцебчукоў з 65-годзьдзем прыняцьця Ўсеагульнай Дэклярацыі правоў чалавека, і сам атрымаў «віншаваньне» ад судзьдзі
Пётар Іваноў зладзіў акцыю, прымеркаваную да Дня правоў чалавека, які адзначаецца 10 сьнежня. Ён выйшаў у цэнтар Віцебску, дзе раздаў мінакам з паўсотні асобнікаў Усеагульнай Дэклярацыі правоў чалавека, прынятай 65 гадоў таму генасамблеяй ААН. Не забыў падарыць асобнікі дэклярацыі і супрацоўнікам суду, куды быў выкліканы ў гэты дзень. Судзьдзя Натальля Карабліна не засталася ў даўгу: яна парупілася, каб праваабаронца таксама не застаўся без «падарунку», абдарыўшы яго штрафам.