Мы заклікаем паведамляць пра парушэньні, сьведкамі якіх вы сталі.
Нас цікавяць наступныя факты:
– прымус да ўдзелу ў датэрміновым галасаваньні;
– незаконная агітацыя за кандыдатаў па месцы вашай працы ці вучобы;
– укід бюлетэняў у скрыні на выбарчых участках;
– замена выбарчых бюлетэняў.
Калі вы сталі сьведкам пералічаных ці іншых парушэньняў выбарчага заканадаўства, паведамляйце пра іх, калі ласка:
- на электронную скрыню Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
- у форму зваротнай сувязі на сайце elections2016.spring96.org
Будзем удзячныя, калі да сваіх паведамленьняў вы зможаце прыкласьці відэа, аўдыё і фота, якія сьведчаць пра зафіксаваныя вамі парушэньні.
Падчас датэрміновага і ў асноўны дзень галасаваньня па ўсёй краіне таксама будзе працаваць тэлефонная лінія:
З 5 да 14 верасьня – з 09:00 да 21:00
11 верасьня – кругласутачна.
Тэлефануйце на нумар, пазначаны для вашага гораду ці рэгіёну.
Кожнае вашае паведамленьне важнае! Канфідэнцыйнасьць гарантуем!
Мы, назіральнікі кампаніі “Праваабаронцы за свабодныя выбары”, не падтрымліваем якія-небудзь палітычныя партыі. Мы вядзём незалежны маніторынг па ўсёй краіне і ў ацэнках выбарчага працэсу зыходзім выключна з прынцыпаў свабодных, дэмакратычных і празрыстых выбараў, пры якіх народ Беларусі можа ў поўнай меры рэалізаваць сваё канстытуцыйнае права на ўдзел у кіраваньні сваёй краінай.
Мы лічым сваім саюзьнікам кожнага грамадзяніна, якому неабыякава, у якой Беларусі ён будзе жыць заўтра. Кожнага, хто адчувае асабістую адказнасьць за ўдзел у любой несправядлівасьці ці беззаконьні, што ўкараняюцца дзяржавай.
Не замоўчвайце несправядлівасьць і беззаконьне!