За адзін дзень пад зваротам да Упаўнаважанага ў справах рэлігіі і нацыянальнасьцяў Леаніда Гулякі падпісалася каля 300 чалавек. Віцебскія каталікі выказваюць незадавальненьне і патрабуюць, каб ім вярнулі іх духоўнага айца і пробашча парафіі Езуса Міласэрнага ў Віцебску Паўла Кнурэка. Пазьней тэкст звароту быў апублікаваны на пляцоўцы Petitions.by.

Апублікавана ў Свабода сумленьня

Біскуп Віцебскі Алег Буткевіч закрануў падчас перадкаляднай прэс-канфэрэнцыі некаторыя этычныя аспэкты “дармаедзтва” як зьявы. Чалавек мае абавязак працаваць і мусіць выплачваць падатак, але ёсьць яшчэ адзін прынцып…

Апублікавана ў Правы працоўных

У Віцебскай абласной бібліятэцы 8 сьнежня прайшла традыцыйная перадкалядная вечарына “Ціхая ноч, Сьвятая ноч”. Як і летась, у імпрэзе браў удзел біскуп Віцебскі Алег Буткевіч. Яго Эксэленцыя зноў узяўся за гітару і атрымаў у выніку шмат гарачых аплядысмэнтаў.

Апублікавана ў Свабода сумленьня

Падчас перадкаляднай прэс-канфэрэнцыі, якая прайшла 14 сьнежня ў катэдральным касьцёле Езуса Міласэрнага ў Віцебску, журналісты закранулі тэму хрысьціянскай салідарнасьці. Гаворка вялася пра лепельскіх баптыстаў, якія апошнім часам падвяргаюцца моцнаму перасьледу з боку мясцовых уладаў. Біскуп паабяцаў малітоўную падтрымку.

Апублікавана ў Свабода сумленьня

Як стала вядома з вартых даверу крыніц Віцебскага аблвыканкаму, на гутарку ў аддзел па справах рэлігіяў і нацыянальнасьцяў выклікалі біскупа Аб’яднаньня Хрысьціян веры эвангельскай у Віцебскай вобласьці і пастара эвангельскай царквы “Новае жыцьцё”. Прычынай іх запрашэньня ў выканкам стала тое, што сябра царквы “Новае жыцьцё” Алена Шабуня зьяўляецца актывісткай “Беларускай хрысьціянскай дэмакратыі”.

Апублікавана ў Выбары

У культурна-рэлігійным цэнтры віцебскай парафіі Езуса Міласэрнага пад патранажам пробашча кс. Адама Дынака прайшла вечарына, прысьвечаная роднай мове і некаторым аспэктам яе бытаваньня ў грамадзтве і касьцёле ў сытуацыі моўнага білінгвізму. Пра мову як адмысловы арганізм, здольны гуртаваць ці, наадварот, разьядноўваць людзей, пра варункі існаваньня беларускай мовы ў розныя пэрыяды яе разьвіцьця, сёньняшні ўзровень запатрабаванасьці разважалі падчас імпрэзы людзі розных прафэсіяў, узростаў, веравызнаньняў.

Апублікавана ў Культурныя правы

У віцебскім катэдральным касьцёле Езуса Міласэрнага 18 студзеня адбылася вялікая ўрачыстасьць - біскупскае пасьвячэньне. Новым кіраўніком і духоўным пастырам Віцебскай дыяцэзіі з гэтага дня стаў адзін з самых маладых каталіцкіх біскупаў у сьвеце - 41-гадовы Алег Буткевіч, былы пробашч парафіі Сьвятога Антонія Падуанскага ў Віцебску.

Апублікавана ў Свабода сумленьня

29 лістапада ў віцебскім катэдральным касьцёле Езуса Міласэрнага апостальскі нунцый Кляўдыё Гуджэроці абвясьціў, што Папа Рымскі Францішак прызначыў у Беларусі трох новых біскупаў. Адзін зь іх – 41-гадовы ксёндз Алег Буткевіч, узначаліў Віцебскую дыяцэзію. Віцебская дыяцэзія была бязь біскупа з 25 лютага гэтага году. Былы біскуп Уладзіслаў Блін падаў у адстаўку па стане здароўя.

Апублікавана ў Свабода сумленьня