22 верасьня суд Кастрычніцкага раёну Віцебску аштрафаваў за парушэньне заканадаўства аб масавых мерапрыемствах (ч.1 арт. 23.34 КаАП) грамадзкую актывістку Станіславу Цярэнцьеву на 12 базавых велічынь (324 рублі). Такое рашэньне прыняў судзьдзя Ільля Белавус.

У судзе Першамайскага раёну Віцебску 21 верасьня судзілі паводле арт.23. 34 КаАП вядомых у горадзе асобаў. Старшыня віцебскай гарадзкой арганізацыі АГП Ірына Яскевіч за ўдзел у несанкцыянаваным шэсьці атрымала папярэджаньне, грамадзкая актывістка Алена Каваленка – 10 базавых, а ўладальнік двух «жывемабіляў» Андрэй Кулакоў – 7 базавых велічынь.

12 верасьня ў Кастрычніцкім і Першамайскім судах Віцебску праходзілі адміністрацыйныя працэсы над удзельнікамі мірных акцый па артыкуле 23.34. Грамадзяне атрымалі штрафы ад 2 да 20 базавых велічынь. Найбольшы штраф прысудзілі аўтарцы плякату «Jabatʼka Hotel...».

У судзе Віцебскага раёна 17 верасня разглядалася адміністрацыйная справа ў дачыненні да лекара хуткай медычнай дапамогі, студэнта 4 курса ВДМУ Уладзіміра Тэна. Яго прызналі вінаватым у правапарушэнні паводле арт. 23.34 КаАП і аштрафавалі на 135 рублёў.