“Не пашанцавала з суседам” – у Беларусі гэтая прыказка мае асаблівыя адценьні. Бывае так: чым бліжэй твой сусед да ўлады, тым большая небясьпека навісае над галавой. Усё гэта зазналі на сабе дзьве пэнсіянэркі, якія ўжо амаль 10 гадоў змагаюцца за сваё жыльлё і жыцьцё на вуліцы Ленінградзкай у Віцебску. Пакуль беспасьпяхова – жонка іх суседа працуе ў аблвыканкаме.

З савецкіх часоў улады прызвычаіліся рамантаваць у асноўным цэнтральныя вуліцы, забыўшыся на дзясяткі іншых, якія праз рэзкае павелічэньне аўтатранспарту губляюць сваё нетрывалае пакрыцьцё. Сытуацыя на вуліцы Пскоўскай - крытычная...

Вядомага віцебскага дысыдэнта Барыса Хамайду затрымалі каля 11-й гадзіны 25 сакавіка на рагу “сіняга дому” ў Віцебску. Ён трымаў у руках сьцяг гораду і самаробны плякат з цытатай расейскага пісьменьніка Івана Буніна: “Город (Витебск) древний и нерусский”. Гэткім чынам Барыс Хамайда павіншаваў віцяблян з Днём Волі.

У чацьвер 14 сакавіка каля 12-й гадзіны ля “сіняга дому” ў Віцебску быў затрыманы Барыс Хамайда. У Чыгуначным РАУС на яго склалі адміністрацыйны пратакол за “загрувашчваньне вуліцы” (арт. 21.14 КаАП). У міліцыі віцебскі апазыцыянэр прабыў больш за гадзіну.

Заказчык меркаванага будаўніцтва Палацу ўрачыстых абрадаў у Віцебску – УКБ г. Віцебску – паведаміў пра заканчэньне грамадзкіх абмеркаваньняў справаздачы аб ацэнцы ўзьдзеяньня на навакольнае асяродзьдзе. Дакумэнт зацьверджаны, у ягоны зьмест унесьлі адну зьмену – разгледзелі дадатковы альтэрнатыўны варыянт пляцоўкі разьмяшчэньня аб’екту.

10 сьнежня ў сьвеце адзначаецца Міжнародны дзень правоў чалавека. Такая дата выбраная невыпадкова: у гэты дзень у 1948 годзе Генэральная асамблея ААН прыняла першы ўнівэрсальны міжнародны акт па правох чалавека – Усеагульную дэклярацыю правоў чалавека. Каб публічна адзначыць 70-гадовы юбілей дэклярацыі, праваабаронцы Віцебску хацелі зладзіць пікет. Аднак мясцовыя ўлады на іх заяўку далі адмоўны адказ.

Заяўку на правядзеньне пікету падаў у адміністрацыю Чыгуначнага раёну Віцебску праваабаронца Леанід Сьвецік. Імпрэза, у якой паводле заяўкі возьмуць удзел дзесяць чалавек, мусіць адбыцца 10 сьнежня – менавіта ў гэты дзень 70 гадоў таму Генэральная Асамблея ААН зацьвердзіла Ўсеагульную дэклярацыю правоў чалавека.

У межах Тыдня супраць сьмяротнага пакараньня, мерапрыемствы якога праходзяць ва ўсёй краіне, віцебскія актывісты праваабарончай супольнасьці меркавалі зладзіць імпрэзу. Аднак пікет, падчас якога праваабаронцы хацелі распавесьці месьцічам, чаму яны выступаюць за скасаваньне практыкі забойства грамадзян дзяржавай на падставе выракаў судоў, мясцовыя ўлады забаранілі.

Згодна з заявай аб правядзеньні пікетаваньня, пададзенай праваабаронцам Леанідам Сьвецікам у адміністрацыю Чыгуначнага раёну Віцебску, імпрэза мусіць адбыцца 12 кастрычніка на пляцоўцы, адмыслова вызначанай гарвыканкамам пад масавыя мерапрыемствы. Асноўная мэта пікету – публічна адзначыць у горадзе Сусьветны дзень супраць сьмяротнай кары.

Віцебскія раённыя камісіі апублікавалі на сайце гарвыканкаму дакумэнт пад назвай “Альгарытм дзеяньняў грамадзян пры звароце ў камісію па спрыяньні занятасьці насельніцтва для выключэньня са сьпісу працаздольных грамадзян, не занятых у эканоміцы, што аплачваюць паслугі па тарыфах, якія забясьпечваюць поўнае пакрыцьцё выдаткаў”.