Яшчэ ў 2024 годзе кампанія добраахвотна выплаціла кампенсацыі прадпрымальнікам, чые працоўныя месцы пацярпелі ад пажару: па 7 тысяч рублёў тым, у каго  павільёны пашкоджаны часткова, і па 10 тысяч рублёў  тым, у каго маёмасць была знішчана цалкам . Таксама прадпрымальнікам былі прапанаваны новыя месцы з ільготнай арэндай і часовыя складскія памяшканні для захоўвання маёмасці.

Але прадпрымальнікі не задаволеныя:  канчатковыя выплаты магчымы толькі пасля завяршэння следства і атрымання афіцыйнага заключэння аб прычынах здарэння. А гэтага яшчэ не адбылося: нядаўна Генеральная пракуратура чарговы раз працягнула тэрмін следства.

 Будынак абгарэлага гандлёвага цэнтру пакуль застаецца закрытым. У ім пашкоджана прыкладна 1/8 частка агульнай плошчы (каля 2 тыс. м ² з 17 тыс. м ²). Канчатковае рашэнне пра яго далейшы лёс будзе прынятае толькі пасля заканчэння следчых дзеянняў. 

 Пакуль гараджанам не вядомы лёс і  Віктара Велюгі - заснавальніка і дырэктара "МегаЕўратэкс". Адразу пасля пажару яго ўзялі пад варту, але ці выпусцілі - не зразумела.  19 лютага 2025 г. ў судзе Першамайскага раёна Віцебска  быў запланаваны суд над ім, але справа не была звязана з пажарам. Вялюгу судзілі  “за распаўсюд экстрэмізму” паводле ч.2  артыкула 19.11 КаАП.

Павел Серабрыцкі