Урачыстае адкрыццё прайшло паводле даўняй, яшчэ савецкай завядзенкі: права ўзняць сцягі атрымалі перадавікі вытворчасці і раённае начальства. «Раёнка» цытуе выступленне старшыні райвыканкама Вячаслава Грышчанкі, які прамаўляў на адкрыцці пляцоўкі: "Площадка государственных символов несет в себе большой смысл. Это еще одно напоминание о нашей богатой истории и лучших качествах белорусов, квинтэссенция суверенитета и независимости республики".

Апрача адкрыцця пляцоўкі, кіраўніцтва раёна да Дня народнага адзінства арганізавала адмысловы аўтапрабег. Прадстаўнікі БРСМ, «Белай Русі» і раённай прафсаюзнай структуры з'ездзілі ў Друю, дзе выступілі перад памежнікамі і мясцовай моладдзю.

Кацярына Дарафеева