Журналістаў Зьмітра Лупача і Тацяну Смоткіну выклікалі ў міліцыю
Увечары 27 сакавіка незалежныя журналісты з Глыбокага Зьміцер Лупач і Тацяна Смоткіна атрымалі позвы з Шаркоўшчынскага райаддзелу міліцыі. Спачатку міліцыянты даслалі ім позвы праз мэсэнджары Viber і WhatsApp, а потым патэлефанавалі і яшчэ раз запрасілі на так званую “гутарку” на 29 сакавіка, паведамляе “Беларуская асацыяцыя журналістаў”.
Віцебскі аблсавет: ствараць камісію па правах чалавека – немэтазгодна
Рашэньне аб немэтазгоднасьці стварэньня пастаяннай камісіі па правах чалавека было прынятае 18 сакавіка на сумесным паседжаньні дзьвюх пастаянных камісіяў (па пытаньнях мясцовага самакіраваньня і сацабароны) Віцебскага абласнога Савету дэпутатаў. Удзел у паседжаньні ўзяў віцебскі праваабаронца Леанід Сьвецік.
Павал Левінаў заклікае Лукашэнку амніставаць асуджаных па арт. 328 КК РБ
Прадстаўнік Беларускага Хэльсінскага камітэту на Віцебшчыне праваабаронца Павал Левінаў папрасіў Лукашэнку распаўсюдзіць меркаваную амністыю на асуджаных паводле арт. 328 КК (Незаконны абарот наркатычных рэчываў). У прыватнасьці – вызваліць тых, хто зьдзейсьніў злачынства ў няпоўнагадовым узросьце, і ўдвая скараціць тэрмін тым, хто ўчыніў яго ва ўзросьце да 25 гадоў.
Віцебскі аблсавет разгледзіць пытаньне аб стварэньні камісіі па правах чалавека
Праваабаронца Павал Левінаў атрымаў адказ на свой зварот, у якім прапаноўваў заснаваць у Віцебскім абласным Савеце дэпутатаў пастаянную камісію па пытаньнях абароны правоў, свабод і законных інтарэсаў грамадзян. Старшыня аблсавету Ўладзімер Цярэнцьеў паабяцаў, што пытаньне стварэньня такой камісіі будзе разгледжанае ўжо на чарговай сэсіі.
Віцебская міліцыя незаконна зьнішчыла бел-чырвона-белы сьцяг
Віцебскі актывіст Андрусь Кешанюк здолеў часткова аспрэчыць судовае пакараньне, накладзенае на яго за сьвяткаваньне 100-годзьдзя БНР: Вярхоўны суд пастанавіў вярнуць яму бел-чырвона-белы сьцяг, забраны міліцыянтамі. Але ў Першамайскім райаддзеле ўнутраных спраў Віцебску ягоную маёмасьць зьнішчылі і нават не прапануюць яе кампэнсаваць.
«Віцебская вясна» абвясьціла імёны Абаронцаў правоў чалавека – 2018
Падсумоўваючы вынікі мінулага году, рэдакцыя самага ўплывовага праваабарончага інтэрнэт-рэсурсу Віцебскай вобласьці адзначыла заслугі як асобных актывістаў, гэтак і арганізацыяў ды грамадзянскіх ініцыятываў у прасоўваньні і абароне правоў чалавека ў рэгіёне.
Павал Левінаў схадзіў на прыём да старшыні аблсавету ў строі Дзеда Мароза
Праваабаронца Павал Левінаў патрапіў 2 студзеня 2019 году на прыём да старшыні Віцебскага абласнога савету дэпутатаў Уладзімера Цярэнцьева. Перад тым як зайсьці ў кабінэт да чыноўніка, Левінаў пераапрануўся ў Дзеда Мароза. Цярэнцьеў быў уражаны…
Павал Левінаў: Гарвыканкам ня мусіць вызначаць, каго пускаць на прэс-канфэрэнцыі
Віцебскі праваабаронца і сябра Беларускай асацыяцыі журналістаў зьвярнуўся ў гарвыканкам з прапановай, каб на арганізаваныя ўладамі прэс-канфэрэнцыі пускалі ўсіх ахвотных прадстаўнікоў СМІ, а ня толькі з “правераных выданьняў”.
КПЧ ААН зарэгістраваў звароты аб парушэньні дзяржавай правоў Зьмітра Лупача і Тацяны Смоткінай
Камітэт па правах чалавека ААН прыняў да разгляду паведамленьні аб парушэньні дзяржавай правоў на свабоднае выказваньне свайго меркаваньня ў дачыненьні фрылянсэраў Зьмітра Лупача і Тацяны Смоткінай. Пра гэта паведаміў аўтар зваротаў у КПЧ ААН віцебскі праваабаронца Павал Левінаў. Ліст з Камітэту ён атрымаў 10 сьнежня – у Дзень правоў чалавека.
Павал Левінаў прасіў судзьдзяў не выносіць сьмяротных прысудаў і вось што атрымаў у адказ
Напярэдадні Сусьветнага дня супраць сьмяротнага пакараньня праваабаронца Павал Левінаў накіраваў быў ліст да судзьдзяў судовай калегіі па крымінальных справах Віцебскага аблсуду – прасіў прыпыніць вынясеньне сьмяротных прысудаў і зьмяніць яго іншымі відамі пакараньня. Судзьдзі адрэагавалі на просьбу вельмі дзіўна…