Конкурс «Канон» ладзіцца ў межах агляду рэлігійнай дзейнасьці «Ня лікам, а пакорай» сярод асобаў, якія адбываюць пакараньні ў месцах пазбаўленьня і абмежаваньня волі. Творы іканапісу дасылалі на конкурс з турмаў Расеі, Казахстану і Беларусі, паведамляе афіцыйны партал БПЦ.

Выніковае паседжаньне прайшло ў Маскве. Аргкамітэт разгледзеў абразы, якія перамаглі на першым этапе конкурсу, і прысудзіў першае месца 1-й ступені твору зьняволенага папраўчай калёніі №8 гораду Воршы. Асуджанаму нададзенае званьне ляўрэата агляду рэлігійнай дзейнасьці асуджаных «Ня лікам, а пакорай» па Беларусі.

Паведамляецца, што ў якасьці ўзнагароды пераможца атрымае «блаславёную грамату Сынадальнага аддзелу Рускай праваслаўнай царквы па турэмным служэньні».

Прозьвішча пераможцы не называецца.

Зьміцер Міраш

Камэнтуйце гэтую навіну на нашай старонцы ў facebook!

Чытайце таксама навіны “Віцебскай Вясны” ў Telegram.