“Жыве Беларусь! Жыве вечна! Жыве з Богам!” – напісаў у лісьце да віцебскіх праваабаронцаў палітвязень Міхаіл Жамчужны. Ён віншуе з Днём Волі ўсіх беларускіх патрыётаў і распавядае пра жыцьцё ў калёніі. Ліст ад палітвязьня прыйшоў напярэдадні сьвята з нагоды 101-й гадавіны БНР.

Поўная ізаляцыя, якая была створаная адміністрацыяй папраўчай калёніі №9 (г. Горкі) у адносінах да Міхаіла Жамчужнага, нарэшце прарваная: ліст ад палітвязьня атрымала праваабаронца Тацяна Равяка.

Праваабаронцам стала вядома аб зьбіцьці палітвязьня, заснавальніка праваабарончай арганізацыі «Платформ Інавэйшан» Міхаіла Жамчужнага ў горацкай папраўчай калёніі №9. 24 студзеня ахова пакінула мужчыну без нагляду ў калідоры санчасткі, дзе яго жорстка зьбіў іншы асуджаны.

Палітвязень Міхаіл Жамчужны, ліставаньне зь якім адсутнічала некалькі месяцаў, нарэшце атрымаў магчымасьць пісаць лісты сваім калегам, сябрам, паплечнікам і праваабаронцам. Зь ліста, які атрымала праваабаронца Тацяна Равяка, стала вядома, што Міхаіл Жамчужны з 6 студзеня адпраўлены на адзін месяц у памяшканьне камэрнага тыпу (ПКТ).

Суд па пераводзе праваабаронцы Міхаіла Жамчужнага з калёніі на турэмны рэжым утрыманьня працягнуўся 21 красавіка ў судзе Барысаўскага раёну.

2 лютага суд Барысаўскага раёну распачаў разгляд справы па накіраваньні заснавальніка «Платформ інавэйшан» Міхаіла Жамчужнага з папраўчай калёніі №14 ў турму. Судовы разбор працягнецца 23 лютага.

У адным са сваіх лістоў да праваабаронцы Тацяны Равяка палітвязень Міхаіл Жамчужны ў некалькіх словах згадаў інцыдэнт, які здарыўся зь ім у папраўчай калёніі №14 у Навасадах, дзе ён адбывае пакараньне.

Адміністрацыя папраўчай калёніі №14 ў Навасадах, дзе адбывае пакараньне заснавальнік “Платформ інавэйшан” Міхаіл Жамчужны, прыняла рашэньне накіраваць у суд матэрыялы аб зьмене палітвязьню рэжыму ўтрыманьня на турэмны, тэрмінам на тры гады. Пра гэта палітвязень паведаміў у лісьце да праваабаронцы Тацяны Равяка, датаваным 26 студзеня.

На 10:00 раніцы 12 студзеня прызначаны разгляд скаргі Міхаіла Жамчужнага ў касацыйным парадку ў Менскім абласным судзе паводле вынесенага спагнаньня за нібыта самавольнае перамяшчэньне па тэрыторыі калёніі. Пра гэта паведаміў сам палітвязень у лісьце да праваабаронцы Тацяны Равяка.

Палітвязень і заснавальнік “Платформ інавэйшан” Міхаіл Жамчужны атрымаў статус злоснага парушальніка рэжыму ўтрыманьня ў калёніі. Пра гэта палітвязень, які адбывае пакараньне ў папраўчай калёніі №14 ў Навасадах, напісаў у лісьце да праваабаронцы Тацяны Равяка.