У снежні 2025г. Уладзіміра Захарава ўключылі ў “экстрэмісцкі” пералік на сайце МУС.
Паводле інфармацыі “Нашай Нівы”, бізнесовец асуджаны да 5 гадоў пазбаўлення волі ў калоніі ва ўмовах агульнага рэжыму.

У верасні 2020 года Захараў крытыкаваў  палітыку Лукашэнкі ў дачыненні да прыватнага бізнесу. У прыватнкасці, расійскаму выданню Лента.РУ. ён сказаў наступнае: "У многіх беларускіх бізнесменаў ёсць адчуванне, што яны разам з уладай жывуць у розных сусветаў. Лукашэнка неяк сказаў, што яго мара — «паціснуць руку апошняму прадпрымальніку краіны», а нас называе «блохами ». Гэта ненармальна! Пры гэтым, згодны, весці бізнэс у Беларусі не складаней, чым у Расіі".

У 2023 годзе на маёмасць бізнесоўца, які на той час ужо выехаў у замежжа, быў накладзены арышт.

У  траўні 2024-га Захараў вырашыў выбачыцца перад беларускімі ўладамі:  запісаў публічны відэазварот да Аляксандра Лукашэнкі – спадзеючыся, што яго пашкадуюць.

У відэазвароце ён каяўся ў "дапушчаных памылках”, абяцаў быць узорным прадпрымальнікам і ажыццяўляць “празрыстую” эканамічную дзейнасць, супрацоўнічаць з любымі дзяржаўнымі структурамі і органамі  і гэтак далей. Таксама ён падкрэсліваў, што "не пераходзіў чырвоныя лініі” у 2020-м годе, не удзельнічаў у пратэстах, як і ніводзін з ягоных сваякоў, не заклікаў да супраціву і нават бачыць сваю заслугу ў тым, што падчас паслявыбарчых мірных шэсцяў не былі затрыманыя ягоныя арандатары.

Але пакаянне “не залічылі”. Калі ен вырашыў вярнуцца ў Беларусь, то быў адразу ж затрыманы ў аэрапорце.

Сяргей Хоміч