Гэта было не ў прытоне: СК паведаміў падрабязнасьці затрыманьня ў Віцебску «сьвятара-сутэнёра»
Сьледчы камітэт раскрыў падрабязнасьці затрыманьня ў Віцебску праваслаўнага сьвятара аднаго з храмаў Ленінградзкай вобласьці (Расея). Паводле інфармацыі СК сьвятара затрымалі на аўтавакзале, а не ў прытоне.
У Віцебску скарацілі на чвэрць фінансаваньне будаўніцтва паліклінікі
Віцебскі гарадзкі савет дэпутатаў унёс зьмены ў «Інвэстыцыйную праграму гораду Віцебску на 2017 год». Зьмены закранулі і даўгабуд паліклінікі ў мікрараёне “Поўдзень-7А”
«Я і ІЧУ. Асабісты погляд». Частка 6: Віцебск, Арцём Сізінцаў
«Віцебская вясна» працягвае знаёміць чытачоў з умовамі знаходжаньня ў ізалятарах часовага ўтрыманьня. Журналіст Арцём Сізінцаў асьвятляў веснавыя акцыі пратэсту і суды над іх удзельнікамі ня толькі ў сваёй роднай Воршы, але і ў Магілёве, і ў Віцебску. Супрацоўнікі праваахоўных органаў ацанілі актыўнасьць рэпартэра – ён быў затрыманы 25 сакавіка за Дзень Волі ў Віцебску. Суд прызначыў Арцёму 10 сутак арышту.
Двое віцебчукоў распавялі, як іх зьбілі АМАПаўцы, і апублікавалі здымкі сваіх траўмаў
Двое жыхароў Віцебску заявілі, што іх зьбілі супрацоўнікі АМАП. Паводле заявы праводзіцца праверка. Пасьля сустрэчы з АМАПаўцамі, распавядаюць хлопцы, у іх на целе засталіся вялізныя гематомы, зламаная рука, разьбітыя тэлефон і машына.
Жыхар Віцебску за зьнявагу дзяржаўнага сьцягу прысуджаны да штрафу ў 1840 рублёў
За зьдзек зь дзяржаўнага сьцягу Рэспублікі Беларусь віцябчук прысуджаны да штрафу ў 80 базавых велічынь, паведаміў старшы памочнік пракурора гораду Віцебску Сяргей Урбановіч.
Аўтарка раману «Рыбін горад» сустрэлася зь віцебскімі чытачамі
Цёплым ліпеньскім надвячоркам 21 ліпеня беларуская пісьменьніца, украінка па нацыянальнасьці, старшыня Таварыства ўкраінскай літаратуры пры Саюзе беларускіх пісьменьнікаў Наталка Бабіна наведала Віцебск, каб пагутарыць з чытачамі пра беларуска-ўкраінскія літаратурна-моўныя дачыненьні. Сустрэча адбылася ў залі арт-пабу «Торвальд».
Зьмены, якія нічога не зьмянілі
Сёлета ў чэрвені грамадзкасьці стала вядома, што віцебскія гарадзкія ўлады ўнесьлі зьмены ў сумнавядомае рашэньне гарвыканкаму ад 10 ліпеня 2009 году № 881 «Аб масавых мерапрыемствах у горадзе Віцебску». Аднак на паверку выявілася, што зьмены аказаліся чыста фармальнымі і не зьмянілі да лепшага становішча з магчымасьцю ладзіць масавыя мерапрыемствы ў Віцебску.
Павал Левінаў апублікаваў вынікі свайго «маніторынгу» ўмоваў адбыцьця арышту ў ІЧУ Віцебску
Праваабаронца Павал Левінаў стрымаў сваё слова. Адпраўляючыся на 15 сутак у ізалятар часовага ўтрыманьня, ён заяўляў, што будзе сядзець ня проста так, а зоймецца вывучэньнем умоваў адбываньня там адміністрацыйнага арышту. І вось надоечы ён разьмясьціў у фэйсбуку дакумэнт пад загалоўкам «Маніторынг умоваў майго ўтрыманьня ў ІЧУ пры УУС Віцебскага аблвыканкаму».
Супраць віцебскага лекара-праўдаруба распачатая крымінальная справа
Згодна з пастановай супрацоўніцы Сьледчага камітэту Х.С. Казімірскай, крымінальная справа ў дачыненьні да доктара Ігара Пастнова распачатая паводле прыкметаў складу злачынства, прадугледжанага часткай 1 артыкулу 400 Крымінальнага кодэксу (сьведама фальшывы данос пра зьдзяйсьненьне злачынства).
Віцебскія ўлады не далі сябру БНФ правесьці пікет
Пікет супраць правядзеньня вучэньняў «Захад-2017» мусіў прайсьці 15 ліпеня а 12-й гадзіне ў Парку культуры і адпачынку чыгуначнікаў Віцебску ў раёне цэнтральнай сцэнічнай пляцоўкі – у месцы, адмыслова адведзеным рашэньнем гарвыканкаму пад масавыя мерапрыемствы.