Ворша: 1000 пратэстоўцаў і звыш 20-ці затрыманых
Найвялікшая ў гісторыі гораду за апошнія дзесяцігодзьдзі акцыя пратэсту адбылася ў Воршы 12 сакавіка. У «Маршы недармаедаў» тут узялі ўдзел звыш тысячы чалавек. Больш за 20 чалавек – арыштаваныя. Затрыманьні пачаліся яшчэ да пачатку акцыі пратэсту. Сярод арыштаваных – незалежныя журналісты і палітычныя дзеячы. Суды над імі адбудуцца 13 сакавіка.
У Воршы рыхтуюцца сустрэць «Марш недармаедаў» расейскай папсой
Акцыя «недармаедаў» плянуецца ў Воршы ў нядзелю, 12-га сакавіка. Напярэдадні мясцовыя ўлады загадалі разьвешаць гукаўзмацняльнікі на цэнтральнай плошчы гораду. 10 сакавіка адбыўся поўнамаштабны тэставы запуск сыстэмы: на плошчы гучала расейская поп-музыка, пры гэтым многія жыхары не разумеюць, навошта ў цэнтры Воршы так гучна ўключаць песьні.
Аршанскага актывіста апыталі як «сьведку» па справе пра фальшывыя грошы
Ігара Казьмерчака, кіраўніка моладзевага грамадзкага абʼяднаньня «Зьвяз», 9 сакавіка выклікаў на гутарку сьледчы. Гутарка з прадстаўніком сьледчага камітэту Станіславам Барысёнкам адбылася праз тры дні пасьля ператрусу ў офісе Аршанскай кааліцыі дэмакратычных сілаў.
На сядзібу грамадзкага актывіста Ігара Грышанава ў Стаўрах напалі невядомыя
На аграсядзібу “Пуцяціна” ў вёсцы Стаўры Аршанскага раёну наведаліся невядомыя людзі. Пакуль Ігара Грышанава не было, незнаёмцы праніклі ў дом, дзе часам праходзяць розныя прэзэнтацыі і іншыя імпрэзы. Візыт скончыўся тым, што ў доме было ўсё перавернутае ўверх дном, а таксама узламаны сэйф.
У офісе Аршанскай кааліцыі дэмакратычных сіл адбыўся ператрус
Увечары 6 сакавіка на Чырвонаармейскай, 13 сабраліся дэмакратычныя актывісты для абмеркаваньня бягучых пытаньняў. Абмяркоўваўся і "Марш недармаедаў", заплянаваны ў Воршы на 12 сакавіка. Падчас абмеркаваньня ў дом зайшлі міліцыянты, якія папрасілі "пагутарыць з адказным за памяшканьне". Размаўляў зь міліцыянтамі рэдактар сайту orsha.eu Ігар Казьмярчак. Празь некаторы час да дома пад'ехалі прадстаўнікі Сьледчага камітэту з пастановай аб правядзеньні ператрусу.
Міліцыя спыніла дзіцячае сьвята: яно не было ўзгодненае з уладамі
Інцыдэнт здарыўся ў Воршы, дзе 4 сакавіка каля парку Герояў праходзіла імпрэза Bonsticks – вялікія мяккія цацкі забаўлялі аматараў ласункаў, перш за ўсё дзяцей.
Экспазыцыя музэю гісторыі Воршы не працуе ўжо амаль 10 гадоў
У 2017 годзе Ворша сьвяткуе сваё 950-годзьдзе. Улады абяцаюць правесьці навуковую канфэрэнцыю па Базылянскім манастыры, лёсам якога апекаваліся краязнаўцы. Таксама Аршанскі райвыканкам даўно абяцаў аднавіць экспазыцыю музэю гісторыі і культуры Воршы, аднак ужо шмат гадоў абяцаньні застаюцца нявыкананымі.
Дачны пасёлак пад Воршай застаўся адрэзаным ад цывілізацыі
Дачны пасёлак Усход пад Воршай мясцовыя жыхары перайменавалі ў «Далёкі Ўсход». А ўсё таму, што дабрацца да сваіх участкаў уладальнікам досыць складана. Адзіны праезд – праз поле, і той праз масавую забудову прыгараду рызыкуе зьнікнуць. Многія дачнікі – пэнсіянэры – жывуць у загарадных дамох круглы год. Аднак калі што здарыцца – ані хуткая, ані пажарная прыехаць да іх ня могуць.
Унівэрсам «Алмі» у Воршы: пратэрмінаваныя харчы і кузуркі на прылаўку
Крама «Алмі» адкрылася ў Воршы ўжо некалькі гадоў таму. Раней да працы вялікай крамы ў некалькі паверхаў было мала прэтэнзіяў, аднак цяпер адбыўся скандал. Валянтэры зь ліку актывістаў кампаніі «Сьвінкі супраць – Беларусь» наведалі гандлёвы аб'ект і запісалі на відэа шэраг парушэньняў пры продажы тавару.
Экалягічныя актывісты Воршы абмеркавалі праблему сьметнікаў у горадзе і прыгарадзе
Круглы стол па праблеме несанкцыянаваных сьметнікаў прайшоў у Воршы. У горадзе існуе некалькі грамадзкіх ініцыятываў, якія займаюцца прыборкай прыгарадных лясоў і несанкцыянаваных сьметнікаў. З боку дзяржавы кантролем і прыборкай займаюцца адразу некалькі структур зь вялікім штатам работнікаў. Але пры такой вялікай колькасьці людзей, якія займаюцца барацьбой за чысьціню, праблема існуе.