Вяскоўцы з-пад Воршы дамагліся таго, што цяпер да іх ходзіць аўтобус
Жыхары вёскі Стаўры атрымалі магчымасьць карыстацца прыгарадным аўтобусам. Цяпер аўтобус Ворша – Барздоўка тры разы на тыдзень ходзіць праз Стаўры. Дамагліся гэтага самі жыхары вёскі, накіраваўшы ў аўтапарк калектыўны зварот.
Жыхары вёскі пад Воршай просяць прэзыдэнта дапамагчы адрамантаваць дарогу
Дарога ад Горацкай шашы да вёскі Стаўры мае для жыхароў стратэгічнае значэньне. Па ёй ажыцьцяўляецца праезд аўтакрамы 3 разы на тыдзень, хуткай дапамогі, газавых службаў, сацыяльных і культурных службаў, і ў летні час па ёй праяжджае ня менш за 300 аўтамабіляў у суткі.
Сельвыканкам прайграў суд
На імя старшыні Аршанскага райвыканкаму пададзеная заяўка на святкаваньне 500-годзьдзя перамогі над Масквой
Заяўку накіраваў Нацыянальны аргкамітэт па сьвяткаваньні юбілею Бітвы пад Воршай. Згодна з апублікаванай у заяўцы інфармацыі, аргкамітэт прапануе сьвяткаваньні ў Аршанскім раёне зладзіць 6 верасьня (у найбліжэйшую да 8 верасьня суботу). Папярэдне мяркуецца, што ў сьвяткаваньнях возьмуць удзел каля 450 чалавек.
У дачыненьні да намесьніка старшыні Аршанскага райвыканкаму Івана Хурбатава заведзеная крымінальная справа
Крымінальная справа зьвязаная зь дзейнасьцю прыватнай фірмы “ТопЕвроСтрой”, заснавальнікам якой зьяўляецца сын чыноўніка. Паводле слоў відавочцаў, 2 красавіка прайшлі ператрусы дома ў чыноўніка і ў яго службовым габінэце ў райвыканкаме. Сам Іван Хурбатов затрыманы сьледчымі органамі. Які менавіта артыкул Крымінальнага Кодэксу ставіцца ў віну затрыманаму пакуль высветліць не ўдалося.
Будаўніцтва ў Барані міні-ЦЭЦ на мясцовых відах паліва аказалася нечуванай авантурай
Жыхары Барані яшчэ добра памятаюць той бравурны аптымізм, які суправаджаў будоўлю стагодзьдзя ў Барані. Як жа! Будуецца міні-ЦЭЦ па самых перадавых тэхналёгіях, якая будзе выкарыстоўваць мясцовыя віды паліва - торф з радовішча Усьвіж-Бук Талачынскага раёну.
У прадпрымальніка канфіскавалі тэхніку коштам больш як 400 мільёнаў рублёў
Супрацоўнікамі Аршанскага міжраённага аддзелу фінансавых расьсьледаваньняў Камітэту дзяржаўнага кантролю па Віцебскай вобласьці затрыманы грузавы аўтафургон, у якім перавозілася бытавая тэхніка. Жыхар Менскай вобласьці, які знаходзіўся за стырном аўтамабіля, ня змог прад’явіць на тавар (мультываркі, фотаздымачы, электрачайнікі і інш.) суправаджальныя дакумэнты, аформленыя належным чынам. Бытавая тэхніка (усяго - 93 адзінкі) коштам больш за 400 млн. рублёў арыштаваная і канфіскаваная.
«Віцебскэнэрга» незаконна захоўвае небясьпечныя адходы?
Цяплічны камбінат «Віцебскэнэрга» робіць незаконнае захаваньне мінэральнай ваты. Пра гэта паведаміў Аляксей Іваноў: «У нас у пасёлку Арэхаўск Аршанскага раёну Віцебскай вобласьці цяплічны камбінат РУП «Віцебскэнэрга» зьдзяйсьняе незаконнае пахаваньне мінэральнай ваты пасьля выкарыстаньня яе ў вытворчасьці. Пахавалі ўжо некалькі вагонаў».
У Смалянах забіты сьвятар. У забойстве абвінавачваецца 22-гадовы мужчына
У вёсцы Смаляны Аршанскага раёну ў ноч на 22 лістапада быў забіты мясцовы праваслаўны сьвятар, настаяцель царквы Праабражэньня Гасподня айцец Аляксандар Марозаў. Аршанскім міжраённым аддзелам Сьледчага камітэту распачатая і расьсьледуецца крымінальная справа па факце забойства сьвятара. Крымінальная справа распачатая на падставе ч. 1 арт. 139 (забойства) КК.
Жыхары Барані патрабуюць грамадзкіх слуханьняў наконт новай ЦЭЦ
Яны зьвярнуліся ў адміністрацыю Аляксандра Лукашэнкі і мясцовы гарвыканкам з калектыўнымі лістамі, дзе выклалі свае прэтэнзіі. Адказ з выканкаму ўжо атрыманы, але ён несуцяшальны. У лісьце за подпісам старшыні Баранскага гарвыканкаму Васіля Русакова сказана толькі пра тое, што будоўля ЦЭЦ на мясцовых відах паліва прадугледжаная праграмай разьвіцьця энэргетычнай сыстэмы ў Беларусі, прынятай у 2007 годзе, і што «ўзровень забруджваньня выкідамі ў атмасфэру і сьцёкамі адпавядае нормам».