Орша закупае «узбраенне» - у горадзе хочуць усталяваць «Кацюшу» и «Паланез» са штучнага газона
Меркаваннем гараджанаў наконт таго, ці хочуць яны мець у Оршы такія гарадскія аб'екты, традыцыйна не пацікавіліся. Іх проста паставяць перад фактам з'яўлення каркасных фігур з пакрыццём са штучнага газона – так званых тапіярыяў. Разлік на тое, што тапіярыі «Кацюша» і «Паланэз» упрыгожаць гарадскі ландшафт, выглядае спрэчным: зялёныя фігуры жывёлаў, матылькоў ды іншых персанажаў і канструкцый многія жыхары суседняга Віцебска лічаць засмечваннем горада малаэстэтычнымі вырабамі, якое практыкуецца ў абласным цэнтры з 2019 г.
Браслаўчане скардзяцца на ржавую ваду з пахам смуроду. Праблема існуе ўжо некалькі год
Ужо некалькі гадоў запар браслаўчан хвалюе якасць вады, якая цячэ з кранаў у іх дамах і кватэрах. Апошнім часам да скарг на перыядычна ржавую і з прымешкамі ваду дадаліся прэтэнзіі да смуроднага паху. Піша сайт braslav-star.by.
Віцебскія ўлады не рэагуюць на просьбу людзей наладзіць вулічнае асвятленне
Выправіць вулічнае асвятленна на вул. Крыштальнай у Вярхоўі (Чыгуначны раён Віцебска) просяць мясцовыя ўлады гарадскія актывісты ў петыцыі №5735 на інфармацыйнай платформе “Зручны горад”. Але ўлады пакуль не зрэагавалі на сігналы жыхароў "паўночнай сталіцы", тым самым ставяць пад сумнеў здольнасць мясцовых улад вырашаць камунальныя праблемы нават у перыяд, калі ў краіне пачалася палітычная кампанія - выбары дэпутатаў у мясцовыя Саветы і ў Палату прадстаўнікоў.
У Віцебску вырашылі правесці падрыхтоўку да зімы. Раней яна прыходзіла «нечакана»
Старшыня Віцебскага гарвыканкама Генадзь Сабыніч пачаў праверку гатоўнасці гарадскіх службаў да зімы з прадпрыемства Гардармост - менавіта ад гэтай арганізацыі залежыць своечасовая расчыстка вуліц ад снега. Высветлілася, што на зімовы перыяд гэтай арганізацыі патрабцецца 22 кіроўцы спецтэхнікі. Было вырашана накіраваць некалькі работнікаў на перападрыхтоўку, а таксама ў выпадку неабходнсці прыцягваць да працы кіроўцаў з іншых арганізацый, якіх сезонна замацуюць за прадпрыемствам з захаваннем сярэднага заробку.
Жыхары Полацку просяць улады закрыць адкрытыя каналізацыйныя калодзежы
Полацкія гарадскія актывісты на інфармацыйным рэсурсе "Зручны горад" стварылі петыцыю №5700, у якой звяртаюцца да кіраўніцтва мясцовага райвыканкама з прапановай зрабіць бяспечнай тэрыторыю гарадской бальніцы, на якой знаходзяцца адкрытыя каналізацыйныя калодзежы.
У браслаўскіх уладаў не хапае грошай на добраўпарадкаванне
Таму мясцовым прыватным арганізацыям і прадпрымальнікам даводзіцца выдзяляць на гэта свае сродкі. Пры гэтым старшыня Браслаўскага райвыканкама Вячаслаў Грышчанка заяўляе, што дзяржаўна-прыватнае партнёрства можа быць эфектыўным інструментам добраўпарадкавання і навядзення парадку на зямлі. Пра гэта піша сайт мясцовай раёнкі braslav-star.by.
Міністр энергетыкі: Там дзе ёсць газіфікацыя, электраацяплення не будзе
Міністр энергетыкі Беларусі Віктар Каранкевіч правёў асабісты прыём грамадзян у Докшыцах. Усе звароты, з якімі звярнуліся да яго жыхары раёна, датычыліся падключэння электраацяплення ў жылых дамах. Міністр даў людзям наступныя тлумачэнні.
Улады Браслаўскага раёна ўпарадкавалі правілы па ўтылізацыі безгаспадарных катоў і сабак
Браслаўскі райвыканкам змяніў сваё рашэнне, якое рэгламентуе ўтрыманне хатніх і адлову безнаглядных сабак і катоў. Цяпер алгарытм "ачышчэння" ад непажаданых жывых істот выглядае такім чынам.
Вялікая лужына ў самым цэнтры гарадскога пасёлка
У Шаркаўшчына рыхтуюцца да абласных дажынак і вядуць работы па добраўпарадкаванні пасёлка. Паўсюдна працуе тэхніка, людзі задзейнічаныя як з мясцовых арганізацый, так і камандзіраваныя з іншых рэгіёнаў вобласці і рэспублікі. Аблічча гарадскога пасёлка мяняецца ў лепшы бок з кожным днём. Вось толькі вельмі кепскі малюнак псуе цэнтр Шаркаўшчыны. Піша сайт мясцовай раёнкі.
У жыхароў Дабрамысляў праблемы з гарачай вадой, але гэты аграгарадок – у пераможцах дзяржаўнага спаборніцтва
Жыхарам аграгарадка Дабрамыслі, што ў Лёзненскім раёне, адмовілі ў падачы гарачай вады ў неацяпляльную пару году (прыблізна з сярэдзіны красавіка да сярэдзіны кастрычніка). Камунальныя службы заявілі, што жыхарам шматкватэрных дамоў варта паклапаціцца пра ўласны дабрабыт самім, кошт пытання з 950 рублёў. За гэтыя грошы месцічам прапанавана самастойна набыць і ўсталяваць бойлеры, бо цэнтралізаванага забяспячэння гарачай вадой на працягу амаль паўгода чакаць не даводзіцца.