У Гарадку сябры аргкамітэту БХД у межах кампаніі “Рада народных дэпутатаў” дамагліся асьвятленьня вуліц. Як паведаміла актывістка Алена Дайнека, не было асьвятленьня на ўчастку вуліцы Баграмяна, за які адказнае кіраўніцтва мясцовага Аграрна-тэхнічнага каледжу. Адсутнасьць асьвятленьня спрычынілася да траўмаў у мінакоў. Да таго ж у цемры сталіся частымі бойкі паміж маладзёнамі. На ўсе звароты гарадчукоў наконт гэтага пытаньня кіраўніцтва каледжу заяўляла пра адсутнасьць лямпачак. Аднак, калі жыхары Гарадку сказалі, што зьвернуцца ў райвыканкам, лямпачкі адразу знайшліся, і сьвятло зьявілася.