Старшыня абласной арганізацыі «Беларускага саюзу жанчын», яна ж начальнкі галоўнага ўпраўлення ідэалагічнай работы і па справах моладзі аблвыканкама Марына Навіцкая сказала, што падобныя клубы плануюць адкрываць ва ўсіх рэгіёнах, каб «аб“яднаць людзей, якія панясуць у грамадства традыцыйныя каштоўнасці, якія ёсць у беларусаў – гэта сям“я, стасункі паміж жанчынай і мужчынам, павагу да старэйшага пакалення, любоў да радзімы, радасць жыццю пад мірным небам і гонар за тыя заваёвы, якія мы маем».

І нічога пра справы, апрача размоваў, якіх, маўляў, так бракуе ў век інтэрнэту, калі ўсе зносяцца віртуальна. Але нават тэмы, пра што будуць размаўляць, арганізатары не прадумалі – маўляў, усё будзе залежаць ад прапанаваных ініцыятыў. Чарговая імітацыя бурлівай дзейнасці пад гучнай назвай.

Інна Рымашэўская