Ураджэнец Віцебску Барыс Элькін ужо шмат гадоў жыве за межамі Беларусі, апошнія некалькі гадоў – у Польшчы. Там ён мае будаўнічы бізнес і з’яўляецца адным з сузаснавальнікаў кампаніі Bel.Pol.Bud.spzoo, якая наймае на працу беларусаў і дапамагае ўкраінскім уцекачам. Час ад часу прадпрымальнік прыязджае на Радзіму, дзе ў яго засталіся сваякі. Падчас апошняга прыезду яго затрымалі, калі ён выходзіў з аўтамабіля каля ўласнага дому. У Барыса Элькіна правялі ператрус, забралі аргтэхніку. Прадпрымальніка трымаюць пад вартай, не гледзячы на праблемы са здароўем.

У родным горадзе Элькіна ведаюць як прыхільніка дэмакратычных пераменаў. Калі ў 2004-м годзе ў віцебскія прадпрымальнікі распачалі галадоўку супраць створаных мясцовымі ўладамі перашкодаў для гандлю, Барыс Элькін быў адным з яе арганізатараў.

Таццяна Віктарава