Абласны суд не задаволіў ніводнай з шасьці скаргаў віцебскіх актывістаў
19 лютага віцебскія актывісты Аляксандар Дуброўскіх, Тацяна Севярынец і Алена Янушкоўская спрабавалі ў абласным судзе абскардзіць рашэньні судоў ніжэйшай інстанцыі, якія пакаралі іх штрафамі за «парушэньні заканадаўства аб масавых мерапрыемствах» (арт. 23.34 КаАП). Актывістаў штрафавалі за дзеяньні, зьвязаныя з адстойваньнем незалежнасьці Беларусі.
Прызначаны новы старшыня Віцебскага абласнога суду. Хамічонак сышоў у адстаўку
Лукашэнка 6 лютага падпісаў Указ №41 «Аб прызначэньні і звальненьні судзьдзяў». Згодна з указам, старшынём Віцебскага абласнога суду прызначаны Аляксандр Федзюкевіч, які да гэтага займаў пасаду намесьніка старшыні аблсуду і старшыняваў у судовай калегіі па грамадзянскіх справах.
Былога кіраўніка Шуміліншчыны Снарава прысудзілі да 4-х з паловай гадоў калёніі
5 лютага Віцебскі абласны суд агучыў вырак у крымінальнай справе колішняга кіраўніка Шумілінскага раёну Аляксандра Снарава. Суд прызнаў выстаўленыя супраць яго абвінавачваньні даказанымі і прысудзіў да чатырох з паловай гадоў пазбаўленьня волі. Снарава абвінавачвалі паводле аж 5-ці артыкулаў Крымінальнага кодэксу (арт.242, ч.3 арт.424, ч.3 арт. 426, ч.2 арт.427, ч.2 арт. 430).
Віцебскі пэнсіянэр атрымаў рашэньне КПЧ і паспрабаваў спагнаць зь Мінфіну 2300 рублёў
Камітэт па правах чалавека ААН прызнаў, што дзяржава парушыла правы віцябляніна Міхаіла Жураўлёва на свабоду выказваньня свайго меркаваньня, калі ў 2012 годзе актывіста аштрафавалі за распаўсюд газэты «Віцебскі Кур’ер». Абапіраючыся на рашэньне КПЧ ААН, Жураўлёў паспрабаваў праз суд спагнаць зь Мінфіну РБ 2300 рублёў маральнай шкоды.
Судзяць экс-кіраўніка Браслаўскага райвыканкаму – ён адмовіўся ад яўкі з павіннай
У панядзелак 2 сьнежня ў Віцебскім абласным судзе пачаўся разгляд крымінальнай справы, распачатай супраць экс-старшыні Браслаўскага райвыканкаму Уладзімера Дранеўскага і ягонай жонкі Алены. Дранеўскі абвінавачваецца па сямі артыкулах Крымінальнага кодэксу, Алена Дранеўская – па чатырох. Старшынюе на працэсе судзьдзя Ігар Макарэвіч.
«На начальніка не крыўдую». Працягваецца працэс над экс-старшынём Шумілінскага райвыканкаму
У Віцебскім абласным судзе працягваюцца слуханьні крымінальнай справы ў дачыненьні былога кіраўніка Шумілінскага раёну Аляксандра Снарава. Ён абвінавачваецца ў атрыманьні хабару, службовым падлогу, злоўжываньні службовымі паўнамоцтвамі – агулам па пяці артыкулах Крымінальнага кодэксу (арт.242, ч.3 арт.424, ч.3 арт. 426, ч.2 арт.427, ч.2 арт. 430). Справу разглядае судзьдзя Тацяна Дашкевіч.
«Фальшывым выбарам – баста!» Аблсуд не вярнуў блогера Казлова ў сьпісы кандыдатаў
Віцебскі абласны суд 16 лістапада разгледзеў скаргу аршанскага блогера Дзьмітрыя Казлова, вядомага як «Шэры Кот», да абласной выбарчай камісіі, якая колькі дзён таму пацьвердзіла правільнасьць зьняцьця яго з выбараў. Судзьдзя Тацяна Дзегцярова скаргу блогера не задаволіла.
Аршанец спрабуе спагнаць з “камісіі па дармаедах” амаль 700 тысяч рублёў
Віцебскі абласны суд разгледзеў 31 кастрычніка апэляцыйную скаргу аршанца Рамана Кузьмянкова на рашэньне суду Аршанскага раёну, які не задаволіў ягоны пазоў да камісіі па спрыяньні занятасьці насельніцтва. У судзе першай інстанцыі Кузьмянкоў прасіў спагнаць з Аршанскага райвыканкаму амаль 700 тысяч рублёў маральнай шкоды, якую яму прычынілі ўключэньнем у так званы “сьпіс дармаедаў”.
Тры гады “хіміі” за фотаздымкі “ЎКантакце” – распальваў варожасьць, зьняславіў помнікі
У Віцебскім абласным судзе 28 кастрычніка завяршыўся разгляд крымінальнай справы ў дачыненьні да Аляксея В., якога абвінавачвалі ў распальваньні расавай варожасьці і зьнеслаўленьні помнікаў абаронцам Айчыны на плошчы Перамогі ў Віцебску. Судзьдзя Андрэй Прэйс палічыў віну падсуднага даказанай.
22 удары нажом. Мужчыну асудзілі на 13 гадоў за забойства грамадзяніна Ўкраіны
Віцебскі абласны суд вынес на гэтым тыдні прысуд жыхару Віцебскага раёну Віктару Б., які быў абвінавачаны ў забойстве з асаблівай жорсткасьцю грамадзяніна Ўкраіны (п.6 ч.2 арт.139 КК) у ліпені 2019 году. Мужчыну прызналі вінаватым і прысудзілі да 13 гадоў зьняволеньня ў папраўчай калёніі ўзмоцненага рэжыму.