Пасьля сустрэчы з такімі людзьмі, як інвалід першай групы зь дзяцінства Віктар Міхальчэнкаў, пачынаеш інакш глядзець на сьвет і людзей вакол цябе.

У Віцебску з 5 па 30 верасьня праходзіць абласны фэстываль-конкурс творчага і дэкаратыўна-прыкладнога мастацтва для людзей з абмежаванымі магчымасьцямі «Сонечны сьвет для ўсіх». Гэткае мерапрыемства адбылося ў абласным цэнтры і летась. У гэтым сьвяце бяруць удзел каля 100 чалавек з абмежаванымі магчымасьцямі з розных гарадоў рэгіёну.