У Віцебску 3-х актывістаў кінулі да панядзелка за краты ІЧУ
У Віцебску працягваюцца затрыманьні ўдзельнікаў пікетаваньня для збору подпісаў 31 траўня, на якім прысутнічаў палітык Павал Севярынец. Пасьля складаньня пратаколаў Алену Янушкоўскую, Алега Паўлава, Яраслава Кійко і Аляксандра Якушкова зьмясьцілі да судоў у віцебскі ізалятар часовага ўтрыманьня (ІЧУ). Праз колькі гадзін Кійко адпусьцілі – у яго была падвышаная тэмпэратура.
Актывіста «Краіны для жыцьця» пасьля сутак у ІЧУ аштрафавалі на 675 рублёў
Віцябляніна Аляксея Саламаненку затрымалі 26 траўня на працы і пасьля складаньня пратаколу адразу зьмясьцілі ў ізалятар часовага ўтрыманьня (ІЧУ), дзе ён правёў суткі да суду. У сераду 27 траўня ягоную справу разглядаў суд Першамайскага раёну Віцебску. Прысуд аказаўся мякчэйшы, чым чакалі: 25 базавых велічынь – за сустрэчу з блогерам Ціханоўскім.
Віцебскі абласны суд не задаволіў скаргу журналіста Зьмітра Лупача
22 траўня ў Віцебскі абласны суд разгледзеў касацыйную скаргу глыбоцкага журналіста-фрылянсэра Зьмітра Лупача на пастанову суду ніжэйшай інстанцыі. Скаргу разглядала судзьдзя Сьвятлана Іванова. У выніку яна пакінула пастанову Глыбоцкага суду бязь зьменаў, а скаргу без задавальненьня.
У Віцебску затрымалі актывіста Аляксея Прохарава – ён у ізалятары часовага ўтрыманьня
Аляксея Прохарава запрасілі ў аддзел аховы правапарадку Чыгуначнага раёну Віцебску для дачы тлумачэньняў пра ягоны ўдзел у кармленьні галубоў 3 траўня. Але зь міліцыі яго не выпусьцілі – затрымалі і адразу адвезьлі ў ізалятар часовага ўтрыманьня (ІЧУ). Актывіст пасьпеў паведаміць праваабаронцу, што суд над ім адбудзецца ў панядзелак.
Удзельніка стрыму Ціханоўскага ў Віцебску прысудзілі да 4-х сутак арышту
Суд Чыгуначнага раёну Віцебску пакараў 21 траўня віцябляніна Аляксандра Мацеюка 4-ма суткамі адміністрацыйнага арышту за ўдзел у сустрэчы з блогерам Сяргеем Ціханоўскім. Мужчыну прызналі вінаватым у парушэньні заканадаўства аб масавых мерапрыемствах (арт. 23.34 КаАП). Справу разглядала судзьдзя Алена Грабянчук.
Аляксандар Ільінец выйшаў на волю пасьля 5 сутак, праведзеных за кратамі ІЧУ
Віцебскі актывіст Аляксандар Ільінец быў пакараны 5 суткамі адміністрацыйнага арышту за ўдзел у «кармленьні галубоў», якое суд палічыў «несанкцыянаваным пікетаваньнем» (арт 23.34 КаАП). 13 траўня Аляксандар Ільінец быў вызвалены з-пад арышту і выйшаў на волю.
Актывіст Алесь Круткін выйшаў на волю зь віцебскага ІЧУ пасьля 45 сутак арышту
Полацкага актывіста і блогера Алеся Круткіна вызвалілі 12 сакавіка зь віцебскага ізалятара часовага ўтрыманьня (ІЧУ), дзе ён адбываў тры адміністрацыйныя арышты запар – 45 сутак агулам. Перад тым як вызваліць канчаткова, Круткіна адвезьлі ў Чыгуначны РАУС Віцебска для прафіляктычнай размовы.
Алеся Круткіна вызваляць 12 сакавіка. Ад галадоўкі ён адмовіўся
Полацкага актывіста і блогера Алеся Круткіна мусяць вызваліць зь віцебскага ізалятара часовага ўтрыманьня (ІЧУ) 12 сакавіка. Пра гэта «Віцебскай Вясьне» паведаміла маці Алеся, якая ў панядзелак 2 сакавіка перадала сыну харчовую перадачу. У які дакладна час выпусьцяць Алеся, пакуль невядома.
Беларускія блогеры патрабуюць неадкладнага вызваленьня Алеся Круткіна
Вядомыя беларускія блогеры апублікавалі ў сеціве зварот у падтрымку актывіста Алеся Круткіна, які адбывае зараз адміністрацыйны арышт у Віцебску. У звароце патрабуюць ад уладаў спыніць неабгрунтаваны ціск на незалежных блогераў і журналістаў і неадкладна вызваліць Алеся Круткіна.
Алеся Круткіна пасьля 30 сутак арышту ня вызвалілі – прысудзілі яшчэ 15 сутак у Лепелі
26 лютага на волю зь віцебскага ІЧУ пасьля 30 сутак арышту павінен быў выйсьці полацкі актывіст Алесь Круткін, але яго ня вызвалілі. Паводле інфармацыі, атрыманай ад начальніка ізалятару, Круткіна яшчэ ў першай палове дня адвезьлі ў Лепельскі РАУС для складаньня чарговага адміністрацыйнага пратаколу.