Фанаты футбольных клюбаў “Нафтан” і “Віцебск” пратэстуюць супраць гвалтоўных дзеяньняў міліцыі

Пятніца, 17 Ліпень 2015

Фанаты футбольных клюбаў “Нафтан” і “Віцебск” пратэстуюць супраць гвалтоўных дзеяньняў міліцыі

Ацаніць гэты матэрыял

(0 галасоў)

Фанаты футбольных клубаў “Нафтан”, “Белшына” і “Віцебск” байкатуюць хатнія матчы клюбаў, паведамляе інтэрнэт-рэсурс Belultras.by у сваім Твітары. Паводле інфармацыі сайту футбольных заўзятараў, да акцыі можа далучыцца і фан-група менскага „Дынама”. Байкатуючы гульні любімых каманд, заўзятары пратэстуюць супраць неадэкватных дзеяньняў міліцыі ў час футбольных матчаў.

3 траўня падчас матчу клюбаў першай лігі “Баранавічы” – “Дняпро” адбылася сутычка фанатаў з АМАПам. Міліцыянты паклалі заўзятараў на зямлю і зьбілі іх. Пасьля міліцэйскай нібыта праверкі дзеяньні праваахоўнікаў прызналі законнымі. Тым часам чэмпіянат Беларусі па футболе ўсталёўвае антырэкорды наведвальнасьці. 13-ы тур першынства наведала ўсяго 1120 гледачоў.

Крыніца: Радыё Рацыя

Апублікавана ў Акцыі

Яшчэ ў гэтым разьдзеле: « Актывісты БХД Віцебшчыны просяць пракуратуру разабрацца з прарасейскімі арганізацыямі Вынік пратэстаў супраць зносу лецішчаў: улады прызналі, што грамадзкае абмеркаваньне ладзілася з парушэньнямі »

Вярнуцца ў пачатак