Жыхарам Глыбокага нагадалі пра палітвязьня Мікалая Статкевіча
Плякат з патрабаваннем свабоды былому кандыдату ў прэзыдэнты Мікалаю Статкевічу, можна было пабачыць на аўтобусным прыпынку ў Глыбокім у раёне МКК. Паводле словаў відавочцаў, правісёў ён там нядоўга, толькі некалькі гадзін.
Сваякі дырэктара наваполацкага дзяржпрадпрыемства адпачывалі за кошт дзяржавы
“Упраўленьнем Сьледчага камітэту па Віцебскай вобласьці распачатая крымінальная справа пра злоўжываньне службовымі паўнамоцтвамі дырэктарам дзяржаўнага транспартнага прадпрыемства гораду Наваполацку”, - паведаміла афіцыйны прадстаўнік УСК па Віцебскай вобласьці Іна Гарбачова. Паводле яе інфармацыі, “у выніку супрацьпраўных дзеяньняў службовай асобы прадпрыемству нанесеная маёмасная шкода на суму ня менш за 100 мільёнаў рублёў”.
Вугорскія хрысьціяне стануць фундатарамі стварэньня ў Гарадоцкім раёне рэабілітацыйнага цэнтру для былых зьняволеных
Віцебшчыну наведала амбасадар добрай волі дабрачыннай арганізацыі «Вугорская міжцаркоўная дапамога», жонка прэм’ер-міністра Вугоршчыны Аніко Леваі. Візыт спадарыні Аніко Леваі доўжыўся два дні. У дэлегацыю таксама ўваходзілі прэзыдэнт-дырэктар «Вугорскай міжцаркоўнай дапамогі» Ласло Лехель, Надзвычайны і Паўнамоцны Амбасадар Вугоршчыны ў Беларусі Вілмаш Сіклавары, іншыя прадстаўнікі дыпмісіі і дабрачыннай арганізацыі.
Жыхары Віцебску патрабуюць вярнуць ім права на правядзеньне пікетаў і мітынгаў
Некалькі дзясяткаў жыхароў Віцебску падпісаліся пад калектыўным лістом у Савет Міністраў з просьбай паспрыяць зьмяненьню рашэньня Віцебскага гарвыканкаму №881 ад 10.07.2009 г., якое рэглямэнтуе правілы звароту да ўладаў з заяўкамі на вулічныя акцыі. Віцебчукі просяць таксама, каб Саўмін ініцыяваў зварот у Канстытуцыйны суд дзеля праверкі адпаведнасьці гэтага дакумэнту Канстытуцыі Рэспублікі Беларусь.
Доктару Пастнову пагражаюць крымінальнай справай «за скажэньне статыстыкі»
У віцебскага лекара Ігара Пастнова запатрабавалі пісьмовых тлумачэньняў пра тое, дзе ён узяў статыстычныя зьвесткі наконт узроўню алькагалізацыі насельніцтва Беларусі, згаданыя ў ягоным блогу. Пісьмовых тлумачэньняў ад імя галоўнага лекара ўстановы аховы здароўя «Віцебскі абласны клінічны цэнтар псыхіятрыі і наркалёгіі» Алены Мартынавай запатрабаваў яе намесьнік, Ігар Сьвіркуноў.
Прадпрымальнікі Віцебску змагаюцца за свае правы
За тры тыдні да ўступленьня ў сілу новых правілаў гандлю індывідуальныя прадпрымальнікі (ІП) Віцебску выступілі са зваротам да прэзыдэнта і ўраду. 5 чэрвеня ІП, якія гандлююць на рынках і ў гандлёвых цэнтрах Віцебску, прыпынілі на дзень працу ў знак пратэсту супраць новаўвядзеньняў. Па выніках акцыі быў прыняты зварот да Аляксандра Лукашэнкі і Савету міністраў, які адпраўлены адрасатам 8 чэрвеня.
Рэдактар незалежнага аршанскага сайту падзякаваў тролям за іх актыўнасьць (відэа)
«Наш сайт – агульнадэмакратычны. Гэта ня значыць, што ён апазыцыйны. Калі ўлада зробіць нешта добрае – мы пахвалім уладу. Калі апазыцыя зробіць нешта кепскае, якія б гэта дэмакраты ні былі, – мы можам іх пакрытыкаваць. Мы спрабуем падаваць матэрыялы без перадузятасьці. Калі мы станем адстойваць пазыцыю толькі адной нейкай партыі, то нас і будуць чытаць толькі сябры гэтай партыі. Мы ж хочам, каб наш сайт чытаў і выказваўся на яго старонках увесь горад», – ахарактарызаваў палітыку сайту orsha.eu яго рэдактар.
Помнік архітэктуры ў цэнтры Віцебску агароджваюць бэтонным мурам
У лютым 2013 году ў Віцебску на месцы былога бэрнардынскага кляштару распачалося будаўніцтва адміністрацыйна-гандлёвага цэнтру. Будынак, што будуецца, зьяўляецца прыбудовай да дому №35 па вуліцы Леніна, які адносіцца да помнікаў архітэктуры канца XIX - пачатку XX стагодзьдзя. Нягледзячы на гэта, разам з новай прыбудовай абносяць бэтонным плотам і частку гістарычнага будынку, перакрываючы свабодны доступ да помніку архітэктуры, што зьяўляецца парушэньнем права на доступ да культурных каштоўнасьцяў.
Адхіленая наглядная скарга доктара Пастнова наконт забароны пікету супраць міліцэйскага гвалту
Адказ за подпісам старшыні абласнога суду Мікалая Хамічонка атрымаў віцебскі “лекар-праўдаруб” Ігар Пастноў. Ён спрабаваў аспрэчыць рашэньне Кастрычніцкага раённага суду, які адхіліў ягоную скаргу на дзеяньні адміністрацыі Кастрычніцкага раёну, кіраўніцтва якой не дазволіла правесьці пікет супраць міліцэйскага гвалту.
Прадпрыемствамі спажыўкаапэрацыі Віцебскай вобласьці зацікавілася пракуратура
Органамі пракуратуры Віцебскай вобласьці праведзеныя праверкі прадпрыемстваў спажыўкаапэрацыі ў 17-ці раёнах. Выяўленыя шматлікія парушэньні патрабаваньняў дырэктываў прэзыдэнта №1 “Аб мерах па ўмацаваньні грамадзкай бясьпекі і дысцыпліны”, №3 “Эканомія і ашчаднасьць — галоўныя чыньнікі эканамічнай бясьпекі дзяржавы”, заканадаўства аб захаванасьці ўласнасьці, зваротах грамадзян і юрыдычных асоб, працоўнага і антыкарупцыйнага заканадаўства.