На руска-ўкраінскай вайне загінула больш за 260 вайскоўцаў з Пскоўскай губерні
Пскавічы працягваюць несці вялікія баявыя страты на вайне ва Ўкраіне. 13 жніўня кіраўнік Пскоўскай губерні назваў імёны яшчэ 4 загінуўшых салдат. Усяго губернатар Міхаіл Ведэрнікаў прызнаў забітымі на вайне 172 вайскоўца. Лік жа палонных, параненых і без вестак зніклых губернатар баіцца назваць публічна, каб не пужаць пскоўскіх абывацеляў велічэзнымі лічбамі падобных страт.
Адкрыццё дзіцячага садка ў Полацку ператварылі ў ідэалагічнае мерапрыемства
15 жніўня ў полацкім мікрараёне «Аэрапорт» адкрылі новую дашкольную ўстанову – дзіцячы сад №33. Імпрэза праходзіла ў прысутнасці высокага начальства з Мінска і Віцебска, і ў толькі што адкрытым дзіцячым садку тут жа правялі так званую «дыялогавую пляцоўку» на тэму міжнароднай палітычнай абстаноўкі. Адным з прамоўцаў на ёй быў Старшыня Палаты прадстаўнікоў Уладзімір Андрэйчанка. Ён заявіў прысутным, што задача калектыўнага Захаду і ЗША - «стереть с лица земли восточнославянскую цивилизацию», а таму з ранніх гадоў трэба выхоўваць яе абаронцаў.
Аршанскі суд не паверыў, што можна любіць Рэспубліку Беларусь
Жыхара г. Барані Віталя Шмата асудзілі да 15 сутак арышту за тое, што ён у нецвярозым стане выгукнуў «Жыве Беларусь!». Суддзя Мікалай Драгуноў прызнаў гэта несанкцыянаваным пікетаваннем і пакараў мужчыну паводле ч.1 арт. 24.23 КаАП. Тлумачэнні падсуднага пра тое, што такім чынам ён выражаў любоў да сваёй дзяржавы, суд назваў не адпаведнымі рэчаіснасці. Якім чынам суддзя ў гэтым пераканаўся, застаецца загадкай.
Жыхароў Шаркаўшчыны зноў падманулі: фізкультурна-аздараўленчага комплекса не будзе і да сёлетніх «Дажынак»
З’яўленне комплекса было запланавана яшчэ ў 2019 г. адмысловым «Планам развіцця асобных рэгіёнаў, якія адстаюць па ўзроўні сацыяльна-эканамічнага развіцця». Дакумент прадугледжваў змены ў жыцці 7 рэгіёнаў Віцебшчыны - гэта Шаркаўшчына, Гарадок, Лёзна, Мёры, Сянно, Ушачы і Шуміліна. Двойчы абвяшчалася грамадскае абмеркаванне праекта, апошні раз – у красавіку сёлета. Аб“ект абяцалі здаць да «Дажынак-2023», які пройдзе 29 верасня ў райцэнтры.
Старшыня Дубровенскага райсуду палохала работнікаў мясцовага льнозавода адказнасцю за «распаўсюд экстрэмізму»
Следам за ёй газета «Дняпроўская праўда» вырашыла папалохаць увесь раён. Выданне не толькі размясціла інфармацыю пра сустрэчу на прадпрыемстве, а яшчэ й працытавала старшыню суду Марыю Цыклінскую, якая лічыць найбольш бяспечным проста не заходзіць у Інтэрнэт, бо «кожны, гартаючы навінавыя стужкі, вольна ці нявольна захоўвае ў сябе ўвесь прагледжаны кантэнт». Больш дасведчаныя ў гэтых пытаннях інтэрнэт-карыстальнікі маглі б аспрэчыць старшыню суду, але сайт «раёнкі» не прадугледжвае магчымасці каментавання.
Улады за распаўсюд «экстрэмізму» аштрафавалі жыхарку Талачынскага раёна
Суддзя суда Талачынскага раёна Алеся Саян 21 ліпеня за распаўсюд «экстрэмісцкіх» матэрыялаў у сацыяльнай сетцы пакарала штрафам у памеры 1110 рублёў мясцовую жыхарку маці двух дзяцей Насту Іванову.
Расонская «раёнка» запусціла праект «В объективе – сенатор»
Гэта верная прыкмета таго, што набліжаюцца выбары. Каб узняць аўтарытэт уладаў у народа, трэба бліжэй пазнаёміць народ з тымі, каго ён нібыта абірае, вырашылі ў рэдакцыі газеты «Голас Расоншычыны». Першай асобай, каго запрасілі на адмысловае інтэрв’ю ( слова «аб’ектыў» у назве – толькі для прыгажосці) стала Таццяна Полушкіна, дырэктарка Полацкага каледжа ВДУ імя Машэрава, шматгадовая кіраўніца Полацкай гарадской арганізацыі РГА «Белая Русь», чалец Савета Рэспублікі Народнага Сходу, якая балатавалася туды ад Полацкага і Верхнядзвінскага раёнаў . Першы артыкул праекта назвалі паводле яе выказвання: « Я – патриот до мозга костей...»
На Лепельшчыне папярэджваюць жыхароў пра адказнасць за несанкцыянаванае выкарыстанне паветранай прасторы
Як адзначыла маёр міліцыі Лепельскага РАУС Яўгенія Свідзінская мясцовай раёнцы, у Беларусі пачала абазначацца праблема несанкцыянаванага выкарыстання паветранай прасторы ўладальнікамі (карыстальнікамі) авіямадэляў у межах устаноўленых забароненых зон, а таксама на вышыні, якая перавышае 100 метраў ад узроўню зямлі.
За распаўсюд «экстрэмізму» ўлады арыштавалі жыхара Наваполацка
Суддзя суда Наваполацка Зінаіда Балаболава 18 ліпеня пастанавіла арыштаваць на 13 сутак работніка ААТ «Нафтан» Сяргея Шалавіна, за тое, што ён у сацыяльнай сетцы распаўсюджваў «экстрэмісцкія» матэрыялы. Адміністрацыйная справа бела разгледжана без удзелу «правапарушальніка».
У Віцебскай вобласці "цяжкіх" злачынстваў стала менш, а карупцыйных - больш
1 жніўня ў Віцебску адбылося паседжанне калегіі пракуратуры Віцебскай вобласці, на якім былі падведзены вынікі працы гэтага дзяржаўнага воргана за студзень-чэрвень 2023 года.