За «экстрэмізм» кіроўца-дальнабойшчык атрымаў 10 сутак арышту
Суддзя суд Браслаўскага раёна Аляксандр Вязіцкі 31 ліпеня прыняў рашэнне арыштаваць на 10 сутак кіроўцы-міжнародніка Дзмітрыя Жарскага, які на думку суддзі распаўсюджваў у сацыяльных сетках экстрэмісцкія матэрыялы. На разгляд адміністратыўнай справы “правапарушальнік” не зьявіўся.
«Раёнкі» Віцебшчыны пачалі піярыць інтэрв'ю Лукашэнкі украінскай журналістцы Дзіяне Панчанка. Каментатары - усё тыя ж
Першай стартавала ў дадзеным накірунку «Аршанская газета», даўшы слова Віталю Дудараву, намесніку гендырэктара прадпрыемства «Оршакомхоз», не зазначыўшы, праўда, што спадар з“яўляецца намеснікам дырэктара па ідэалагічнай рабоце, і Надзеі Каралёвай, інжынеру па ахове працы і пажарнай бяспецы ААТ «Оршаагропроммаш». Знайсці новыя твары для чарговай ідэалагічнай кампаніі рэдакцыя не парупілася, і чытачы пазналі ў гэтых асобах старых знаёмцаў, якія і раней з“яўляліся на старонках газеты ў падобнай ролі.
64-гадовую жыхарку Шуміліншчыны будуць судзіць па двух палітычных крымінальных артыкулах
Зою Баранаву вінавацяць паводле ч.1 арт. 368 КК РБ (абраза прэзідэнта Рэспублікі Бедарусь) і паводе арт. 369 (абраза прадстаўніка ўлады). Факты абразаў сілавікі знайшлі, вывучаючы старонкі пенсіянеркі ў сацыяльных сетках. Суд над жанчынай адбудзецца 29 жніўня ў Шумілінскім райсудзе, яе справу даручана разглядаць суддзі Алене Сініцкай.
Улады пакаралі арыштам міёрскага "экстрэміста"
Суддзя суда Міёрскага раёна Ірына Яскевіч 10 жніўня за захоўванне і распаўсюд у сацыяльных сетках публікацый «экстрэмісцкага» характару вырашыла арыштаваць на 7 сутак жыхара Міёра Юрыя Варанько.
Супрацоўнік Бешанковіцкага РАУС правёў «лікбез» пра адказнасць за абразы. У тым ліку на адрас міліцыянтаў і прэзідэнта
Артыкул, які з’явіўся ў раённай газеце «Зара», прысвечаны як маральна-этычнай праблематыцы, так і непасрэдным тлумачэнням, якое пакаранне прадугледжвае беларускае заканадаўства за абразу службовых асобаў, прадстаўнікоў улады і прэзідэнта Рэспублікі Беларусь. Пра ўсё гэта чытачам распавёў Уладзімір Барсукоў, намеснік начальніка РАУС па ідэалагічнай рабоце і кадравым забеспячэнні. Мяркуючы па ўступе і заключэнні артыкула, мясцовыя жыхары істотна незадаволены працай дзяржаўных службоўцаў, і часта не хаваюць гэтага незадавальнення, выказваючы яго асабіста або ў інтэрнэт-прасторы.
Улады Наваполацка за распаўсюд «экстрэмізму» арыштавалі індывідуальнага прадпрымальніка
Суддзя суда Наваполацка Сняжана Калінічэнка 2 жніўня за падпіску на пяць «экстрэмісцкіх» каналаў у Youtube пастанавіла арыштаваць на 15 сутак мясцовага жыхара ІП Аляксандра Жыхарава.
Эканамічная палітыка ўладаў і заходнія санкцыі зрабілі Віцебскі рэгіён непрывабным для інвестараў з Кітаю
Паводле апошніх звестак Галоўнага статыстычнага ўпраўлення Віцебскай вобласці асноўным замежным інвестарам у мясцовую эканоміку з'яўляецца Расійская Федэрацыя, на якую прыпадае 95 працэнтаў усіх інвестыцый. Трэба адзначыць, што прадпрымальнікі з Кітая за першыя шэсць месяцаў бягучага года не ўклалі ў развіццё рэгіёна ні цэнта. І гэта нягледзячы на ўсе прадпрынятыя за апошнія гады прапагандысцкія і фіскальныя меры "інвестыцыйнага заваблівання" кітайскіх інвестараў, прынятыя эканамічнымі ўладамі вобласці.
Палітвязня Мікалая Машарскага будуць судзіць 28 жніўня ў Полацку
Беларуская праваабарончая супольнасць прызнала жыхара Расонаў палітычным зняволеным 18 жніўня. Мужчыну затрымалі сёлета 9 чэрвеня і вінавацяць паводле арт. 342- 2 Крымінальнага кодэкса (Неаднаразовае парушэнне парадку арганізацыі і правядзення масавых мерапрыемстваў) і арт. 368 Крымінальнага кодэкса (Абраза прэзідэнта Рэспублікі Беларусь). Машарскага ўтрымліваюць у Віцебскім СІЗА-2.
У партыі «Белая Русь» на увесь Дубровенскі раён – усяго 36 чальцоў
Нядаўна створаная партыя, якая прэзентавала сябе як самае масавае прадстаўніцтва ад усіх слаёў беларускага грамадства, насамрэч аказалася не такой ужо і шматлікай. Гэта стала відавочна цяпер, калі пачаліся пасяджэнні раённых партыйных саветаў. Дубровенская «раёнка» апубліукавала справаздачу з гэтага мерапрыемства, зазначыўшы, што ў раёне 36 чальцоў партыі «Белая Русь». Газета «Дняпроўская праўда» была шчырай, тады як іншыя «раёнкі», пішучы пра пасяджэнні саветаў, сціпла не згадвалі колькасць партыйцаў.
Мёрскія міліцыянты папярэджваюць пра адказнасць за перасячэнне чыгуначных шляхоў
Адказнасць за перасячэнне чыгуначных шляхоў ва неўстаноўленым месцы тлумачыць жыхарам Мёршчыны праз мясцовую раёнку малодшы ўчастковы інспектар мёрскай міліцыі Аляксандр Гродзь.