5 сутак арышту за фота ў нямецкай форме – тэатральным касцюме. Прысуд набыў законную моц
Суд Глыбоцкага раёну асудзіў 48-гадовага Андрэя Кулікоўскага на 5 сутак адміністрацыйнага арышту за публічную дэманстрацыю фашысцкай сімволікі і атрыбутыкі (ч.1 арт. 19.10 КаАП). Мужчына – аматар гістарычнай рэканструкцыі, а нямецкая форма – тэатральны касцюм, у якім збіраўся здымацца ў кіно. Віцебскі абласны суд 17 лістапада адхіліў ягоную скаргу, а значыцца прысуд набыў законную моц. На разглядзе скаргі мужчына не прысутнічаў.
21-гадовую віцяблянку судзяць за «дэструктыўны» надпіс «3%» на шапіку «Табакерка»
Суд Першамайскага раёну Віцебску 17 лістапада пачаў разгляд крымінальнай справы ў дачыненні 21-гадовай віцяблянкі Александрыны Міхаложынай, абвінавачанай паводле арт. 341 КК («Апаганьванне збудаванняў і псаванне маёмасці»). У 2020 годзе на шапік, які належыць філіялу «Віцебск-тытунь» СЗАТ «Энерга-оіл» дзяўчына нанесла надпіс, звязаны з падзеямі прэзідэнцкай кампаніі. Ёй пагражае да трох месяцаў арышту.
У Віцебску пачаўся працэс у справе, распачатай за абразу суддзі Вікторыі Шабуні
У судзе Кастрычніцкага раёну Віцебску 17 лістапада пачаўся судовы працэс над Андрэем Кузняцовым, у дачыненні якога распачалі крымінальную справу за знявагу менскай суддзі Вікторыі Шабуні (арт. 391 КК РБ). Калі мужчыну прызнаюць вінаватым, яму будзе пагражаць да трох гадоў абмежавання волі. На першае паседжанне ён не прыйшоў праз хваробу. Зняважаная суддзя Шабуня таксама не з'явілася.
Як рабіць грашовы перавод, як атаварваюцца вязні і што адбываецца з грашыма пасля вызвалення чалавека?
Ужо больш за год у Беларусі колькасць палітычных зняволеных павялічваецца амаль штодзённа. На жаль, у сваякоў не заўсёды атрымліваецца карыстацца ўсімі магчымымі спосабамі падтрымкі вязняў: ім блакуюць ліставанне, пазбаўляюць перадач, не дазваляюць замаўляць кнігі і абмяжоўваюць у падпісках на незалежныя газеты і часопісы. Адзінае, что застаецца — грашовыя пераводы. «Вясна» нагадвае, чаму важна дасылаць вязням грошы, распавядае, як гэта зрабіць і як на практыцы выглядае атаварка. Пішуць праваабаронцы на сайце ПЦ “Вясна”.
Блогерку Алену Янушкоўскую абвесцілі ў вышук. На яе заведзеная справа за абразу Лукашэнкі
Віцебскую блогерку Алену Янушкоўскую абвесцілі ў вышук, а расследаванне ў крымінальнай справе, заведзенай на яе за абразу прэзідэнта (арт. 368 КК), прыпынілі. Гэта вынікае з паведамлення, якое атрымала са следчага камітэту дачка Алены Янушкоўскай. Нядаўна ў доме блогеркі ў вёсцы Суйкава Віцебскага раёну прайшоў ператрус. Сама Алена Янушкоўская знаходзіцца ў небяспецы – за межамі Беларусі.
За маляваны флэшмоб суд пакараў яго ўдзельніка штрафам
10 лістапада суддзя Кастрычніцкага раёну Віцебску Сняжана Кіндзеява вынесла прысуд жыхару віцябляніну Расціславу Чаховічу. Яго прызналі вінаватым у апаганьванні збудаванняў і псаванні маёмасці (арт. 341 КК РБ). Маладога чалавека пакаралі штрафам у памеры 290 рублёў. На судзе высветлілася, што графіці не мела палітычнага характару.
Віцебскія ўлады ліквідуюць установу, якая займалася сацыялізацыяй дзяцей-сірот
Адміністрацыя Першамайскага раёну Віцебску пачала ліквідацыю сацыяльна-дабрачыннай установы «Свет без сірот». Працэдуру распачалі яшчэ 25 жніўня. Неўзабаве чыноўнікі зробяць справаздачу ў вышэйшыя інстанцыі аб паспяховым закрыцці арганізацыі, якая дапамагала сацыялізавацца самай бяздольнай частцы беларускага грамадства – дзецям-сіротам.
«Нешта не тое размясціла ў інтэрнэце». У доме блогеркі Алены Янушкоўскай прайшоў ператрус
Віцебская блогерка Алена Янушкоўская ўжо некалькі месяцаў знаходзіцца за межамі Беларусі, але міліцыянты з’явіліся з ператрусам ў яе хату ў вёсцы Суйкава Віцебскага раёну, дзе зараз жыве прыёмная дачка блогеркі з двума дзецьмі. Дачцэ паведамілі, што вобшук робяць праз тое, што яе маці «нешта не тое размясціла ў інтэрнэце», паведамляе служба маніторынгу Беларускай асацыяцыі журналістаў.
«Не вер, не бойся, не прасі» – формула выжывання на зоне ад былога палітвязня Міхаіла Жамчужнага
Міхаіл Жамчужны – дацэнт, кандыдат тэхналагічных навук, вывучаў праблемы прамысловай вытворчасці вадароду. Заснавальнік грамадскай арганізацыяй «Платформ інавейшн», якая займалася пытаннямі парушэння правоў людзей у месцах пазбаўлення волі. Двойчы асуджаны: у 2006 годзе па эканамічным артыкуле – на 5 гадоў і ў 2015 годзе за абарону правоў зняволеных – на 6,5 гадоў. Быў прызнаны палітвязнем. Вашай увазе – тэзісы сустрэчы з Жамчужным на канале «Нация Лидеров Онлайн-хаб».
Мінінфарм адмовіўся разбірацца з раёнкай «Чырвоны прамень» за распаўсюд экстрэмізму
Міністэрства інфармацыі даслала 11 лістапада афіцыйны адказ на петыцыю з просьбай звярнуць увагу на кантэнт, размешчаны на афіцыйным сайце чашніцкай раённай газеты «Чырвоны прамень». Аўтары петыцыі западозрылі рэдакцыю і яе супрацоўнікаў у распаўсюдзе экстрэмісцкіх матэрыялаў і прасілі чыноўнікаў зрабіць адпаведныя захады. Адказ з міністэрства падпісаны першым намеснікам міністра інфармацыі Андрэем Кунцэвічам.